Levitikọs 1:4 - Edo Bible (E Baibol Ẹdo) Version 1996

⁴ Ọ ghi rhie obọ yan rẹn uhunmwu, a ghi rhan obọ miẹn rẹn zẹ vbe ese ne ọ gha viọ orukhọ ẹre gha rrie.

Levitikọs 1:4 ပူးပေါင်းရင်းမြစ်များ

Ẹksọdọs 28:38

Errọn ghi muẹn ye uharo ẹre, odẹ vbenian, ọ ghi rhie abakuru ne ọ rhirhi gha rre avbe emwikemwi ne ivbi Izrẹl ya fi ohan ne imẹ. Te Errọn ra wa gha yọe vbe ẹghẹ hia ne emwi ihaoko nii miẹn ehe na gha yẹ Nọyaẹnmwa. A gha rhe miẹn wẹ iran ma ru emwi ẹse vbe iran ha oko gunmwe.

Ẹksọdọs 29:10

“U ghi mu ẹkhuia ẹmila nii gha die odaro Owa Ukpọn ne a na miegbe. Errọn kevbe ivbi ẹre ghi viọ obọ iran yan rẹn uhunmwu.

Ẹksọdọs 29:15

“U ghi mu ọkpa vbe uwu avbe ogho nii. U ghi tama Errọn vbe ivbi ẹre ne iran viọ obọ iran yan ẹre uhunmwu.

Ẹksọdọs 29:19

U ghi mu ogho nọkpa, Errọn kevbe ivbi ẹre ghi viọ obọ yan ẹre uhunmwu.

Ẹksọdọs 29:33

Iran ghi rri emwi ne a ya rhie iyabọ gie iran vbe ẹghẹ ne a na ma iran ohẹn, a keghi vbe ya iran fi ohan. Avbe ohẹn ọkpa ọre ọ gha rri evbare na rhunmwuda evbare ne a ya ru emwi nọ.

Aizaia 56:7

“I gha viọ uwa gha die Zaiọn, ne oke mwẹ nọhuanrẹn, I ghi rhie oghọghọ ne uwa vbe owa erhunmwu mwẹ, I ghi vbe rhan obọ miẹn ese ne uwa zọ vbe Ogiukpo mwẹ. A gha tie Ọgua Osa mwẹ owa erhunmwu ọghe emwa uhunmwu ẹvbo hia.”

Daniẹl 9:24

“Ukpo ekigbesiyenẹ vbe ihe ihinrọn ọ re Osanobua bu yọ ne ọ gha na do fannọ emwa ruẹn kevbe ẹvbo ruẹ nọhuanrẹn hin obọ orukhọ kevbe ọkhọ rre. A gha ya orukhọ bọ emwa, a ghi mu ẹmwata etẹbitẹ gbọọ, ẹghẹ nii umian nii, kevbe ẹmwẹ akhasẹ nii ghi do sẹ, a ghi do do ugie ya dọlegbe rhie Ọgua Osa ye ihe.

Levitikọs 16:21

Ọ ghi viọ obọ re eveva yan ẹwe nii uhunmwu, ọ ghi miẹn rẹn kue uyimwẹ dan hia, ke avbe orukhọ kevbe uyinmwẹ isọtẹ ne ivbi Izrẹl ru yan ẹre uhunmwu, ọ ghi la ekpa odẹ vberriọ werriẹ ehia yan ẹwe nii uhunmwu. Iyeke ọnii, ọmwa ne a zẹ ye otọ ne ọ ru ẹe ghi khu ẹwe nii la uwu ato.

Levitikọs 16:24

Ọ ghi ya khuẹ vbe ehe ne ọ huanrẹn, ọ ghi yọ ẹwu obọ ẹre, vbe iyeke ọnii, ọ ghi ladian ya zọ ese na giẹn uan, ne ọ ya kpe orukhọ egbe ẹre kua, kevbe ọghe avbe emwa nii.

Levitikọs 22:21

Deghẹ ọmwa ya emwi sisara gie Nọyaẹnmwa, ọre ne ọ ya mu eyan sẹ nọ ra ọghe ọ ke ekhọe rre, ọ kere ne aranmwẹ nii gha rre ne ẹ i mwẹ okan, adeghẹ a gha rhan obọ miẹn rẹn.

Levitikọs 3:13

ọ ghi rhie obọ yan ẹre uhunmwu ne ọ gbe ẹe vbe odaro Owa Ukpọn. Avbe ohẹn ghi gbe esagiẹn ọnrẹn ye igienenẹ ọghe aka.

Levitikọs 3:2

Ọ ghi rhie obọ ẹre yan uhunmwu aranmwẹ nii, ọ ghi gbe ẹe vbe onurho Owa Ukpọn ẹ Nọyaẹnmwa, avbe ohẹn Errọn ghi hihiẹ esagiẹn ọnrẹn ye igienenẹ ọghe aka.

Levitikọs 3:8

ọ ghi rhie obọ yan ọre uhunmwu, ọ ghi ghe ẹe vbe odaro Owa Ukpọn. A vbe ohẹn ghi gbe esagiẹn ọnrẹn khakha ye igienenẹ ọghe aka.

Levitikọs 4:15

Avbe ekaolotu ghi viọ obọ yan ẹre uhunmwu, a ghi gbe ẹe vbe evba.

Levitikọs 4:20

Erriọ ọre ọ gha vbe ru ẹkhuia na, zẹ vbene ọ ru ẹkhuia ne a ya zọ ese ye orukhọ, odẹ vberriọ ọre ohẹn gha ya zọ ese ye orukhọ avbe emwa nii, a ghi yabọ iran.

Levitikọs 4:24

Ọ ghi rhie obọ yan ẹre uhunmwu, ọ ghi gbe ẹe vbe odẹ okuọ ọghe aka ne a na gbe avbe aranmwẹ ne a ya zọ ese na giẹn uan. Ese ne a ya kpe orukhọ kua ọre ọna khin.

Levitikọs 4:26

Ọ ghi giẹn efun ẹnrẹn hia vbe aka nii, zẹ vbe ne ọ vbe ru aranmwẹ ne a gbe ya si isara, odẹ vberriọ, ohẹn gha zọ ese ye orukhọ ne enogie ru, a ghi vbe ya bọe.

Levitikọs 4:29

Ọ ghi rhie obọ yan ẹre uhunmwu, ọ ghi gbe ẹe vbe odẹ okuọ ọghe aka ne a na gbele aranmwẹ ne a ya zọ ese na giẹn uan.

Levitikọs 4:31

Iyeke ọnii, ọ ghi viọ ẹvbi nii rrọ hia hin rre, zẹ vbene a vbe viọ ẹvbi hin aranmwẹ ne a gbe ya sisara, ne u vbe giẹn rẹn uan vbe aka, zẹ vbe emwi ne ọ winhin ne ọ yẹ e Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 4:33

Ọ ghi rhie obọ yan ẹre uhunmwu ne ọ gbe ẹe vbe odẹ okuọ ọghe aka ne a na gbele aranmwẹ ne a ya zọ ese ne a giẹn uan.

Levitikọs 4:35

Iyeke ọnii, ọ ghi viọ ẹvbi ẹre hia ladian zẹ vbe ne a vbe viọ ẹvbi hin ohuan ne a gbe ya sisara, a ghi giẹn ọnrẹn vbe aka ba emwi ihaoko evbare ne a viọ gie Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 4:4

Ọ ghi mu ẹkhuia ẹmila nii gha die onurho Owa Ukpọn, ọ ghi rhie obọ yan ẹre uhunmwu, ne ọ gbe ẹe ye evba vbe odaro Nọyaẹnmwa.

Levitikọs 5:6

Ọ ghi mu iye ohuan ra ẹwe gie Nọyaẹnmwa zẹ vbe oya ne a ghi rri ọre re ye orukhọ ne ọ ru. Ohẹn ghi ya zọ ese nẹẹn, ne ọ kpe orukhọ ọre kua.

Levitikọs 6:7

Ohẹn ghi zọ ese nii ye orukhọ ne ọmwa nii ru, a ghi ya bọe.”

Levitikọs 8:14

E Mosis keghi do mu ovbi ẹkhuia ẹmila ọghe ese orukhọ, Errọn kevbe ivbi ẹre keghi viọ obọ iran yan ẹre uhunmwu.

Levitikọs 8:18

Iyeke ọnii, e Mosis keghi mu ogho ne a ya zọ ese ne a giẹn uan rre, Errọn kevbe ivbi ẹre keghi viọ obọ iran yan ẹre uhunmwu.

Levitikọs 8:22

Ẹre Mosis na mu ogho ne ogieva rre, ne a wẹ ne a ya ma avbe ohẹn, Errọn kevbe ivbi ẹre keghi viọ obọ iran yan ẹre uhunmwu.

Levitikọs 9:7

Rẹn ke ghi tama Errọn wẹẹ, “Gha rrie aka ne u ya ru izẹọhẹ ese orukhọ ke ese na giẹn uan, ne ọ kpe orukhọ ọghe uwa kevbe ọghe emwa nii kua. U ghi ru izẹọhẹ ne ọ gha kpe orukhọ emwa kua zẹ vbene Nọyaẹnmwa khare.”

Nọmbas 15:25

Ohẹn ghi ru iruemwi akhuẹhuan ne emwa ni hia, a gha yabọ iran, rhunmwuda, abaku ru nii i re ẹmwẹ iran, iran keghi vbe viọ izọese orukhọ iran rre zẹ vbe izẹọhẹ evbare gie Nọyaẹnmwa.

Nọmbas 15:28

Ohẹn ghi ru iruemwi akpehuan vbe aka ne ọ ya kpe ọmwa nii huan, a gha yabọe.

Nọmbas 25:13

A rhie irẹn kevbe uniẹn ivbi ẹre ye ukpo ohẹn rhinrin ẹdẹdẹmwẹdẹ, rhunmwuda ọ ma ho ne a miẹn emwi ne ọ vbe gun mwẹ suan, ọ keghi gia ya orukhọ emwa nii bọ iran.”

Nọmbas 8:10

Ivbi Izrẹl ghi viọ obọ iran yan avbe Livai uhunmwu.

Nọmbas 8:12

“Iyeke ọnii, avbe Livai ghi viọ obọ iran yan ekhuia ẹmila eva nii uhunmwu, a ghi ya ọkpa vbọ zọ ese orukhọ, a ghi ya nọkpa zọ ese na giẹn uan, ne a miẹn ehe na ru iruemwi akpehuan ne avbe Livai.

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Ebe ne Pọl gbẹẹn gie emwa Rom 3:25

Te Osanobua yae ru ọmwa ẹse wẹ rhunmwuda uwu ẹre, ne irẹn do khian emwi ne a la ekpa ẹre ya orukhọ bọ emwa vbe iran a ya ẹe yi. Te Osanobua ye Kristi ru ẹse ne ọ ya ma emwa ẹre vbene irẹn ya ye emwa khian emwata vbe odaro ẹre hẹ. Vbe ẹghẹ ne ọ gberra, Osanobua keghi ziengbe, ọ ma vbe zẹ ye orukhọ ne emwa ne agbọn ru.

Ebe ne Pọl gbẹẹn gie emwa Rom 5:11

Sokpan ẹ i re erriọ ọ sẹe, te ima ghi sẹ ọyẹnmwẹ vbe uwu Osanobua vbe ekpa Nọyaẹnmwa Jesu Kristi ne ọ ya ima khian ọse Osanobua.

Filipai 4:18

Rhunmwuda ọnii, wa ghe ebe ọ sẹ mwẹ obọ ọghe emwi hia ne uwa he hẹ gun mwẹ, ọ wa vbe sẹ kpọ kua. Emwi ne uwa viọ ne Epafroditọs viọ gu mwẹ, sẹ mwẹ obọ nẹ nian, emwi ne I ho hia gbae. Te ena ye vbe emwi izọ ese ne ọ winhin ne a ya mu ohan gie Osanobua, emwi ne ọ yẹ ọre, ne ọ gha vbe rhan obọ miẹn.

Hibru 10:4

Rhunmwuda esagiẹn ẹmila kevbe ọghe ẹwe i sẹtin kpe orukhọ khua.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.