Levitikọs 12:7 - Edo Bible (E Baibol Ẹdo) Version 1996

⁷ Ohẹn ghi viọ emwi izọ ese ya muohan gie Nọyaẹnmwa, ọ ghi vbe ru emwi ne a ru yọ ne ọ ya kpe awua ẹre kua ne ọ miẹn ehe na khian ne ẹ i ghi mwẹ awua. Emwi ne ọ kere ne okhuo ru vbe ọ gha biẹ nẹ ọre ọna khin.

Levitikọs 12:7 ပူးပေါင်းရင်းမြစ်များ

Job 1:5

Vbe owiẹ ne ọ ghi lele avbe ẹdẹ vberriọ, e Job ghi rhiọkpaegbe vbe owiẹ fioo, ọ ghi ya zọ ese ya họnmwẹ ivbi ẹre hia egbe ua. Emwi ne ọ ya ẹe ru ọna ọrọre wẹ rẹn rorẹe wẹ, u gha ghe, ọ defi eso unu vbọ, ọ na fi unu giẹ Osanobua.

Job 14:4

Emwi ọkpa ne ọ huanrẹn, ne ọ gha sẹtin ke uwu emwi ne ọ gbe iruẹn zẹ vbene ọmwa nagbọn ye rre, ẹ i rrọọ.

Levitikọs 1:4

Ọ ghi rhie obọ yan rẹn uhunmwu, a ghi rhan obọ miẹn rẹn zẹ vbe ese ne ọ gha viọ orukhọ ẹre gha rrie.

Levitikọs 12:6

Ẹghẹ akpehuan rẹn ghẹ ghi gba nẹ ọre ọghe ọmọ okpia nọ ra ọmọ okhuo, ọ ghi mu ovbi ohuan ne ọ rre ukpo ọkpa bu ohẹn gha die onurho Owa Ukpon Ile ne a ya zọ ese ne agiẹn uan, ke vbe elikhukhu ra idu ne a ya zọ ese orukhọ.

Levitikọs 12:8

A deghẹ obọ okhuo nii ma gba ohuan, ọ ghi viọ idu eva ra elikhukhu gha dee, ọkpa ne a ya zọ ese na giẹn uan kevbe ọkpa ọghe izọ ese orukhọ. Ohẹn ghi ru emwi ne a ru yọ ne a ya kpe awua ẹre kua, ọ ghi do gha re ne ẹ i mwẹ awua.

Levitikọs 15:15

Ohẹn ghi gbe ọkpa vbọ zẹ vbe ese orukhọ kevbe nọkpa zẹ vbe ese na giẹn uan. Erriọ ọ gha ru iruemwi akpehuan, ne ọmwa nii.

Levitikọs 4:20

Erriọ ọre ọ gha vbe ru ẹkhuia na, zẹ vbene ọ ru ẹkhuia ne a ya zọ ese ye orukhọ, odẹ vberriọ ọre ohẹn gha ya zọ ese ye orukhọ avbe emwa nii, a ghi yabọ iran.

Levitikọs 4:26

Ọ ghi giẹn efun ẹnrẹn hia vbe aka nii, zẹ vbe ne ọ vbe ru aranmwẹ ne a gbe ya si isara, odẹ vberriọ, ohẹn gha zọ ese ye orukhọ ne enogie ru, a ghi vbe ya bọe.

Levitikọs 4:31

Iyeke ọnii, ọ ghi viọ ẹvbi nii rrọ hia hin rre, zẹ vbene a vbe viọ ẹvbi hin aranmwẹ ne a gbe ya sisara, ne u vbe giẹn rẹn uan vbe aka, zẹ vbe emwi ne ọ winhin ne ọ yẹ e Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 4:35

Iyeke ọnii, ọ ghi viọ ẹvbi ẹre hia ladian zẹ vbe ne a vbe viọ ẹvbi hin ohuan ne a gbe ya sisara, a ghi giẹn ọnrẹn vbe aka ba emwi ihaoko evbare ne a viọ gie Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Ebe ne Pọl gbẹẹn gie emwa Rom 3:23

Rhunmwuda, emwa hia ru orukhọ nẹ, iran keghi vbe khian rrei ne uyi imiẹnfan Osanobua.

Ebe ne Pọl gbẹẹn gie emwa Rom 3:26

Sokpan banbanna nian, vbe ẹghẹ ne a ghi ye na, ọ rhuan orukhọ emwa ne agbọn ghe, ne ọ miẹn ehe na rhie maa iran ighẹ rẹn ya emwa khian emwata vbe odaro irẹn. Odẹ vbe nian ọre Osanobua ya rhie maa ighẹ ọmwata ọre irẹn tobọ ẹre khin, kevbe wẹ ọmwaikọmwa ne ọ mu ẹtin yan Jesu, te irẹn ya ẹe khian ọmwata.

I Kọrinti 7:14

Rhunmwuda ọdọ ne ọ ma yayi ni ghi do gha re ne Osanobua rhan obọ miẹn rhunmwuda ne a na ku ẹe kugbe ba amwẹ ọnrẹn, amwẹ ne ọ ma yayi ni ghi vbe do gha re ne Osanobua sẹtin rhan obọ miẹn rhunmwuda ne a na ku ẹe gbe ba ọdọ ne ọ yayi. Akpawẹ ẹ i ye vberriọ, te ivbi iran ghẹ gha ye vbe ivbi e ne ọ ma yayi, sokpan vbene ọ ghi ye na, iran khian ne Osanobua sẹtin rhan obọ miẹn.

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.