Levitikọs 12:6 - Edo Bible (E Baibol Ẹdo) Version 1996

⁶ Ẹghẹ akpehuan rẹn ghẹ ghi gba nẹ ọre ọghe ọmọ okpia nọ ra ọmọ okhuo, ọ ghi mu ovbi ohuan ne ọ rre ukpo ọkpa bu ohẹn gha die onurho Owa Ukpon Ile ne a ya zọ ese ne agiẹn uan, ke vbe elikhukhu ra idu ne a ya zọ ese orukhọ.

Levitikọs 12:6 ပူးပေါင်းရင်းမြစ်များ

Gẹnẹsis 15:9

Rẹn keghi wanniẹn wẹẹ, “Mu ovbi ẹmila ne sọguọsọguọ ọghe ikpira gunmwẹ, ẹwe ikpira, ogho ikpiara, idu kevbe elikhukhu.”

Levitikọs 12:2

ne ivbi Izrẹl. Okhuo gha biẹ okpia, ọ ghi gha re ne ọ mwẹ awua la ikpẹdẹ ihinrọn, zẹ vbene ọ ye vbe ẹghẹ ne ọ na mu ohọ mwẹ.

Levitikọs 12:5

Sokpan a deghẹ okhuo ọre ọ biẹe, ọ ghi gha mwẹ awua la ikpẹdẹ iwenẹ zẹ vbene ọ gha ye vbe ẹghẹ ne ọ na mu obọ mwẹ, o ghi ye gbe ikpẹdẹ ehan-yan iyeha ọ te do khian ne ọ huanrẹn vbe ọghe esagiẹn ne ọ tue ẹre.

Levitikọs 12:7

Ohẹn ghi viọ emwi izọ ese ya muohan gie Nọyaẹnmwa, ọ ghi vbe ru emwi ne a ru yọ ne ọ ya kpe awua ẹre kua ne ọ miẹn ehe na khian ne ẹ i ghi mwẹ awua. Emwi ne ọ kere ne okhuo ru vbe ọ gha biẹ nẹ ọre ọna khin.

Levitikọs 14:22

Ọ ghi vbe viọ idu ra elikhukhu eva rre, ọkpa ọghe izọese orukhọ, nọkpa ọghe ese na giẹn uan.

Levitikọs 15:14

Vbe ikpẹdẹ nogierẹnrẹn, ọ ghi viọ idu eva ra elikhukhu eva gha rrie onurho Owa Ukpọn Ile, ọ ghi viọ iran ne ohẹn.

Levitikọs 15:29

Vbe ikpẹdẹ nogierẹnrẹn, ọ ghi viọ idu eva ra elikhukhu eva bu ohẹn gha rriẹ onurho Owa Ukpọn Ile.

Nọmbas 6:10

Vbe ikpẹdẹ nogierẹnrẹn, ọ ghi viọ; idu eva ra elikhukhu eva bu ohẹn vbe onurho Owa Ukpon Ile.

Iyẹn ne ọ Maan Ọghe Luk 2:22

Ẹghẹ ghi sẹ nẹ ne Meri kevbe Josẹf gha ya mu Uhi Mosis sẹ ne iran ya ru ugamwẹ akpehuan, iran keghi mu ọmọ ni gha rrie Jerusalẹm ne a ya mu ẹn gie Nọyaẹnmwa.

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.