Levitikọs 12:2 - Edo Bible (E Baibol Ẹdo) Version 1996

² ne ivbi Izrẹl. Okhuo gha biẹ okpia, ọ ghi gha re ne ọ mwẹ awua la ikpẹdẹ ihinrọn, zẹ vbene ọ ye vbe ẹghẹ ne ọ na mu ohọ mwẹ.

Levitikọs 12:2 ပူးပေါင်းရင်းမြစ်များ

Gẹnẹsis 1:28

Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

Gẹnẹsis 3:16

Rẹn keghi vbe tama okhuo nii wẹẹ, “I gha rhie ba ọlọghọmwa ruẹn vbe u a gha hanmwa, ke obalọ ruẹ vbe ẹghẹ ubiẹmwẹ. Sevba, te u gha ye gha rhikhan lele ọdafọn, ọdafọn ọre ọ gha kha yan ruẹn.”

II Samuẹl 11:4

E Devid keghi gie uhunmwu ya rhie ẹre rre, ọ keghi gu ẹe ru emwi ọdọ vbe amwẹ. (Te ọ da khuẹ vbe ehe ẹghẹ ne a kha na.) Ẹ re ọ na gha rrie owa.

Job 14:4

Emwi ọkpa ne ọ huanrẹn, ne ọ gha sẹtin ke uwu emwi ne ọ gbe iruẹn zẹ vbene ọmwa nagbọn ye rre, ẹ i rrọọ.

Job 15:14

“A gha miẹn ọmwa ne ọ gele wa huan fo ra? A gha miẹn ọmwa ne ọ wa gba na vbe odaro Osanobua ra?

Job 25:4

A gha miẹn ọmwa ne ọ re ọmwata kevbe ne ẹ i mwẹ iruẹn vbe odaro Osanobua ra?

Psalm 51:5

Emwi dan ọ re I wa khin, kevbe ne a ya biẹ mwẹ gha dee, I keghi wa vuọn ne orukhọ ke ẹdẹ ne a biẹ mwẹ kpao.

Levitikọs 12:1

E Nọyaẹnmwa keghi yi avbe uhi na ma e Mosis,

Levitikọs 12:5

Sokpan a deghẹ okhuo ọre ọ biẹe, ọ ghi gha mwẹ awua la ikpẹdẹ iwenẹ zẹ vbene ọ gha ye vbe ẹghẹ ne ọ na mu obọ mwẹ, o ghi ye gbe ikpẹdẹ ehan-yan iyeha ọ te do khian ne ọ huanrẹn vbe ọghe esagiẹn ne ọ tue ẹre.

Levitikọs 15:19

Okhuo gha mu obọ mwẹ, ọ ghi khian ne awua gue la ikpẹdẹ ihinrọn. Ọmwa ne ọ rhirhi ya obọ kan rẹn, awua guẹe rhinrin yasẹ ota.

Levitikọs 18:19

Ghẹ gu okhuo ne ọ mu obọ mwẹ ru emwi, rhunmwuda, awua guẹe.

Levitikọs 5:3

“A deghẹ ọmwa la ekpa a i gbe aro ke otọ ya obọ kan emwi ne ọ ma huan ne ọ ke egbe ọmwa rre, awua gue ẹe, ọ vbe rri abe vbe ọwarọkpa ne ọ ya rẹn emwi ne irẹn ru.

Iyẹn ne ọ Maan Ọghe Luk 2:22

Ẹghẹ ghi sẹ nẹ ne Meri kevbe Josẹf gha ya mu Uhi Mosis sẹ ne iran ya ru ugamwẹ akpehuan, iran keghi mu ọmọ ni gha rrie Jerusalẹm ne a ya mu ẹn gie Nọyaẹnmwa.