Levitikọs 1:5 - Edo Bible (E Baibol Ẹdo) Version 1996

⁵ “Ọ ghi gbe ẹkhuia ẹmila nii vbe evba, avbe ohẹn ghi mu esagiẹn ọnrẹn gie Nọyaẹnmwa, iran ghi vbe rhurhẹ esagiẹn ọnrẹn ye igienenẹ ọghe aka ne ọ rre onurho Owa Ukpọn nii.

Levitikọs 1:5 ပူးပေါင်းရင်းမြစ်များ

II Krọnikol 35:11

A ghi gbele avbe oteghe ohuan kevbe ẹwe nẹ, avbe Livai keghi zẹlẹ ehia ohian, avbe ohẹn keghi ya sanmwẹ esagiẹn ọnrẹn ye Ogiukpo.

Ẹksọdọs 29:11

U ghi gbe ẹkhuia ẹmila nii vbe evba vbe odaro Nọyaẹnmwa vbe onurho ne a la la Owa Ukpọn ne a na miegbe.

Ẹksọdọs 29:16

U ghi gbe ẹe, u ghi mu esagiẹn ọnrẹn ne u rhurhẹ ọe lẹga aka nii.

Ẹksọdọs 40:6

Mu aka ne a na giẹn emwi ne a ya zọ ese ye odaro Owa Ukpọn nii.

Aizaia 52:15

Sokpan, te irẹn khian gha re ọyunnuan ne avbe uhunmwu ẹvbo nibun, avbe ọba gha yan unu uan, iran i miẹn ẹmwẹ ta. Iran gha bẹghe, iran ghi vbe rẹn otọ emwi ne iran ma he rẹn ẹdẹ.”

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Ezikiẹl 43:18

E Nọyaẹnmwa ne Udazi keghi tama mwẹ wẹẹ, “Ovbi ọmwa, danmwehọ ẹmwẹ ne I ra tama ruẹn na, a ghẹ ghi bọ nene ogiukpo nẹ, u ghi gien emwi izọese vbọ, ne u ya ọnii ya ẹe fi ohan, u ghi miẹn esagiẹn emwi ne a ya zọ ese yan rẹn.

Levitikọs 1:11

Ọ ghi gbe ẹe vbe odẹ okuọ ọghe aka, ohẹn ghi rhurhẹ esagiẹn ọnrẹn ye igienenẹ ọghe aka.

Levitikọs 1:15

Ohẹn ghi mu ẹẹn gha die aka, ọ ghi khiẹn ọnrẹn urhu, ọ ghi giẹn uhunmwu ọnrẹn vbe aka. A ghi da esagiẹn ọnrẹn ladian ye egbe aka.

Levitikọs 16:15

Vbe iyeke ọnii, ọ ghi gbe ẹwe izọese orukhọ ọghe emwa nii, ọ ghi mu esagiẹn ọnrẹn gha die Ehe Nọhuansẹ Ehia, ọ ghi sanmwẹ ọẹn yan ugue ẹkpẹti nii kevbe odaro Ẹkpẹti Ile nii, zẹ vbene ọ vbe ru esagiẹn ẹkhuia ẹmila nii.

Levitikọs 17:11

Arrọ ọghe emwikemwi ne ọ ghi rre agbọn nẹ, esagiẹn ọre ọ ye, ọnii ọ zẹe ne Nọyaẹnmwa na ta ẹe wẹ ne a gha da esagiẹn hia ye uhunmwu aka ne ọ kpe orukhọ emwa nii kua. Te esagiẹn kpe orukhọ kua.

Levitikọs 3:13

ọ ghi rhie obọ yan ẹre uhunmwu ne ọ gbe ẹe vbe odaro Owa Ukpọn. Avbe ohẹn ghi gbe esagiẹn ọnrẹn ye igienenẹ ọghe aka.

Levitikọs 3:2

Ọ ghi rhie obọ ẹre yan uhunmwu aranmwẹ nii, ọ ghi gbe ẹe vbe onurho Owa Ukpọn ẹ Nọyaẹnmwa, avbe ohẹn Errọn ghi hihiẹ esagiẹn ọnrẹn ye igienenẹ ọghe aka.

Levitikọs 3:8

ọ ghi rhie obọ yan ọre uhunmwu, ọ ghi ghe ẹe vbe odaro Owa Ukpọn. A vbe ohẹn ghi gbe esagiẹn ọnrẹn khakha ye igienenẹ ọghe aka.

Levitikọs 4:29

Ọ ghi rhie obọ yan ẹre uhunmwu, ọ ghi gbe ẹe vbe odẹ okuọ ọghe aka ne a na gbele aranmwẹ ne a ya zọ ese na giẹn uan.

Levitikọs 4:33

Ọ ghi rhie obọ yan ẹre uhunmwu ne ọ gbe ẹe vbe odẹ okuọ ọghe aka ne a na gbele aranmwẹ ne a ya zọ ese ne a giẹn uan.

Levitikọs 4:7

Iyeke ọnii ọ ghi rhie eso vbe esagiẹn ye ehe ne ọ zẹ ukpẹ ladian vbe aka ne a na giẹn eturari vbe uwu Owa Ukpọn e Nọyaẹnmwa. Ọ ghi hihiẹ esagiẹn ne ọ dekẹe ye ẹzi aka ne a na giẹn emwi izọ ese vbe onurho Owa Ukpọn nii.

Maika 6:6

De emwi ne imẹ gha rhie gie Nọyaẹnmwa ne Osanobua ẹrinmwi, vbe I a ra do mudia vbe odaro ẹre? Ne I mu ivbi ẹkhuia ẹmila ni maa sẹ rre ra ne a ya zọ ese ne a giẹn uan ne ẹẹn?

Nọmbas 18:17

Sokpan emọ ọdiọn ọghe ẹmila, ohuan kevbe ẹwe, a i ra dẹlẹ iran werriegbe, ọghomwẹ iran wa khin fẹẹrẹ, te a gha gbele iran ya zọ ese. A ghi hihiẹ esagiẹn iran ya aka, a ghi giẹn ẹvbi iran zẹ vbe izẹ ọhẹ evbare, emwi ne ọ winhin yẹ mwẹ.

Hibru 10:11

Dọmwadẹ ohẹn avbe Ju, te ọ mudia winna iwinna rẹn ẹdẹgbegbe, ọ ghi vbe gha zọ ese ọkpa ni yan egbe yan egbe. Sokpan avbe izọese na i sẹtin kpe orukhọ kua.

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.

I Samuẹl 1:25

Iran ghi gbe ẹkhuia ẹmila nii nẹ, a keghi rhie ọmọ nii gie Elai.