Levitikọs 11:2 - Edo Bible (E Baibol Ẹdo) Version 1996

² Ne iran ta ẹe ma ivbi Izrẹl:

Levitikọs 11:2 ပူးပေါင်းရင်းမြစ်များ

Ezikiẹl 4:14

Sokpan, mẹ keghi wanniẹn wẹẹ, “Ẹn o, e Nọyaẹnmwa ne Udazi, I ma he mu awua ye egbe mwẹ egbe ẹdẹ, ke ọvbokhan wa gha dee, I ma he rri aranmwẹ ne ọ tobọ ẹre wu ẹdẹ, ra ne aranmwẹ ọvbehe gbe. I ma he rri evbare ne a ka ye ọghe awua ẹdẹ.”

Daniẹl 1:8

E Daniẹl keghi wa yan yọ wẹ rẹn i ra ya egbe hẹ awua vbekpa ne irẹn gha na rri evbare kevbe ne irẹn vbe gha da ayọn ẹguae, ọ keghi rhunmwuda ọnii rinmwian Aspenaz wẹ ne ọ ru iyobọ ne irẹn.

Levitikọs 11:1

E Nọyaẹnmwa keghi viọ ilele na ne Mosis kevbe Errọn,

Levitikọs 11:11

Wa ka iran ye awua, wa ghẹ rrie iran amawẹ ne uwa ya obọ kan ikun iran,

Levitikọs 11:13

Wa ghẹ rri avbe ahianmwẹ ne a ra sunu yi na: ahua, ekperọkhuẹ, ẹrekhue, ugu, egbu, ugomugo, ekpẹkpẹyẹ ọghe ẹzẹ, oghohọn ẹzẹ, olọkọmwọrhu, epianpian, ukorobozo, ọwọ ra ẹguẹn.

Levitikọs 11:21

Sokpan a ma wẹ avbe ne ẹ i mwẹ owẹ ni mwẹ akhuẹn, ne ọ sẹtin san.

Levitikọs 11:29

“Ukhan, ọfiontọ, ofẹn kevbe avbe osikpalọ, a ghi vbe ka iran ba ni mwẹ awua.

Levitikọs 11:3

“Wa sẹtin rri avbe aranmwẹ otọ hia, ne ihiẹn ọnrẹn va ada kevbe ne ọ vbe hu evbare rre lue vbe unu.

Levitikọs 11:34

Evbare ne a gha te re, sokpan amẹ ne ọ ke akhe ni rre na sanmwẹ yọ, ọ ghi khian ne awua ye, emwi ne a wọn nii rre akhe ni hia ghi khian nii mwẹ awua.

Levitikọs 11:39

“A deghẹ aranmwẹ ne a re, de wu, emwikemwi ni dekan rẹn khian ne awua ye ọ te ya sẹ ota.

Levitikọs 11:4

Sokpan wa ghẹ rrie ekẹtẹkẹtẹ, osorhue ra ọfiontọ, wa ghi ka enena ye emwi awua, iran hu emwi re lue vbe unu sokpan iran i mwẹ ihiẹn ne ọ va ada.

Levitikọs 11:9

“Wa sẹtin rri ehẹnkehẹn ne ọ mwẹ ifuẹn akhuẹ kevbe ne ọ bolo ikpakpa.

Matiu 15:11

Ẹ i re emwi ne ọ la ọmwa uwu unu ọre ọ ya ẹe khian ne ọ ma huan, sokpan emwi ne ọ ke uwu ẹre ladian ọre ọ ya ẹe khian ne ọ ma huan.”

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

Hibru 9:10

Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.