Levitikọs 1:17 - Edo Bible (E Baibol Ẹdo) Version 1996

¹⁷ Ọ ghi viọ ẹre ifuẹn, ọ ghi va ẹe ẹre egbe ua vbene ẹ i na yanghan ifuẹn ọnrẹn kua. Ọ ghi giẹn ọnrẹn vbe aka. Uwinhinmwẹ emwi ihaoko evbare na yẹ Nọyaẹnmwa.

Levitikọs 1:17 ပူးပေါင်းရင်းမြစ်များ

Gẹnẹsis 15:10

Ebram keghi viọ avbe aranmwẹ na hia gie Osanobua, ọ keghi giagia iran ye ihe eveva, ọ keghi viọ avbe ukhiọnmwẹ nii aro da egbe vbe uniẹn eva; sokpan ọ ma giagia avbe ahianmwẹ.

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

Psalm 16:10

rhunmwuda wẹ degue mwẹ hin ẹtin uwu rre nẹ. Ọmwa ne uwẹ ho ẹmwẹ ọnrẹn nẹ, wẹ ira sẹ ọe rae ye otọe iran ni wulo nẹ.

Levitikọs 1:13

Ọmwa nii ghi kpe ibiẹ ọre kevbe owẹ ọre, ohẹn ghi do mu ese nii gie Nọyaẹnmwa, ọ ghi giẹn ehia fẹẹrẹ vbe uhunmwu aka, uwinhinmwẹ emwi ihaoko evbare na yẹ Nọyaẹnmwa.

Levitikọs 2:2

Ọ ghi mu ẹẹn bu ohẹn Errọn gha dee. Ohẹn ne ọ ru ugamwẹ ghi zẹ uguobọ ọkpa irhuarhua nii, ọ ghi giẹn ọnrẹn uan vbe aka ne a ya rhie ma wẹ te a ya ẹe zọ ese ghe Nọyaẹnmwa. Uwinhinmwẹ emwi ihaoko evbare vbenian yẹ Nọyaẹnmwa.

Levitikọs 3:5

Avbe ohẹn ghi giẹn ena hia vbe uhunmwu aka deba ese ne a giẹn uan nii. Uwinhinmwẹ emwi ihaoko evbare na yẹ Nọyaẹnmwa.

Levitikọs 5:8

“Ọ ghi viọ iran bu ohẹn gha dee ne ọ ka ye ọkpa vbọ zẹ ese ye orukhọ. Ọ ghi bun ẹnrẹn ẹyaẹn vbe ne ẹ i na vbọ uhunmwu ẹnrẹn hin rre.

Levitikọs 6:14

“Vbenian ọre a gha ya gha ru izọhẹ ọka. Ohẹn ghi mu ọka nii gie Nọyaẹnmwa vbe odaro aka.

Levitikọs 9:13

Iran keghi mu uhunmwu ẹnrẹn kevbe ikele emiowo aranmwẹ nii nọ dekẹe, ọ keghi giẹn ehia vbe aka.

Nọmbas 15:3

A sẹtin mu ẹmila ra ohuan ra ogho ra ẹwe gie Nọyaẹnmwa zẹ vbe izọese na giẹn uan, ra izọese ne a ya mu eyan sẹ ra ne a ya sisara, ra izọese ne a ru ya dugie ugamwẹ, uwinhinmwẹ avbe izẹọhẹ evbare vberriọ wa yẹ e Nọyaẹnmwa.

Nọmbas 28:8

Ota gha ghi rre, u ghi vbe ya oteghe ohuan ne ogieva zọ ese zẹ vbene a vbe ruẹe vbe owiẹ ke ẹe kevbe ayọn izẹọhẹ. Izẹọhẹ evbare vbe nọ, emwi ne ọ winhin yẹ Nọyaẹnmwa.

Matiu 27:50

Jesu keghi dọlegbe ya urhu ne ọla datu, ọ keghi hẹwẹ fo.

Iyẹn ne ọ Maan Ọghe Jọn 19:30

Jesu ghi miẹn ayọn ni nẹ, ọ wẹẹ, “Ọ fo.” Ọ keghi vbokhọ ẹyaẹn ghe otọ ọ keghi kpan udu.

Ebe ne Pọl gbẹẹn gie emwa Rom 4:25

A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.