Levitikọs 13:4 - Edo Bible (E Baibol Ẹdo) Version 1996

⁴ Sokpan a deghẹ ikpakpa egbe ne ọ hinmwiaẹn nii fuọfua ighẹ ọ yevbe ne ọ ma dinmwi ghe otọ gberra ikpakpa egbe ni lẹga ẹre, ighẹ eto ni rrọọ ma he vbe khian nọfua, ohẹn ghi wẹ ne irẹn ọkpa ya gha rre ihe ọkpa la ikpẹdẹ ihinrọn.

Levitikọs 13:4 ပူးပေါင်းရင်းမြစ်များ

Ezikiẹl 44:10

E Nọyaẹnmwa keghi tama mwẹ wẹẹ, “I ra rri iran oya ighe ivbi e Livai, ni vbe deba avbe ivbi Izrẹl nekpa he mwẹ yotọ, iran na ya gha gho ẹbọ.

Levitikọs 13:11

emianmwẹ ikpakpa ne ẹ i fo nọ. Ohẹn ghi ta ẹe wẹ ọ mwẹ awua; a ghi vbe wẹ ne irẹn ọkpa ya gha rre ihọkpa, rhunmwuda aro da ẹe nẹ wẹ ọ mwẹ awua.

Levitikọs 13:25

ohẹn ghi ghe ẹre ghe, a deghẹ eto ni rre evba khian nọfua, ọ na vbe gberrie sẹ ikpakpa egbe ni lẹga ẹre, emianmwẹ ne ọ mu ohan nọ, te ọ suẹn vbe ẹwẹn erhẹn nii, ohẹn ghi ta ẹe wẹ awua guẹe.

Levitikọs 13:26

Sokpan, adeghẹ eto ni rrọ ma khian nọfua, ighẹ ọ ma vbe gberrie sẹ ikpakpa egbe ni lẹga ẹre, sokpan ọ keghi mwẹ ẹhuan, ohẹn ghi ya rhie irẹn ọkpa ye ihọkpa la ikpẹdẹ ihinrọn.

Levitikọs 13:3

Ohẹn ghi ghe ne ẹtẹ ghe, a deghẹ eto ni rrọ do khian ni fuọfua, a na miẹn wẹ ẹtẹ nii dinmwi la uwu egbe gberra ikpakpa egbe ne ọ lẹga ẹre, emianmwẹ ikpakpa ne ọ mu ohan nọ, ohẹn ghẹ ghi ghe ọmwa nii ghe nẹ, ọ ghi ta ẹe wẹ ọ ma huan.

Levitikọs 13:31

A deghẹ ohẹn ghe ẹre, ọ na miẹn wẹ ẹtẹ nii ma gberrie sẹ ikpakpa egbe ni lẹga ẹre, sokpan wẹ eto ni rrọ ma ye maa, ọ ghi ya rhie irẹn ọkpa ye ihọkpa la ikpẹdẹ ihinrọn.

Levitikọs 13:5

Ohẹn ghi vbe dọlegbe ghe ẹre egbe ghe vbe ikpẹdẹ ne ogihinrọn. A deghẹ, zẹ vbene irẹn miẹn ọẹn ighẹ ẹtẹ nii ma he fiwerriẹ, ọ ma he vbe vẹ yọ, ọ ghi vbe dọlegbe wẹ ne irẹn ọkpa gha rre ihọkpa la ikpẹdẹ ihinrọn ọvbehe.

Levitikọs 13:50

Ohẹn ghi ghe ẹre, ọ ghi ya rhie emwi nii hin rre la ikpẹdẹ ihinrọn.

Levitikọs 14:38

Ọ ghi kpao vbe owa nii rre, ọ ghi rhie urho ẹre khui la ikpẹdẹ ihinrọn,

Nọmbas 12:14

E Nọyaẹnmwa keghi wanniẹn wẹẹ, “Akpawẹ te erha ẹe ghi tu asẹn ye ọre aro vbo, ẹre te ọ gha ziengbe efaa ẹre la ikpẹdẹ ihinrọn. Rhunmwuda ọnii, wa rhie ẹre hin agọ rre la uzọla ọkpa, vbe iyeke ọnii, a sẹtin rhie ẹre werriegbe rre.”

Nọmbas 12:15

A keghi rhie Miriam hin agọ rre la ikpẹdẹ ihinrọn. Emwa nii ma vbe si kpao a te do rhie ẹre werriegbe rre.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

Diuteronomi 13:14

Wa gha họn egbe awẹawẹ vberriọ, wa ghi kakabọ gualọ otọ ẹre ẹsẹse, a gha miẹn we ẹmwata nọ ighẹ emwi dan na gele sunu.

I Timoti 5:24

Orukhọ emwa eso i lọghọ urẹnmwẹ, orukhọ iran ghi vbe fian ke aro ne iran, gha rrie owa ibuohiẹn, sokpan, okiekie ọre a ya miẹn orukhọ emwa ọvbehe eso.