Levitikọs 14:10 - Edo Bible (E Baibol Ẹdo) Version 1996

¹⁰ Vbe ikpẹde nogierẹnrẹn, ọ ghi viọ ivbi ogho eva kevbe ovbi ohuan amwẹ ọkpa, iran ghi gha re ne ẹ i mwẹ okan, uwan irhuarhua isẹn ne a ya ofigbọn ọliv gbe, ke ẹe kevbe ukhiọnmwẹ ọgọ ọghe ofigbọn ọliv.

Levitikọs 14:10 ပူးပေါင်းရင်းမြစ်များ

Ẹksọdọs 29:40

Nokaro ne ọ rrọọ, u ghi ya ẹe zọ ese ba ọduẹki ẹlubọ enẹ ne a ya ago ofigbọn oliv ne a ma gua eha gbe. U ghi sa ukpu ayọn eha kua zẹ vbe izọhẹ emwi na a da.

Levitikọs 1:10

“A deghẹ ohuan ra ẹwe ẹre ọre ọ ra ya zọ ese, ọ ghi gha re ọwẹ ne ẹ i mwẹ okan.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 14:11

Ohẹn ghi rhie ọmwa na, ke ẹe kevbe emwi izẹọhẹ na, gha rrie onurho Owa Ukpọn Ile.

Levitikọs 14:12

Iyeke ọnii ohẹn ghi mu ọkpa vbe ivbi ogho nii, ọ ghi ya ẹe zọ ese zẹ vbe ese a hae werriegbe ke ẹe kevbe ukhiọnmwẹ ọgọ ofigbọn ọliv nii, ọ ghi viọ ẹre rre zẹ vbe ihaoko kpataki gie Nọyaẹnmwa ne avbe ohẹn.

Levitikọs 14:15

Ohẹn ghi rhie vbe ofigbọn ọliv nii, ọ ghi sa ẹe ye atataobọ obọ iye ọmwa ọghe irẹn tobọ ẹre.

Levitikọs 14:21

Deghẹ ovbiogue ọre ọmwa nii khin ighẹ obọ ẹre i gba gberra ọnii ọ ghi mu ovbi ogho ọkpa kẹkan gha die akpehuan ọghọe zẹ vbe izẹọhẹ a hae werriegbe, emwi ihaoko kpataki ọghe Nọyaẹnmwa ne avbe ohẹn, ọ ghi mu uwan eva kẹkan ọghe irhuarhua ne a ya ofigbọn ọliv gbe, zẹ vbe izẹọhẹ ọka deba ukhiọnmwẹ ọgọ ọghe ofigbọn ọliv.

Levitikọs 2:1

“Omwa gha yo imuohan ọka gie Nọyaẹnmwa, ọ ghi ka dunmwu ẹre irhuarhua nẹ, ọ ghi sa ofigbọn ọliv kevbe eturari ba ẹre.

Levitikọs 2:11

A ghẹ ya eyist gbe ebrẹd ne uwa ya ha oko gie Nọyaẹnmwa, wa ghẹ ya eyist ra owọn le evbare ne a ya ha oko gie Nọyaẹnmwa.

Levitikọs 2:13

Wa ghi ya umwẹ ye ọka hia ne uwa ya ha oko gie Nọyaẹnmwa rhunmwuda te umwẹ mudia ye ihe ile ne uwa vbe Osanobua ta ne egbe wa ghi gha ya umwẹ ye emwi iha oko hia.

Levitikọs 23:13

Wa ghi vbe viọ uwan enẹ ọghe irhuarhua ne a ya ofigbọn ọliv gbe gha de do ya ẹe zẹ ọhẹ evbare. Uwinhinmwẹ izẹọhẹ vberriọ wa yẹ e Nọyaẹnmwa. Wa ghi mu ọgọ ayọn ọkpa lele ẹe rre.

Levitikọs 4:32

“A deghẹ ọmwa mu ohuan rre do ya zọ ese ye orukhọ, a ghi gie ẹe gha re amwẹ ne ẹ i mwẹ okan.

Levitikọs 9:1

Ẹdẹ ghi gba vbe a ru emwi ọghe a ye ọmwa ma ohẹn fo nẹ, e Mosis keghi tie Errọn kevbe ivbi ẹre ke iran kevbe avbe olotu Izrẹl.

Nọmbas 28:20

U ghi ru izẹọhẹ ọghe irhuarhua ne a ya ofigbọn oliv gbe zẹ vbe izẹọhẹ ọka vbe ne ọ kere, uwan ehan ghi lele ẹkhuia ọkpọkpa, uwan enenẹ ghi lele ogho ọkpọkpa.

Nọmbas 6:14

Ọ ghi viọ aranmwẹ ne ẹi mwẹ okan eha gie Nọyaẹnmwa ogho ne ẹi mwẹ okan, ne ọ he rre ukpo ọkpa ọghe ese ne a giẹn uan ovbi ohuan amwẹ ne ọ he rre ukpo ọkpa, ọ ghe ese orukhọ, kevbe ogho ọghe isara.

Matiu 8:4

Jesu keghi tama rẹn wẹẹ, “Danmwehọ, ghẹ tama ọmwa rhọkpa. Wa bu ohẹn gha khian nian ne ọ ghe ruẹ egbe, ya zọ ese ne Mosis fian yọ ne emwa miẹn ehe na rẹn ghe egbe rran ruẹn nẹ.”

Iyẹn ne ọ Maan Ọghe Mak 1:44

“Danmwehọ, ghẹ tama ọmwa rhọkpa, sokpan bu ohẹn gha khian ne ọ ya ghe ruẹ egbe ghe. U ghi vbe ya hae azẹ ne Mosis fian yọ, ne emwa hia miẹn ehe na rẹn ighe egbe gele rran ruẹn nẹ.” Ọ keghi zẹ ọre urrie.

Iyẹn ne ọ Maan Ọghe Luk 5:14

Jesu keghi tama rẹn wẹẹ, “Ghẹ tama ọmwa rhọkpa, sokpan, bu ohẹn gha khian ne ọ ghe ruẹ egbe, iyeke ọnii, u ghi ya zọ ese ne Mosis mwamwa yọ ne u ya rhie ma emwa hia ighe u huan nẹ!”

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 6:33

Rhunmwuda evbare ne Osanobua rhie ne ọmwa ọrọre rẹn ni ne ọ ke ẹrinmwi gha dee do rhie arrọọ ne agbọn.”

Iyẹn ne ọ Maan Ọghe Jọn 6:51

Mẹ ọrọre evbare ẹfe ne ọ ke ẹrinmwi rre: ọmwa ne ọ rhirhi rri evbare na, ọ gha rre agbọn ẹdẹdẹmwẹdẹ. Nene evbare ne I khian rhie nẹẹn ọrọre efun egbe mwẹ ne imẹ ya fi ohan, ne agbọn miẹn ehe na miẹn uhunmwu.”

I Pita 1:19

Izọ ese ighobioye ọghe Kristi ọre a ya rhan uwa ye otọ, emwa ne ọ ye vbe oteghe ohuan ne ẹ imwẹ okan ra ama.