Levitikọs 1:9 - Edo Bible (E Baibol Ẹdo) Version 1996

⁹ Okpia nii ghi kpe avbe ibiẹ ọre kevbe avbe owẹ ọre, ohẹn ne ọ ru ugamwẹ ghi giẹn ese nii hia vbe aka. Uwinhinmwẹ emwi imuohan evbare na yẹ Nọyaẹnmwa.

Levitikọs 1:9 ပူးပေါင်းရင်းမြစ်များ

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

I Krọnikol 6:34

Ẹlkana e Jeroham, Eliẹl, e Toa,

II Krọnikol 4:6

Iran keghi vbe ru igarawa igbe, a na wẹ ne a viọ isẹn ye odẹ ekẹn Ọgua Osa kevbe isẹn nekpa ye odẹ okuọ. Enii ọre a wẹ ne a ya gha kpe avbe emiowo ne a wẹ ne a giẹn uan zẹ vbe ese ne a zọ re. Amẹ ne ọ rre ẹgbẹdin nọkhua ni ọ re a wẹ ne avbe ohẹn ya gha khuẹ.

Psalm 51:6

Ekhọe ne ọ diae kevbe ẹmwata; ọ re uwẹ ho, ya ẹwaẹn ruẹn vuọn ekhọe mwẹ.

Psalm 66:15

I gha mu ohuan rre ne a giẹn ọnrẹn vbe ogiukpo I gha ya ẹmila kevbe ẹwe zọ ese, Ighogho ẹre ghi kpaegbe laghe iso.

Ẹksọdọs 12:9

Wa ghẹ rri ọre ọghọgbọn ra na a le ẹe, sokpan a ghi wa tọn ikun ẹnrẹn vberriọ, kevbe uhunmwu ẹnrẹn kevbe inu rẹn ke emwi ni rre ọre uwu egbe hia.

Ẹksọdọs 29:18

U ghi wa giẹn ogho nii hia vbe uhunmwu aka. Izọhẹ ne a giẹn ne Nọyaẹnmwa ọre ọna khin, izọhẹ ne a ya erhẹn ru nọ ke ẹe kevbe uwinhinmwẹ ne ọ yẹ mwẹ.

Ẹksọdọs 29:25

Iyeke ọnii, u ghi miẹn iran evbare nii, u ghi giẹn ọnrẹn vbe uhunmwu aka, vbe uhunmwu avbe emwi imuohan na a giẹn uan, ne ọ miẹn ehe na rhie uwinhinmwẹ ne ọ yẹ mwẹ ladian, emwi imuohan evbare ne a ya rhie gun mwẹ nọ.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Ezikiẹl 20:28

I viọ iran gha die otọ ne I wẹ I gha mu ne iran. Iran ghi miẹn avbe oke ni yo kevbe avbe erhan ni mwẹ ebe nunuunu, iran kegha zọ ese vbe ehe ne ehia ye.

Ezikiẹl 20:41

“I gha ghi viọ uwa ke avbe ẹvbo ne a zagha uwa kui gha dee nẹ, I na vbe do si uwa koko, I gha rhan obọ miẹn ese ne uwa gien rẹn, avbe uhunmwu ẹvbo gha vbe miẹn wẹ ọmwa nọhuanrẹn ọ re imẹ khin.

Ezikiẹl 40:38

Vbe ẹghodo ore ne ọ rrọọ a keghi vbe bọ ekherhe te ẹe vbe onurho ne ọ ke uwu ẹre vbe odẹ okuọ. Ọ keghi mu aro da ughugha nọkhua ne ọ mu aro da ẹghodo nii, evba nii ọre iran na kpe ikun avbe aranmwẹ ne a ra giuan vbe ne a ya zọ ese.

Levitikọs 1:13

Ọmwa nii ghi kpe ibiẹ ọre kevbe owẹ ọre, ohẹn ghi do mu ese nii gie Nọyaẹnmwa, ọ ghi giẹn ehia fẹẹrẹ vbe uhunmwu aka, uwinhinmwẹ emwi ihaoko evbare na yẹ Nọyaẹnmwa.

Levitikọs 1:17

Ọ ghi viọ ẹre ifuẹn, ọ ghi va ẹe ẹre egbe ua vbene ẹ i na yanghan ifuẹn ọnrẹn kua. Ọ ghi giẹn ọnrẹn vbe aka. Uwinhinmwẹ emwi ihaoko evbare na yẹ Nọyaẹnmwa.

Levitikọs 2:16

Ohẹn ghi giẹn ekherhe ne a rhie vbọ kevbe ofigbọn, ne ọ gha re ama kevbe eturari hia zẹ vbe iha oko evbare gie Nọyaẹnmwa.

Levitikọs 2:2

Ọ ghi mu ẹẹn bu ohẹn Errọn gha dee. Ohẹn ne ọ ru ugamwẹ ghi zẹ uguobọ ọkpa irhuarhua nii, ọ ghi giẹn ọnrẹn uan vbe aka ne a ya rhie ma wẹ te a ya ẹe zọ ese ghe Nọyaẹnmwa. Uwinhinmwẹ emwi ihaoko evbare vbenian yẹ Nọyaẹnmwa.

Levitikọs 2:9

Ohẹn ghi rhie ekherhe vbọ zẹ vbe ama wẹ a ya ehia ha oko gie Nọyaẹnmwa nẹ, ọ ghi giẹn ọnrẹn vbe aka. Uwinhinmwẹ emwi ihaoko evbare vbenian yẹ Nọyaẹnmwa.

Levitikọs 3:11

Ohẹn ne ọ ru ugamwẹ ghi giẹn ena hia zẹ vbe evbare ihaoko gie Nọyaẹnmwa.

Levitikọs 3:5

Avbe ohẹn ghi giẹn ena hia vbe uhunmwu aka deba ese ne a giẹn uan nii. Uwinhinmwẹ emwi ihaoko evbare na yẹ Nọyaẹnmwa.

Levitikọs 4:31

Iyeke ọnii, ọ ghi viọ ẹvbi nii rrọ hia hin rre, zẹ vbene a vbe viọ ẹvbi hin aranmwẹ ne a gbe ya sisara, ne u vbe giẹn rẹn uan vbe aka, zẹ vbe emwi ne ọ winhin ne ọ yẹ e Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 6:14

“Vbenian ọre a gha ya gha ru izọhẹ ọka. Ohẹn ghi mu ọka nii gie Nọyaẹnmwa vbe odaro aka.

Levitikọs 8:28

E Mosis keghi miẹn iran evbare na, ọ na giẹn ọnrẹn uan vbe uhunmwu aka ese na giẹn uan, zẹ vbe ese ne a ya ma ohẹn. Ọna ke gha re izọhẹ evbare, uwinhinmwẹ ọnrẹn ke gha yẹ e Nọyaẹnmwa.

Levitikọs 9:14

Ọ keghi do kpe avbe ibiẹ ọre kevbe owẹ ọre, ọ na giẹn ọnrẹn uan vbe aka yan ese na giẹn uan ni kẹre.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Nọmbas 15:3

A sẹtin mu ẹmila ra ohuan ra ogho ra ẹwe gie Nọyaẹnmwa zẹ vbe izọese na giẹn uan, ra izọese ne a ya mu eyan sẹ ra ne a ya sisara, ra izọese ne a ru ya dugie ugamwẹ, uwinhinmwẹ avbe izẹọhẹ evbare vberriọ wa yẹ e Nọyaẹnmwa.

Nọmbas 28:11

Wa ghi gha zọhẹ na giẹn uan gie Nọyaẹnmwa vbe omuhẹn uki hia, ena ọre ivbi ẹkhuia ẹmila eva, ogho ọkpa, ivbi ogho ni he rre ukpo ọkpa ihinrọn, e hia ghi gha re ne ẹ i mwẹ okan.

Nọmbas 28:7

U ghi hihiẹ ọgọ ayọn eva ye aka zẹ vbe ayọn ne a mu lele oteghe ohuan ne okaro.

Nọmbas 28:8

Ota gha ghi rre, u ghi vbe ya oteghe ohuan ne ogieva zọ ese zẹ vbene a vbe ruẹe vbe owiẹ ke ẹe kevbe ayọn izẹọhẹ. Izẹọhẹ evbare vbe nọ, emwi ne ọ winhin yẹ Nọyaẹnmwa.

II Kọrinti 2:15

Rhunmwuda te ima ye vbe uwinhinmwẹ eturari ne Kristi giẹn ne Osanobua, ne ọ vbe sẹ egbe iran ne a ra miẹnfan, kevbe iran ne ọ ra wiri ua.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Diuteronomi 12:27

Wa ghi zọ ese ne a ra giẹn uan fo fẹẹrẹ vbe aka e Nọyaẹnmwa, kevbe ese ne a wẹ ne u hihiẹ esagiẹn ọnrẹn ye aka, ne u ya rri emiowo ẹre.

Filipai 4:18

Rhunmwuda ọnii, wa ghe ebe ọ sẹ mwẹ obọ ọghe emwi hia ne uwa he hẹ gun mwẹ, ọ wa vbe sẹ kpọ kua. Emwi ne uwa viọ ne Epafroditọs viọ gu mwẹ, sẹ mwẹ obọ nẹ nian, emwi ne I ho hia gbae. Te ena ye vbe emwi izọ ese ne ọ winhin ne a ya mu ohan gie Osanobua, emwi ne ọ yẹ ọre, ne ọ gha vbe rhan obọ miẹn.