Levitikọs 10:2 - Edo Bible (E Baibol Ẹdo) Version 1996

² Sokpan erhẹn nii ma huan, rhunmwuda ọnii, e Nọyaẹnmwa keghi gie erhẹn gie iran, ọ keghi giẹn iran wu la ẹrinmwi vbe odaro e Nọyaẹnmwa.

Levitikọs 10:2 ပူးပေါင်းရင်းမြစ်များ

II Samuẹl 6:7

Vbe ọwarọkpa nii, ohu Uzza keghi mu e Nọyaẹnmwa, Ọ keghi gbe ẹe rua rhunmwuda, udinmwẹ amiọmwafo ọghe ọe, ẹre Uzza na wu ye evba, vbe ọkpẹn Ẹkpẹti Ile nii.

I Ọba 13:28

rẹn keghi hin ẹnrẹn, ọ keghi do vba ikun akhasẹ vbe otọ vbe odẹ, oduma ni kevbe ekẹtẹkẹtẹ ni na mudia ke ẹe. Oduma ni ma rri ikun ẹnrẹn ra ne ọ gu ekẹtẹkẹtẹ ni gbinna.

I Ọba 18:38

E Nọyaẹnmwa keghi gie erhẹn rre, ọ keghi giẹn ese nii hia, erhan kevbe okuta, ọ keghi ya otọ kaka, ọ na ka amẹ ne ọ rre uvun ni hia.

II Ọba 1:10

Elaija keghi wanniẹn wẹẹ, “A deghẹ ọmwa Osanobua ọ re I gele khin, wẹ ne erhẹn ke iso tuorre ne ọ gbe uẹ gbele emwa ruẹn hia a!” Vbe ọwarọkpa nii, erhẹn keghi tuorre, ọ na gbe ọkaokuo nii kevbe emwa rẹn hia a.

II Ọba 1:12

Elaija keghi wanniẹn wẹẹ, “A deghẹ ọmwa Osanobua ọre I gele khin, wẹ ne erhẹn ke iso tuorre ne ọ gbe uẹ gbele emwa ruẹn hia a.” Vbe ọwarọkpa, erhẹn na tuorre, ke iso rre, ọ na gbe ọkaokuo nii kevbe emwa rẹn hia a.

I Krọnikol 13:10

Vbe ọwarọkpa, ohu Uza keghi mu e Nọyaẹnmwa, ọ na gbe ẹe rua rhunmwuda ne ọ na ye obọ kan ẹkpẹti nii. Ọ keghi wu vbe odaro e Nọyaẹnmwa.

I Krọnikol 15:13

Rhunmwuda ne uwa i na rre evba ne uwa mu ẹẹn vbe okaro, e Nọyaẹnmwa ne Osanobua ima keghi rri ima oya ye ne ima ma na ga ẹe vbene ọ te ke yi.”

I Krọnikol 24:2

E Nadab kevbe Abihu ọ re ọ ka wu khẹ erha iran, iran ma vbe biẹlẹ, ọ re etẹn iran ighẹ Eliaza kevbe Itama na gha re ohẹn.

Job 1:16

Te ọnii he ye guan vbe ọguọmwadia ọvbehe rre do tama rẹn wẹẹ, “Avan nukhunmwu de yan avbe ohuan kevbe avbe ọsuohuan, ọ keghi gbele iran hia a, mẹ ọkpa ọ re ọ miẹn uhunmwu, ọ re I na do tama ruẹn.”

Psalm 50:3

Osanobua mwa dee sokpan, ẹ i ra do rre okperhẹn ne ọ giẹn emwi hia rre odaro ẹre okpẹhoho ne ọ dunmwu emwi hia lẹga ẹre.

Ẹksọdọs 24:1

E Nọyaẹnmwa keghi tama e Mosis nẹ wẹẹ, “Bu mwẹ gha die uhunmwu oke, ke uwẹ kevbe Errọn, e Nadab, Abihu kevbe ediọn ekigbe siyenẹ vbe ivbi Izrẹl, ne uwa ya uhunmwu rhanmwẹ otọ vbe urria, ne uwa ga mwẹ.

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

Levitikọs 10:5

Iran na rhunmwuda ọnii gha de do silo ikun iran ladian agọ rre zẹ vbene Mosis khare.

Levitikọs 16:1

E Nọyaẹnmwa keghi gu e Mosis guan iyeke vbe ivbi Errọn eveva ghi wulo nẹ, iran ne a gbele ua vbe ẹghẹ ne iran na zẹ ọhẹ erhẹn awua gie Nọyaẹnmwa.

Levitikọs 9:24

Vbe udomwurri, e Nọyaẹnmwa keghi gie erhẹn rre, ọ keghi giẹn emwi izọ ese nii hia ke ẹe kevbe efun emwi nii rre aka. Ugbẹn vbe emwa nii ghi miẹn ọẹn, iran keghi datu, iran keghi munọ ẹko rhu otọ.

Nọmbas 16:35

E Nọyaẹnmwa keghi gie erhẹn ne ọ giẹn iran an ighẹ iran ekigbe siyeha yan uri (250) ni viọ eturari ni rre.

Nọmbas 16:49

Inu emwa ni wulo kegha re iyisẹn yan uri eha ọre ọ ya yan arriaisẹn iwenẹ (14,700) vbe ne a ma na ka iran ni wulo ba ẹmwẹ isọtẹ e Kora ba ẹre.

Nọmbas 26:61

E Nadab kevbe Abihu keghi wulo vbe iran ya mu erhẹn ẹyin awua gie Nọyaẹnmwa.

Iwinna 5:10

Vbe ọwarọkpa nii, ọ keghi de gbe otọ vbe akharha ẹre, ọ na wu. Avbe igbama nii ghi la owa, iran do vba ighe ọ wu nẹ, iran keghi mu ẹn ladian, iran na ya tọn ẹn ye otọ diake ọdafọn ọnrẹn.

Iwinna 5:5

Ananaias ghi wa họn ẹmwẹ na, ọ degbe otọ, ọ keghi wu. Ikponi keghi rhọ ku emwa hia ni họn ẹmwẹ na.

I Kọrinti 10:11

Emwi na hia sunu ne a ya rhie igie emwi ne emwa ọvbehe, a keghi gbẹnnẹ ọẹn ye otọ zẹ vbe ne a ya bu ima ude. Rhunmwuda, ẹghẹ ima keghi re ẹghẹ ne ufomwẹ na sẹ otọ fo nẹ.

I Samuẹl 6:19

E Nọyaẹnmwa keghi gbele ivbi Bẹt Siemẹs eso rhunmwuda iran kegha ghe uwu Ẹkpẹti Ile nii, ọ keghi gbele arhin ekigbe sẹ iyenẹ vbe uwu iran. Emwa nii keghi khiẹ, rhunmwuda ne eso na wulo vbe uwu iran.