Levitikọs 10:6 - Edo Bible (E Baibol Ẹdo) Version 1996

⁶ Ọre Mosis na tama Errọn kevbe avbe ivbi ẹre ighẹ Eliaza kevbe Itama wẹẹ, “Wa ghẹ sẹ eto uwa rae vbe ne a ma na salọ ẹe ra ne uwa yanghan ẹwu uwa ya rhie maa ighẹ te uwa rre akhiẹ. Wa gha ru vberriọ, wa gha wulo, e Nọyaẹnmwa gha vbe mu ohu emwa na hia sokpan, avbe etuẹn, kevbe avbe emwa Izrẹl hia, a fan obọ ẹre ne iran ne iran khiẹ uwu na ne ọ la ekpa erhẹn ne ọ ke obọ Nọyaẹnmwa rre.

Levitikọs 10:6 ပူးပေါင်းရင်းမြစ်များ

II Samuẹl 24:1

Vbe ẹghẹ ọkpa ohu Izrẹl kegha mu e Nọyaẹnmwa, ọ na sua e Devid ne ọ mu ọlọghọmwa gie iran. E Nọyaẹnmwa na tama rẹn wẹẹ, “Ya ka emwa Izrẹl kevbe Juda.”

Ẹzra 7:5

ne ovbi Abisiua, ne ovbi e Finihaz, ne ovbi Eliaza, ne ovbi Errọn.

Ẹksọdọs 33:5

E Nọyaẹnmwa keghi tama e Mosis wẹẹ, “Tama emwa nii wẹ emwa ni zevbudu wa khin, I gha wẹ ne 1 lele uwa khian la ovbi ẹghẹ kherhe, I gha fuẹn uwa a fẹẹrẹ. Banbanna nian, wa viọ ikpẹrọnmwọ itegbe uwa hin rre ne I miẹn ehe na rẹn emwi ne I gha ru.”

Ẹksọdọs 6:23

Errọn keghi rhie Ẹlisiẹba ne ovbi Aminadab ne ọtẹn Nasiọn rọnmwẹ; ọ keghi biẹlẹ Nadab, Abihu, Eliaza kevbe Tama nẹẹn.

Jerimaia 7:29

Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.

Levitikọs 13:45

Ọmwa ne ọ khuọnmwi emianmwẹ ikpakpa egbe nọ muohan ghi gha yọ osọnmwẹ ukpọn, ọ ghi sẹ eto ne a ma salọ rae ye uhunmwu, ọ ghi ya emwi gue ototọ ugbaro ẹre, ọ ghi gha tu khian wẹẹ, “Awua awua.”

Maika 1:16

Wa ne ivbi e Juda, wa zẹ eto uwa ne uwa ya khiẹ emọ ne uwa ho ẹmwẹ ọnrẹn. Wa gie akpan gha rre uwa uhunmwu zẹ vbene ọghe ugu ye, rhunmwuda, a gha miẹn uwa ivbi uwa viọ gha rrie iwe.

Nọmbas 1:53

Sokpan avbe Livai ghi bu agọ lẹga Owa Ukpọn Ile ne iran gha gbe aro ghe ẹre, ne ọmwa rhọkpa ghẹ ya sikẹ ọre, ne ohu ghẹ ya mu mwẹ fi Izrẹl emwi.”

Nọmbas 14:6

E Jọsua ne ovbi e Nọn kevbe Kelẹb ne ovbi e Jefunẹ na ye akhiẹ sọ ukpọn iran an.

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Nọmbas 18:5

Wẹ kevbe avbe ivbuẹ ọkpa ọre ọ gha winna iwinna ne ọ kan ruẹn vbe Ehe Ne ọ huanrẹn kevbe aka, ne ohu mwẹ ghẹ ghi werriegbe gua kpao ghe ivbi Izrẹl.

Nọmbas 20:25

Rhie Errọn kevbe Eliaza ne ovbi ẹre khianmwu vbe Uhunmwu oke Họ.

Nọmbas 5:18

Iyeke ọnii, ọ ghi rhan okhuo ni eto, ọ ghi mu irhuarhua ne a ya ha oko nii ye ọre obọ. Ohẹn ghi mu ọkpan ne amẹ nọ rriara ne ọ fi emwi unu, mwẹ obọ.

Diuteronomi 33:9

Iran ọ ye ẹko ata yin ghe ruẹ sẹ evbibiẹ emọ, etẹn ra emọ iran ya uhi ruẹ ru emwi, iran ma mu ẹmwẹ ile ruẹ fua.

Jọsua 22:18

Te uwa ghi ra fi iyeke gbe e Nọyaẹnmwa ra? Wa gha sọtẹ ghe Nọyaẹnmwa ẹrẹna, ohu ivbi Izrẹl hia gha mu ẹẹn ẹdẹnakhuẹ.

Jọsua 22:20

Yerre wẹ Ekani ne ovbi e Zẹra he ne ọ rhie uhi ne a yi ye ẹmwẹ emwi ne a wẹ ne a fuan, a na rri ivbi Izrẹl hia oya yọ. Ẹ i re Ekani ọkpa ọ re ọ wu ba ẹmwẹ orukhọ ẹre.”

Jọsua 7:1

Izrẹl keghi rra uhi e Nọyaẹnmwa ne ọ khare wẹ ne a ghẹ rhie emwi rhọkpa ne a wẹ ne a fuẹn uan vbe Jẹriko. Ekani ọrọre ọmwa ne ọ viọ emwi eso. Rẹn kegha re ovbi Kami ne ovbi Zabdi ne ovbi Zẹra vbe ẹwae ọghe Juda. Ohu ivbi Izrẹl keghi kakabọ mu e Nọyaẹnmwa.

Jọsua 7:11

Izrẹl rukhọ nẹ. Ẹmwẹ ne ima gba ta ne I wẹ ne iran rhie mwẹ, iran rra ẹre. Iran viọ eso vbe uwu emwi ne a wẹ ne a fuẹn uan. Iran duẹe viọ, iran vbe ta ohoghe yọ, iran na viọ iran ba emwi iran.