Levitikọs 10:19 - Edo Bible (E Baibol Ẹdo) Version 1996

¹⁹ Errọn keghi wanniẹn wẹẹ, “Wẹ rẹnrẹn wẹ emwi ne ọ gbe orrirri na ye sunu vbe egbe mwẹ, egbe ne emwa ni rre ya viọ izẹọhẹ orukhọ rre deba ese ne agiẹn uan ọghe iran gie Nọyaẹnmwa ẹrẹna. Akpawẹ te imẹ rri emiowo ọghe izẹọhẹ orukhọ nii ẹrẹna, ẹko gha rhiẹnrhiẹn e Nọyaẹnmwa ra?”

Levitikọs 10:19 ပူးပေါင်းရင်းမြစ်များ

Aizaia 1:11

Ọ wẹẹ, “Wẹ yayi wẹ mẹ mwẹ emwi ne imẹ ye avbe ese nibun ne uwa zọ ghe mwẹ na ru ra? Avbe ohuan ne uwa ya zọ ese ghe mwẹ, deba ẹvbi ọghe aranmwẹ ruẹn, khan mwẹ ne. Esagiẹn ẹmila kevbe ọghe ẹwe khan mwẹ.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Jerimaia 6:20

De emwi ne iran wẹ I ya eturari ne iran viọ ke Siẹba rre ru yi ra avbe emwi ne ọ winhin ne iran viọ ke urria rre? Mẹ i ra rhan obọ miẹn emwi ihaoko iran ra ne izọ ese iran gha yẹ mwẹ.

Hozia 9:4

Iran i ra sẹtin gha ye ayọn ha oko gie Nọyaẹnmwa vbe ẹvbo ẹrrẹe, ra ne iran vbe gha zọ ese iran gie ẹe. Evbare iran gha si awua ye ọmwaikọmwa ne ọ rhirhi a rri ọe egbe, zẹ vbe evbare ne a re vbe irorinmwi. Te iran ra ya ẹe gbe ohanmwẹ kẹkan, ọkpa ne a ra rhie la Ọgua Osa e Nọyaẹnmwa zẹ vbe emwi imuohan, ẹ i rrọ.

Levitikọs 10:20

E Mosis ghi họn ẹmwẹ na, ẹko ẹre ke ghi vuọn ẹẹn.

Levitikọs 9:12

Ọ keghi gbe aranmwẹ ese na giẹn uan ọghe egbe ẹre. Ivbi ẹre ke mu esagiẹn ọnrẹn gie ẹe, ọ keghi rhurhẹ ọe ku igienenẹ ọghe aka.

Levitikọs 9:8

Errọn keghi gha rrie aka, ọ na ya gbe ovbi ẹkhuia ẹmila nii ya zọ ese orukhọ ọghọe.

Malakai 1:10

E Nọyaẹnmwa ne Oghodua khare wẹẹ, “Akpawẹ a miẹn ọkpa vbe uwu uwa ne ọ gha khui urho Ọgua Osa nian ne uwa ghẹ ghi miẹn ehe na ya gha hie erhẹn nọ ma maa ye Ogiukpo mwẹ. Ẹko uwa i ma mwẹ hiehiere. I i ra rhan obọ miẹn emwi ihaoko ne uwa viọ gunmwẹ.

Malakai 1:13

Wa ghi kha wẹẹ, ‘Ena hia wa khan ima,’ wa ghi gha tọn ukpihue mu ghe mwẹ, wa gha ra ha oko gunmwẹ, wa ghi mu aranmwẹ ne uwa do mu rre, ra ne ọ kun use ra ne ọ khuọnmwi. Wa yayi ighe mẹ gha rhan obọ miẹn uwa ọnii ra?

Malakai 2:13

Wa ghe emwi ọvbehe ne uwa vbe ru. Wa ye ameve uwa ro gue Ogiukpo Osanobua mu otọ, wa gha viẹ, wa gha kpe orhu eve rhunmwuda ighẹ e Nọyaẹnmwa i ghi rhan obọ miẹn emwi ne uwa ya ha oko gie ẹe.

Diuteronomi 12:7

Vbe evba nii, vbe odaro e Nọyaẹnmwa Osanobua uwa, ne ọ fiangbe uwa, wẹ kevbe ẹgbẹe ruẹ gha re, wa ghi gha ghọghọ rhunmwuda avbe emwi esi ne uwa miẹn ẹsọn yi.

Diuteronomi 26:14

I ma re vbọ vbe ẹghẹ a khiẹ, I ma vbe rhie vbọ ladian vbe owa vbe awua gue mwẹ. I ma vbe rhie vbọ ya fi ohan ne avbe orinmwi. I wa ru vbene u khare. Osanobua mwẹ I vbe ru emwi hia ne u khare vbekpa aghae ye ihigbe.

Filipai 4:4

Wa gha ghọghọ vbe uwu Nọyaẹnmwa, I vbe dọlọ ta ẹe, wa gha ghọghọ.

Hibru 7:27

Rẹn i yevbe avbe igie ohẹn nekpa, ẹ i vbe ka zọ ese ye orukhọ obọ ẹre nẹ ẹdẹgbegbe, zẹ vbe emwi ne ẹ i mwẹ a ma ru, ọ keghi do zọ ye ọghe emwa nekpa. Ọ zẹ ese nẹ uhukpa nii, ne emwa hia, vbe ẹghẹ ne ọ na ye egbe ẹre zọ ese.

Hibru 9:8

Orhiọn Ne Ọ Huanrẹn wa ya avbe emwamwa na rhie maa zẹẹ wẹ, ugbẹn vbe Ọgua ukpọn ne ọ ke ore he ye rre evba, a ma he kie urho ne a la sẹ Ehe Ne ọ Huan Sẹẹ Ehia nii.