Levitikọs 10:1 - Edo Bible (E Baibol Ẹdo) Version 1996

¹ Ivbi Errọn ighẹ Nadab kevbe Abihu keghi viọ ọkpan erhẹn iran, iran gua ugiọnmwẹ erhẹn yọ, iran keghi zẹ eturari yọ, iran na mu gie Nọyaẹnmwa.

Levitikọs 10:1 ပူးပေါင်းရင်းမြစ်များ

I Ọba 18:38

E Nọyaẹnmwa keghi gie erhẹn rre, ọ keghi giẹn ese nii hia, erhan kevbe okuta, ọ keghi ya otọ kaka, ọ na ka amẹ ne ọ rre uvun ni hia.

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Ẹksọdọs 24:1

E Nọyaẹnmwa keghi tama e Mosis nẹ wẹẹ, “Bu mwẹ gha die uhunmwu oke, ke uwẹ kevbe Errọn, e Nadab, Abihu kevbe ediọn ekigbe siyenẹ vbe ivbi Izrẹl, ne uwa ya uhunmwu rhanmwẹ otọ vbe urria, ne uwa ga mwẹ.

Ẹksọdọs 24:9

E Mosis, Errọn, e Nadab, Abihu kevbe olotu ekigbesiyenẹ vbe uwu Izrẹl keghi hin oke nii gha khian.

Ẹksọdọs 27:3

U ghi vbe ru ọkpan ọghe emuẹn ne lọkọ nọ rre aka, u ghi vbe ru ovbẹvbẹ, ọkpan nekhua, aban kevbe emwi ne a ya wan erhẹn. Emwi hia ne a ghi lo vbe aka nii, oze ọre a gha ya ru ẹe.

Ẹksọdọs 28:1

“Tama iran ne iran viọ ọtuẹn ighẹ Errọn kevbe avbe ivbi ẹre e Nadab, Abihu, Eliaza kevbe Itama ke uwu ẹbu emwa Izrẹl ladian gha dee ne iran do gha ga mwẹ zẹ vbe avbe ohẹn.

Ẹksọdọs 31:11

Ofigbọn ne a nọnọ ye emwa uhunmwu kevbe eturari ne ọ winhin ọghe esi nii ne a viọ ye ehe ne ọ huanrẹn. Iran gha ru avbe emwi na hia, vbene 1 tama ruẹn zẹe ọre iran ru ẹe.

Ẹksọdọs 37:29

Ọ keghi vbe ru ori ne ọ huanrẹn ne a nọnọ ye emwa uhunmwu kevbe eturari ne a ma gua nọ winhin, emwi ne a gua re zẹ vbe ne iran ni ru ori ne ọ winhin gha gua ẹre zẹẹ.

Ẹksọdọs 38:3

Ọ keghi vbe ru emwi ne a lo vbe nene aka yọ, avbe ọkpan, ovbẹvbẹ, ọkpan nọkhua, avbe awan ke ẹe kevbe ọkpan ne a mu ye erhẹn. Oze ẹre ọ ya ru avbe emwi na hia.

Ẹksọdọs 40:27

Ọ keghi giẹn eturari nẹ ọ winhin nii vbe uhunmwu ẹnrẹn zẹ vbene Nọyaẹnmwa tama rẹn.

Ẹksọdọs 6:23

Errọn keghi rhie Ẹlisiẹba ne ovbi Aminadab ne ọtẹn Nasiọn rọnmwẹ; ọ keghi biẹlẹ Nadab, Abihu, Eliaza kevbe Tama nẹẹn.

Ẹksọdọs 8:27

Te ima gha khian okhian ikpẹdẹ eha la uwu ato ya zọ ese ghe Nọyaẹnmwa Osanobua mwa zẹ vbene ọ tama mwa.”

Jerimaia 19:5

Iran bọlọ Ogiukpo ne Baal ne iran na gha giẹn ivbi ran an ya gha zọ ese. Mẹ ma tama iran ne iran ru emwi na, ọ ma vbe gha rrọ mwẹ ekhọe vbe ẹghẹ ikẹ ghẹ.

Jerimaia 32:35

Iran bọọ Ogiukpo ne Baal vbe Iya Hinọm, ne iran ya gha ya ivbi iran nikpia kevbe nikhuo zọ ese vbe evba ne ẹbọ ne a tie ẹre Molẹk. Mẹ ma tama iran ne iran ru emwi na, ọ ma vbe gha zẹdẹ rrọ mwẹ ekhọe wẹ ne iran ru emwi vberriọ, ne iran ya si emwa e Juda obọ fi orukhọ.”

Jerimaia 44:15

Vbe iyekọnii, avbe ikpia hia ni rẹnrẹn ighe avbe amwẹ iran zọ ese ghe avbe ẹbọ ọvbehe, deba avbe ikhuo ni mudia vbe evba, kevbe avbe ivbi Igipt ni rre odẹ ekẹn ọghe Igipt, emwa ni wa bun ẹsẹse, iran keghi tama mwẹ wẹẹ,

Jerimaia 44:8

“Vbọzẹ ne uwa na ya ẹmwẹ ẹbọ ne uwa gho ya ohu mu mwẹ yi, kevbe ne uwa na zọ ese ghe avbe ẹbọ ọvbehe vbe Igipt vbe emwa na, ehe ne uwa do yin? Te uwa ru ọna ra ne uwa wa ya fuẹn egbe uwa a, ne avbe uhunmwu ẹvbo ni rre otọ agbọn gha ya uwa gbe ogie ne a vbe gha ya uwa tie ihẹn?

Jerimaia 7:31

Iran ma Ogiukpo okpa ne iran tie ẹre Tofẹt ye Iya Hinọm, ne iran miẹn ehe na gha ya ivbi iran nikpia ke nikhuo zọ ese vbe erhẹn. I ma gie iran ru emwi na, ọ ma vbe zẹdẹ gha rrọ mwẹ ekhọe hiehiere.

Levitikọs 16:1

E Nọyaẹnmwa keghi gu e Mosis guan iyeke vbe ivbi Errọn eveva ghi wulo nẹ, iran ne a gbele ua vbe ẹghẹ ne iran na zẹ ọhẹ erhẹn awua gie Nọyaẹnmwa.

Levitikọs 16:12

ọ ghi ya ọkpan erhẹn wan erhẹn ẹyin ne ọ yan ke aka rre, ọ ghi vbe viọ uguobọ eva ọghe eturari ne ọ maa, ọ ghi viọ ehia gha die uwu Ehe Nọhuansẹ Ehia nii.

Levitikọs 22:9

“Avbe ohẹn hia ghi lele emwamwa ne I mu ye otọ. De ghẹ ẹ i re vberriọ iran gha rrie abe, a ghi vbe gbele iran an, rhunmwuda, iran rra uhi emwamwa ne ọ huanrẹn. Mẹ ọ re Nọyaẹnmwa, mẹ ọ re ọ vbe ya iran khian ne ọ huanrẹn.

Levitikọs 9:24

Vbe udomwurri, e Nọyaẹnmwa keghi gie erhẹn rre, ọ keghi giẹn emwi izọ ese nii hia ke ẹe kevbe efun emwi nii rre aka. Ugbẹn vbe emwa nii ghi miẹn ọẹn, iran keghi datu, iran keghi munọ ẹko rhu otọ.

Nọmbas 16:46

Ẹre Mosis na tama Errọn wẹẹ, “Rhie ọkpan erhẹn ruẹn, wan erhẹn yọ vbe ne ọ rre aka, ne u vbe viọ eturari ye erhẹn nii. U ghi zẹgiẹgiẹ bu emwa na ne u ya ru iruemwi akpehuan ne iran na. Ẹgiẹgiẹ! Ohu e Nọyaẹnmwa vẹn nẹ. egboghogbogho suẹn nẹ.”

Nọmbas 26:61

E Nadab kevbe Abihu keghi wulo vbe iran ya mu erhẹn ẹyin awua gie Nọyaẹnmwa.

Nọmbas 4:18

“Wa ghẹ gia gbele ivbi e Kohat ua,

Diuteronomi 12:32

“Wa ru emwi hia ne I tama uwa ne uwa ru, wa ghẹ fian yọ, wa ghẹ fian hin.

Diuteronomi 17:3

Vbekpa ne iran na ga kevbe ne iran na gho ẹbọ ọvbehe ra owẹn, uki ra avbe orhọnmwẹ emwi ne Nọyaẹnmwa wẹ ne a ghẹ ru.

Diuteronomi 4:2

Wa ghẹ rhie te emwi ne I ma uwa ẹre, wa ghẹ vbe rhie hin rre. Wa gha mu uhi Nọyaẹnmwa Osanobua ne I rhie ne uwa sẹ.

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.