Levitikọs 13:23 - Edo Bible (E Baibol Ẹdo) Version 1996

²³ Sokpan a deghẹ evba nii ma fiwerriẹ, ighẹ ọ ma vbe vẹ, aro ọmaẹn uruvba ne ọ mu ẹẹn kẹkan nọ, ohẹn ghi ta ẹe wẹ, ẹ i mwẹ awua.

Levitikọs 13:23 ပူးပေါင်းရင်းမြစ်များ

Gẹnẹsis 38:26

E Juda keghi ye iran rre, ọ na wẹẹ, “Ẹmwata ọre ọ tae, mẹ ọre ọ ba emwi ku ru. Te ọ te kei ne I rhie ẹre ne Siẹla ne ovbi mwẹ ne ọ rọnmwẹ ọẹn.” Ọ ma ghi dọlegbe guẹe ru emwi ọvbehe.

II Samuẹl 12:13

E Devid keghi kha wẹẹ, “I ru orukhọ ghe Nọyaẹnmwa nẹ.” E Natan keghi wanniẹn wẹẹ, “E Nọyaẹnmwa ya bọọ, u i ghi ra wu.

Itan 28:13

U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.

Levitikọs 13:22

A deghẹ ọ vẹe yọ, ohẹn ghi kha wẹ awua gue ẹe, ọ hẹ emianmwẹ.

Levitikọs 13:24

Vbe ekpa ọmwa ne erhẹn giẹnrẹn, a deghẹ ẹwẹn ọgbọngbọn nii na gha fuọfua ra ọ na gha baa rriẹrriẹ,

Levitikọs 13:26

Sokpan, adeghẹ eto ni rrọ ma khian nọfua, ighẹ ọ ma vbe gberrie sẹ ikpakpa egbe ni lẹga ẹre, sokpan ọ keghi mwẹ ẹhuan, ohẹn ghi ya rhie irẹn ọkpa ye ihọkpa la ikpẹdẹ ihinrọn.

Matiu 26:75

Pita keghi ye ẹmwẹ ne Jesu tama rẹn rre wẹẹ, “Vbene ọkpa te viẹ, u gha siẹn igba eha wẹ u ma rẹn mwẹ.” Rẹn keghi ladian, ọ na ya viẹ eve orriara.

II Kọrinti 2:7

Vbene ọ rhirhi gha ye hẹ, wa ya bọ ẹe, wa ghi vbe gha bu ẹre ude iwo vbe egbe ne ekhọe ẹre ghẹ ya rhia sẹrriọ ne ọ gha na ghi wa zobọ fẹẹrẹ.

Galatia 6:1

Etẹn, a deghẹ a mu orhunmwu ọkpa mu orukhọ, wa ni re ọghe orhiọn vbọ, wa ghi dia ẹre ye odẹ, sokpan wa ghi ru ẹre ọghe ọghọ vbe ute. Wa tobọ uwa ghi vbe gha ba egbe, ne a ghẹ vbe danmwẹ uwa ghẹ.