Levitikọs 13:2 - Edo Bible (E Baibol Ẹdo) Version 1996

² De ghẹ ọmwa mwẹ ẹtẹ vbe egbe, uruvba ra emwi nọ hinmwiaẹn ne ọ gha sẹtin do khian emianmwẹ ikpakpa egbe ne ọ mu ohan, a ghi rhie ẹre bu ohẹn Errọn gha dee.

Levitikọs 13:2 ပူးပေါင်းရင်းမြစ်များ

II Samuẹl 3:29

Uhunmwu ọ re Joab kevbe ẹgbẹe ọre gha ya khiọ re. Ke orre ya sẹ orre, te a gha miẹn vbe uwu ẹgbẹe ọre ne ọ khuọnmwi atọrhi ra emwirregbekẹn, ra ne a miẹn wẹ iwinna okhuo ọkpa ọ re ọ sẹtin winna, ra ne a gbe ua vbe okuo, ra ne ẹ i miẹn evbare unu re!”

II Ọba 5:1

E Naaman ne ọkaokuo e Siria kegha re ọmwa ne ọba e Siria daa na kevbe ne ọ vbe ye ọghọ na, rhunmwuda, akhọnmiotọ ni bun ọ re Nọyaẹnmwa he la obọ e Naaman rhie ne Siria. Ovbiyokuo nọkhua wa nọ, sokpan ọ kegha khuọnmwi alalọ.

II Ọba 5:27

Banbanna nian, emianmwẹ e Naaman gha hihiẹ yan ruẹn, ọ ghi gha rre uwẹ kevbe avbe ivbi uniẹn ruẹn egbe ẹdẹdẹmwẹdẹ.” E Gehazi ghi kpao, emianmwẹ nii kegha rre ọre egbe, ikpakpa egbe ẹre ke gha fua zẹ vbe isonorhọ.

Aizaia 1:6

Wa ke adesẹ uhunmwu ya sẹ owẹ, ihọkpa ne ọ gbae i ghi rre egbe uwa. Ẹwẹn ivbi ẹtẹ kevbe okobẹtẹ gba uwa egbe hia. A ma kpe uwa ẹwẹn ra ne a gbalọe. A ma rhie ukhunmwu ye rhọkpa.

Aizaia 3:17

I gha rri iran oya, I gha khiokhio iran uhunmwu, I ghi vbe gie iran gha re emwa ne eto i ghi rrọ ẹre uhunmwu.”

Levitikọs 13:1

E Nọyaẹnmwa keghi ye avbe uhi na ne Mosis.

Levitikọs 13:3

Ohẹn ghi ghe ne ẹtẹ ghe, a deghẹ eto ni rrọ do khian ni fuọfua, a na miẹn wẹ ẹtẹ nii dinmwi la uwu egbe gberra ikpakpa egbe ne ọ lẹga ẹre, emianmwẹ ikpakpa ne ọ mu ohan nọ, ohẹn ghẹ ghi ghe ọmwa nii ghe nẹ, ọ ghi ta ẹe wẹ ọ ma huan.

Levitikọs 13:8

Ohẹn ghi dọlegbe ghe ẹre egbe a deghẹ ọ vẹ, ọ ghi ta ẹe wẹ awua guẹe, emianmwẹ ikpakpa ne ọ mu ohan nọ.

Levitikọs 14:3

Ohẹn ghi rhie ẹre lahin agọ rre ya ghe ẹre egbe. A deghẹ emianmwẹ nii fo,

Levitikọs 14:35

Ọmwa ne ọ miẹn irhunrhun vbe owa ẹre, ọ ghi gha khian ya tama Ohẹn.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Nọmbas 12:10

Ẹre okuku nii na si hin Owa Ukpọn nii rre, Emianmwẹ ne ọ sẹtin la ọmwa ọvbehe egbe keghi hihiẹ yan ikpakpa egbe Miriam ọ na do gha fua vbe isonorhọ, Errọn keghi ghe ẹre ọ keghi miẹn wẹ emianmwẹ wa gba ẹre egbe.

Nọmbas 12:12

Ghẹ gie ẹe do yevbe emwi ne a biẹe ne ọ wu ye agbọn, vbe ne asefẹn ọkpa vbe ikpakpa egbe ẹre na khian ne emwi re.”

Matiu 8:4

Jesu keghi tama rẹn wẹẹ, “Danmwehọ, ghẹ tama ọmwa rhọkpa. Wa bu ohẹn gha khian nian ne ọ ghe ruẹ egbe, ya zọ ese ne Mosis fian yọ ne emwa miẹn ehe na rẹn ghe egbe rran ruẹn nẹ.”

Iyẹn ne ọ Maan Ọghe Mak 1:44

“Danmwehọ, ghẹ tama ọmwa rhọkpa, sokpan bu ohẹn gha khian ne ọ ya ghe ruẹ egbe ghe. U ghi vbe ya hae azẹ ne Mosis fian yọ, ne emwa hia miẹn ehe na rẹn ighe egbe gele rran ruẹn nẹ.” Ọ keghi zẹ ọre urrie.

Iyẹn ne ọ Maan Ọghe Luk 17:14

Jesu keghi ghe iran, ọ tama iran wẹẹ, “Wa bu ohẹn ne ọ ghe uwa egbe ghe.” Iran ghi khian, egbe keghi rran iran.

Iyẹn ne ọ Maan Ọghe Luk 5:14

Jesu keghi tama rẹn wẹẹ, “Ghẹ tama ọmwa rhọkpa, sokpan, bu ohẹn gha khian ne ọ ghe ruẹ egbe, iyeke ọnii, u ghi ya zọ ese ne Mosis mwamwa yọ ne u ya rhie ma emwa hia ighe u huan nẹ!”

Diuteronomi 24:8

“Adeghẹ te uwẹ khuọnmwi emianmwẹ ikpakpa ne ọ gie ọmwa na hẹẹ, miẹn wẹ u ru zẹẹ vbene avbe ohẹn e Livai tama ruẹn, wa rhie owẹ lele igiodẹ iran zẹ vbene I rhie ne iran.

Diuteronomi 28:27

E Nọyaẹnmwa gha tue uruvba ku uwa, zẹ vbene ọ ru ivbi Igipt. Ọ ghi gie ẹtẹ gha salọ ladian vbe egbe uwa. Egbe uwa hia ghi gha bolo ikpakpa. Otọlọ ghi la uwa egbe sokpan a i ra miẹn ukhunmwu ẹnrẹn.