Levitikọs 13:6 - Edo Bible (E Baibol Ẹdo) Version 1996

⁶ Ọ gha ghi sẹ ikpẹdẹ ne ogihinrọn, ohẹn ghi vbe dọlegbe ghe ẹre ghe vbe ikpẹdẹ ne ogihinrọn, a deghẹ ẹtẹ nii kakae vbe aro ighẹ ọ ma vẹ yọ, ọ ghi ta ẹe wẹ awua rhọkpa i guẹe, ẹtẹ kekan nọ. Ọmwa nii ghi họ ukpọn rẹn, ọ ghi gha re ne ẹ i mwẹ awua.

Levitikọs 13:6 ပူးပေါင်းရင်းမြစ်များ

I Ọba 8:38

u ghi danmwehọ erhunmwu iran. A deghẹ ọmwaikọmwa vbe uwu ivbi Izrẹl ne emwa ruẹn ighẹ emwi na ba so ẹe vbe ekhọe, iran na niẹn obọ da Ọgua Osa na na erhunmwu,

I Ọba 8:45

u ghi họn erhunmwu iran. Họn vbe ẹrinmwi ne u gie iran khọnmiotọ.

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Itan 20:9

A gha gele miẹn ọmwa ne ọ gha sẹtin kha wẹ ekhọe irẹn i gu irẹn gui hiehiere kevbe wẹ rẹn wa khọnmiotọ nẹ vbe uhunmwu orukhọ irẹn hia.

Asan-Ibo 7:20

Orhiọnkpa i rre agbọn na ne ọ wa ru emwi ẹse khian ne ẹ i vbe mwẹ abakuru.

Aizaia 42:3

Rẹn i ra bun ovbi erhan ne ọ bi gọọ ra ne ọ dọ ukpa ne ọ gbe muẹinmuẹin yọ. Ọ gha rhie ibuohiẹn ẹmwata sẹ obọ agbọn hia.

Levitikọs 11:40

A deghẹ ọmwaikọmwa re vbe aranmwẹ nii, ọ ghi họ ukpọn rẹn, sokpan awua gha ye gha guẹe ọ te ya sẹ ota. Omwa ne ọ mu ikun ẹnrẹn ghi họ ukpọn rẹn sokpan awua ye gue ẹe ọ te ya sẹ ota.

Levitikọs 13:2

De ghẹ ọmwa mwẹ ẹtẹ vbe egbe, uruvba ra emwi nọ hinmwiaẹn ne ọ gha sẹtin do khian emianmwẹ ikpakpa egbe ne ọ mu ohan, a ghi rhie ẹre bu ohẹn Errọn gha dee.

Levitikọs 13:5

Ohẹn ghi vbe dọlegbe ghe ẹre egbe ghe vbe ikpẹdẹ ne ogihinrọn. A deghẹ, zẹ vbene irẹn miẹn ọẹn ighẹ ẹtẹ nii ma he fiwerriẹ, ọ ma he vbe vẹ yọ, ọ ghi vbe dọlegbe wẹ ne irẹn ọkpa gha rre ihọkpa la ikpẹdẹ ihinrọn ọvbehe.

Levitikọs 13:7

Sokpan a deghẹ ẹtẹ nii do vẹ, iyeke vbe ohẹn ghe ẹre ghe nẹ ọ na kha wẹẹ awua i guẹe, ọ ghi dọlegbe ya miẹn ohẹn.

Levitikọs 14:8

Ọmwa nii ghi họ ukpọn rẹn, ọ ghi zẹ eto ẹre hia kua, ọ ghi ya khuẹ, ẹghẹ nii, ọ ghi do gha re ne ẹ i ghi mwẹ awua. Ọ sẹtin la uwu agọ sokpan, ọ ghi di owa ẹre ya ọ te sẹ ikpẹdẹ ihinrọn.

Ebe ne Pọl gbẹẹn gie emwa Rom 14:1

Wa gha miẹn iran yi ighẹ iran ne iyayi ẹre ma he wegbe vbe uwu uwa. Sokpan wa ghẹ guee gha gbe agbanmwẹ vbekpa vbene emwi ye hẹ vbe ekhọe ẹre.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Diuteronomi 32:5

Sokpan wa i re emwata, wa ma kei ye emwa ẹnrẹn ẹvbo orukhọ kevbe ne ọ vuọn ne erẹrẹ.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

Hibru 9:10

Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.