Levitikọs 13:45 - Edo Bible (E Baibol Ẹdo) Version 1996

⁴⁵ Ọmwa ne ọ khuọnmwi emianmwẹ ikpakpa egbe nọ muohan ghi gha yọ osọnmwẹ ukpọn, ọ ghi sẹ eto ne a ma salọ rae ye uhunmwu, ọ ghi ya emwi gue ototọ ugbaro ẹre, ọ ghi gha tu khian wẹẹ, “Awua awua.”

Levitikọs 13:45 ပူးပေါင်းရင်းမြစ်များ

Gẹnẹsis 37:29

Ugbẹn vbe Riubẹn ghi dọlegbe sẹ uhae nii, vbe ọ ghi miẹn wẹ Josẹf i ghi rre evba, ọ keghi sọ ẹwu ye egbe ẹre ẹkun zẹ vbe orhiema ọghe akhiẹ.

II Samuẹl 13:19

Ọ keghi khakha emuẹn ye egbe ẹre uhunmwu, ọ yanghan ẹwu nii uan, ọ keghi viọ obọ gue aro, ọ na viẹ gha rrie.

II Ọba 7:3

Ikpia enẹ ni khuọnmwi emianmwẹ ikpakpa dan kegha rre vbe a ladian ore e Sameria nẹ, iran keghi gu egbe guan wẹẹ, “Vbọzẹ ne ima gha na mudia vbe emwana yi a te do wulo?

Job 1:20

Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.

Job 42:6

Rhunmwuda ọnii, ekhue ẹmwẹ ne I talọe hia mu mwẹ. I roiro fiwerriẹ vbe uwu ebubẹ kevbe emuẹn.”

Psalm 51:3

Mẹ miẹn abakuru mwẹ hia kue; ẹghẹ hia ọ re I ya mu ẹmwẹ orukhọ mwẹ ro.

Psalm 51:5

Emwi dan ọ re I wa khin, kevbe ne a ya biẹ mwẹ gha dee, I keghi wa vuọn ne orukhọ ke ẹdẹ ne a biẹ mwẹ kpao.

Aizaia 52:11

Wa ghẹ mwẹ wa ma kpao vbe Babilọn wa ni viọ emwi ne a ya ga vbe ọgua Osa mwẹ, wa ghẹ ye obọ kan emwi awua wa gie egbe uwa gha re nọhuanrẹn, ne uwa kpao.

Aizaia 6:5

Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 36:24

Sokpan ke ọba kevbe avbe ekhaẹmwẹ ọnrẹn ne ọ họn ẹmwẹ na hia, ọkpa ne ohan vbe mu, ra ne ọ vbe rhie ma wẹ ọ da iran ẹ i rrọọ.

Eve Orriara 4:15

Emwa ghi gha tama iran wẹẹ, “Wa ladian mwa! Awua rre uwa egbe! Ghẹ ya obọ kan mwẹ!” Rhunmwuda onii iran keghi zozo, ke ẹvbo okpa dinna ọvbehe vbene a i na miẹn ọmwa ne ọ miẹn iran yi.

Ezikiẹl 24:17

Ghẹ gie a họn vbe u so asukpẹ eve. Ghẹ bannọ uhunmwu yotọ ra ne u ya owẹ kẹkan gha khian zẹ vbe ama akhiẹ. Ghẹ mu emwi gue aro ra ne u rri evbare ne iran ni rre akhiẹ re.”

Ezikiẹl 24:22

Ẹghẹ nii wa gha ru vbene I ru na. Wa i ra viọ emwi gue aro ra ne uwa rri evbare ne iran ni miẹn akhiẹ re.

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Levitikọs 10:6

Ọre Mosis na tama Errọn kevbe avbe ivbi ẹre ighẹ Eliaza kevbe Itama wẹẹ, “Wa ghẹ sẹ eto uwa rae vbe ne a ma na salọ ẹe ra ne uwa yanghan ẹwu uwa ya rhie maa ighẹ te uwa rre akhiẹ. Wa gha ru vberriọ, wa gha wulo, e Nọyaẹnmwa gha vbe mu ohu emwa na hia sokpan, avbe etuẹn, kevbe avbe emwa Izrẹl hia, a fan obọ ẹre ne iran ne iran khiẹ uwu na ne ọ la ekpa erhẹn ne ọ ke obọ Nọyaẹnmwa rre.

Levitikọs 13:44

ohẹn ghi ta ighẹ ọ mwẹ awua rhunmwuda emianmwẹ ne ọ mu ohan ọ rre ọre uhunmwu.

Levitikọs 21:10

“Ogie Ohẹn, a nọnọ ori ye ọre uhunmwu nẹ, a na vbe ya ẹe fi ohan, ne ọ gha yọ ẹwu ohẹn, wẹ ne ọ ghẹ sẹ eto ẹre rae vbe ne a i na salọ ẹe ra ne ọ sọ ukpọn rẹn uan ne ọ ya rhie maa ighẹ te irẹn khiẹ.

Maika 3:7

Iran ni ta emwi ni gha he sunu ye otọ, efaa gha rruan iran vbe ọ ma ghi sẹ vberriọ. Emwiekhue gha rruan iran rhunmwuda Osanobua ma ghi zẹ ẹmwẹ wanniẹn iran.

Nọmbas 5:2

“Tama ivbi Izrẹl ne iran viọ avbe emwa ne emianmwẹ ikpakpa ne ọmwa ọvbehe na sẹtin hẹ, ra ne egbe ẹre gin amẹ, kevbe emwa hia ne awua gue rhunmwuda ighẹ ọ ya egbe kan orinmwi, hin ore agọ rre.

Iyẹn ne ọ Maan Ọghe Luk 17:12

Ọ ghi ra la uwu igue ọkpa ekhọnmwoti igbe bu ẹre rre. Iran keghi mudia ye urria.

Iyẹn ne ọ Maan Ọghe Luk 5:8

Ugbẹn vbe Saimọn Pita ghi miẹn emwi ne ọ sunu, ọ fan fi igue vbe odaro Jesu, ọ wẹẹ, “Kpao vbe ehe ne imẹ ye rre Nọyaẹnmwa rhunmwuda ọmwa orukhọ mẹ khin!”