Levitikọs 10:3 - Edo Bible (E Baibol Ẹdo) Version 1996

³ Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Levitikọs 10:3 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

Job 2:10

E Job keghi wanniẹn wẹẹ, “Ẹmwẹ oya ọ re ọ ke unu ẹn ladian. Osanobua gha rhie emwi ne ọ maa giẹ ọmwa, ma ghi ye oghọghọ miẹn ẹnrẹn. Vbọzẹ ne a gha na gha gui ẹzọ uwunu a deghẹ ọ giẹ ọlọghọmwa rre?” Vbene ọlọghọmwa na wegbe sẹ, e Job ma fi unu giẹ Osanobua. Avbe Ihua E Job Rre

Psalm 119:120

Ohan mu mwẹ rhunmwuda ruẹ, ohan gba mwẹ ẹko rhunmwuda ibuohiẹn ruẹn.

Psalm 148:14

Ọ ye ẹvbo ẹre khian ne ọ wegbe, sẹrriọ wẹ te emwa rẹn hia rho ẹre, avbe ivbi Izrẹl, ni ghan ne ẹẹn ẹsẹse. Wa rho e Nọyaẹnmwa!

Psalm 39:10

Ghẹ ghi rriọmwẹ oya sẹ ọna. Te avbe emwi ne u fi mwẹ re ghi ra gbe mwẹ uan.

Psalm 39:9

I gha hẹko hunwan, mẹ i ra vbe ta ẹmwẹ ọkpa rhunmwuda, wẹ ọ re ọ si oya ne I re na yọmwẹ egbe.

Psalm 46:10

Rẹn keghi kha wẹẹ, “Wa dobọ igbinna yi ne uwa vbe rẹn wẹ mẹ ọrọre Osanobua Ne ọ yo sẹẹ vbe avbe agbọn ẹvbo hia ne ọ yo sẹ vbe uhunmwu otọ agbọn.”

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Psalm 93:5

Etẹbitẹ ọ re avbe uhi ruẹ khin Nọyaẹnmwa, Ọgua Osa ruẹ, nọhuanrẹn nọ vbe ẹmwata, ẹdẹ kevbe ẹdẹdẹmwẹdẹ.

Ẹksọdọs 14:17

I gha ya ivbi Igipt ze vbe udu sẹrriọ wẹ iran ghi vbe lele iran larọ, vbene I gha ya khọn iran muotọ ighẹ ọba Igipt, ivbi iyokuo ẹre hia, ikẹkẹ okuo ẹre kevbe iran nii gua ẹe nẹẹn, ọ na gha rhie usi gunmwẹ.

Ẹksọdọs 14:4

Mẹ gha gie ọba Igipt yin ehọ, ọ ghi zẹ iran khu, vbe ne obọ mwẹ nọ gha ke ukhunmwu ne ọba Igipt kevbe ivbi iyokuo ẹre, gha na rhie uyi gunmwe. Ivbi Igipt gha rẹn wẹ mẹ ọrọre Nọyaẹnmwa.” Ivbi Izrẹl keghi ru vbene a khama iran.

Ẹksọdọs 19:22

Uhin avbe ohẹn nii sikẹ mwẹ, deghẹ ẹ i re te iran họnmwẹ egbe, te I ra rri iran oya.”

Ẹksọdọs 19:24

E Nọyaẹnmwa keghi wanniẹn tama rẹn wẹẹ, “Tuorre ne u ya rhie Errọn ba egbe gha dee. Sokpan wẹ ne avbe ohẹn kevbe emwa nekpa ghẹ fian uwu rra hin odukhunmwu bu mwẹ gha dee nii I ghẹ rri iran oya.”

Ẹksọdọs 30:30

U ghi nọnọ ori ye Errọn uhunmwu ke ẹe kevbe avbe ivbi ẹre, u ghi ya iran fi ohan ne iran gha ga mwẹ zẹ vbe ohẹn.

Aizaia 39:8

Emwi ne Hẹzekaia wẹ a ya ọna kha ọrọre wẹ ọfumwegbe kevbe ẹkun sotọ gha rrọ vbe ẹghẹ irẹn, rẹn keghi rhunmwuda ọnii wanniẹn, “Uhunmwu ne Nọyaẹnmwa giọ ẹre ne u tama mwẹ wa maa.”

Aizaia 49:3

Ọ keghi tama mwẹ wẹẹ, “Izrẹl, ọguọmwadia mwẹ ọ re u khin; emwa gha rho mwẹ rhunmwuda ruẹ.”

Aizaia 52:11

Wa ghẹ mwẹ wa ma kpao vbe Babilọn wa ni viọ emwi ne a ya ga vbe ọgua Osa mwẹ, wa ghẹ ye obọ kan emwi awua wa gie egbe uwa gha re nọhuanrẹn, ne uwa kpao.

Ezikiẹl 20:41

“I gha ghi viọ uwa ke avbe ẹvbo ne a zagha uwa kui gha dee nẹ, I na vbe do si uwa koko, I gha rhan obọ miẹn ese ne uwa gien rẹn, avbe uhunmwu ẹvbo gha vbe miẹn wẹ ọmwa nọhuanrẹn ọ re imẹ khin.

Ezikiẹl 28:22

Tama iran ni rre evba ẹmwẹ ne imẹ ne Nọyaẹnmwa ne Oghodua tae vbe ekpa iran. Oghian uwa ọ re I khin Saidọn, emwa gha rho mwẹ ye emwi ne I ru uwa re. Iran gha rẹn wẹ mẹ ọrọre Nọyaẹnmwa vbe I a ghi rri emwa ni rre uwu uwẹ oya nẹ ne I ya rhiema vbene I huan hẹ.

Ezikiẹl 38:16

U gha dekun Izrẹl ne emwa mwẹ zẹ vbe okpẹhoho ne ọ gbe otọe ni dunmwu. Ẹghẹ nii gha sẹ, I gha giọ ne u mu okuo gha rrie otọe mwẹ ne I miẹn ehe na rhie ma avbe uhunmwu ẹvbo ọmwa ne I khin, ne I la ekpa emwi ne I lo ruẹ ya ru na rhiema vbene I huan hẹ.

Ezikiẹl 40:46

kevbe wẹ ughugha ne ọ mu aro da odẹ okuọ, avbe ohẹn ni winna vbe Ogiukpo ọ re ọ yan rẹn. Ivbi uniẹn Zadọk ọ re avbe ohẹn nii hia wa khin. Vbe uwu avbe ivbi uniẹn e Livai hia, iran na ọkpa ọ re a kue ne ọ gha rrie odaro e Nọyaẹnmwa ne ọ ya ru emwi ne ẹẹn.

Ezikiẹl 42:13

Ọmwa nii keghi tama mwẹ wẹẹ, “Owa nihuanrẹn ọ re eveva na khin. Evba nii ọ re avbe ohẹn ni sẹ ehe ne Nọyaẹnmwa ye na rri avbe emwi izọ ese nihuansẹ ehia. Rhunmwuda ighe te avbe owa nii huanrẹn, evba nii ọ re avbe ohẹn viọ avbe emwi izọese nihuansẹ ehia yi, avbe ọka ne a ya ru imuohan, kevbe avbe ese ne a zọ ye orukhọ, ra ne a ya ha osa werriegbe.

Levitikọs 21:15

Deghẹ ẹ i re rriọ, a ghi do miẹn wẹ ivbi ẹre ne ọ te kei ne ọ gha re nihuanrẹn ghi do gha re ne awua gue. Mẹ ọrọre Nọyaẹnmwa, mẹ vbe hannọ ọẹn ye otọ nẹ zẹ vbe Ogiohẹn.”

Levitikọs 21:17

ne ọ tama Errọn wẹẹ, “A ghẹ gie ne egbe ma gba na vbe uwu ivbi uẹ zẹ ọhẹ evbare gun mwẹ. A ghi da uhi na yi rhinrin ẹdẹdẹmwẹdẹ.

Levitikọs 21:21

A ghẹ gie ivbi uniẹn Errọn ne ohẹn ne egbe ma gba na zẹ ọhẹ evbare mẹ.

Levitikọs 21:6

Ọ kere ne ọ gha re ne ọ huanrẹn ne ọ ghẹ fa eni mwẹ uan. Ọ ya evbare zẹ ọhẹ mẹ rhunmwuda ọnii, ọ kere ne ọ huan.

Levitikọs 21:8

Ọ kere ne emwa hia rẹn ohẹn ye ọmwa ne ọ huanrẹn rhunmwuda rẹn ọ ya evbare zẹ ọhẹ mẹ. Mẹ ọ re Nọyaẹnmwa ọmwa ne ọ huanrẹn mẹ khin, mẹ ọ re ọ vbe ya emwa mwẹ khian ne ọ huanrẹn.

Levitikọs 22:9

“Avbe ohẹn hia ghi lele emwamwa ne I mu ye otọ. De ghẹ ẹ i re vberriọ iran gha rrie abe, a ghi vbe gbele iran an, rhunmwuda, iran rra uhi emwamwa ne ọ huanrẹn. Mẹ ọ re Nọyaẹnmwa, mẹ ọ re ọ vbe ya iran khian ne ọ huanrẹn.

Levitikọs 8:35

Wa ghi wa gha rre onurho Owa Ukpọn ile nii asọn kevbe avan la ikpẹdẹ ihinrọn, wa ghi gha ru vbene Nọyaẹnmwa khare, deghẹ wa ma ru vberriọ, wa gha wulo.” Emwi ne Nọyaẹnmwa tama mwẹ ọre ọna khin.

Nọmbas 16:5

Iyeke ọnii, ọ keghi tama Kora kevbe ivbi otu ẹre hia wẹẹ, “Vbe owiẹ ẹdẹ na khuẹ, e Nọyaẹnmwa gha rhie ne ọ re ọghe ọe ma ima, ọ gha gie ọmwa nọ re ọghe ọe, ọmwa ne irẹn zẹe, sikẹ ọre vbe aka.

Nọmbas 20:12

Sokpan e Nọyaẹnmwa gue e Mosis kevbe Errọn gui wẹẹ, “Rhunmwuda ne uwa na ma mwẹ iyayi sẹ ne uwa mu ẹtin yan ẹtin mwẹ ne ọ huanrẹn vbe odaro ivbi Izrẹl, wa i ghi ra su iran la otọ ne I ve wẹ I gha mu ne iran.”

Matiu 10:37

“Ọmwaikọmwa ne ọ ho ẹmwẹ erha ẹe ra iye ẹe sẹ mwẹ, ọ ma ke vbe ọghomwẹ, ọmwa ne ọ vbe ho ẹmwẹ ovbi ẹre nokpia ra nokhuo sẹ mwẹ, ọ ma ke vbe ọghomwẹ.

Iyẹn ne ọ Maan Ọghe Jọn 12:28

Evbavba, rhie uyi ne eni ruẹn!” Ẹghẹ nii ọre urhu ọkpa na ke ẹrinmwi guan rre wẹẹ, “I ka rhie uyi naẹn nẹ, I gha ye vbe dọlegbe rhie uyi ne ẹn.”

Iyẹn ne ọ Maan Ọghe Jọn 14:13

Emwi ne uwa a rhirhi nọ vbe eni mwẹ i ghi ruẹe, ne a miẹn ehe na la ekpa ọmọ rhie uyi Evbavba maa.

Diuteronomi 32:51

Rhunmwuda wa eveva ma ya ẹkoata gun mwẹ yin vbe odaro ivbi Izrẹl. Ẹghẹ ne uwa na gha rre ọkpẹn ẹzẹ Mẹriba vbe ọkpẹn ẹvbo ne a tie ẹre Kedẹs vbe ato Zin, wa keghi yagha mwẹ vbe sirra ivbi Izrẹl hia.

II Tẹsalonaika 1:10

Ẹdẹ ne ọ gha rre nii, ne ọ do rhan obọ miẹn uyi vbe obọ emwa rẹn, kevbe ọghọ vbe obọ iran ni yayi, wa tobọ uwa gha vbe gha rre evba, rhunmwuda, wa ya ikporhu ne ima kpe ma uwa yi.

I Pita 4:17

Ọ sẹe nẹ nian ne ibuohiẹn gha ya suẹn, emwa Osanobua ọre a gha ka bu ohiẹn ọnrẹn. A deghẹ egbe ima ọre ọ na suẹn, vbe ọ ra gha ye hẹ vbe ufomwẹ ọnrẹn, vbe egbe iran ni ma ya Iyẹn Ne ọ maa ne ọ ke obọ Osanobua rre yi?

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.

I Samuẹl 3:18

Ẹre Samuẹl na talọ emwi hia ma rẹn, ọ ma vbe ke ya vbọ hiehie. Elai keghi wanniẹn wẹẹ, “Rẹn ọrọre Nọyaẹnmwa, emwikemwi ne ọ kei sẹ vbe aro ẹre ọ re ọ ra ru.”

I Samuẹl 6:20

Rhunmwuda ọnii, ivbi e Bẹt Siemẹs keghi kha wẹẹ, “De emwa ne ọ gha sẹtin mudia vbe odaro e Nọyaẹnmwa, Osanobua nọhuanrẹn na? De ehe ne ima gha mu ẹẹn gha rrie, ne a miẹn ehe na mu ẹẹn hin ehe ne ima ye rre?”