Levitikọs 14:17 - Edo Bible (E Baibol Ẹdo) Version 1996

¹⁷ Ọ ghi rhie vbe ofigbọn nii ne ọ rre ọre atataobọ kevbe esagiẹn ovbi ohuan amwẹ nii, ọ ghi rhie ẹre ye eto ọghe ehọ obọ erha ọmwa kevbe ikpinhianwẹ ne ogie ọghe owẹ obọ erha ọmwa ọghe ọmwa ne a ra kha ighẹ ẹ i ghi mwẹ awua nii.

Levitikọs 14:17 ပူးပေါင်းရင်းမြစ်များ

Ezikiẹl 36:27

I gha rhie orhiọn mwẹ ye uwu uwa, I ghi vbe miẹn wẹ wa ya uhi kevbe iyi mwẹ ru emwi.

Levitikọs 14:14

Ohẹn ghi rhie vbe esagiẹn ovbi ohuan amwẹ nii, ọ ghi rhi ẹre ye etọghọ ehọ obọ erha ọmwa, ikpinhianhọ nogie ọghe obọ erha ọmwa, kevbe ikpinhianwẹ ne ogie ọghe owẹ erha ọmwa ọmwa ne a ra ya khian ne ẹ i ghi mwẹ awua nii.

Levitikọs 14:16

Ọ ghi fi ikpinhianbọ obọ erha ọmwa ọghọe yọ, ọ ghi sanmwẹ eso vbọ ye evba igba ihinrọn vbe sirra e Nọyaẹnmwa.

Levitikọs 14:18

Ọ ghi hihiẹ ne ọ ghi dekẹ vbe ofigbọn ne ọ rre ọre obọ yan ọmwa nii uhunmwu, odẹ vbenian ọ re ọ gha ya ru iruemwi akpehuan.

Levitikọs 8:23

E Mosis keghi gbe ẹe, ọ na rhie vbe esagiẹn ọnrẹn ye etọghọ ehọ ọghe obọ erha ọmwa Errọn, ke ikpinhianbọ ne ogie ọghe obọ erha ọmwa kevbe ikpinhianwẹ ne ogie ọghe owẹ erha ọmwa.

Levitikọs 8:30

E Mosis keghi rhie vbe ori ne a sa ye emwa uhunmwu ne ọ rre aka, ọ ke sanmwẹ ọẹn ku Errọn ke ẹe kevbe ivbi ẹre kevbe ukpọn. Odẹ vberriọ, ọ keghi ya iran kevbe ukpọn iran fi ohan ne Nọyaẹnmwa.

Iyẹn ne ọ Maan Ọghe Jọn 1:16

Uwu uvuọnmwẹ ẹsọhẹ ọghọe, ọre ọ na fiangbe ima hia, ọ na gha kun afiangbe yan afiangbe ne ima.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.