Levitikọs 1:10 - Edo Bible (E Baibol Ẹdo) Version 1996

¹⁰ “A deghẹ ohuan ra ẹwe ẹre ọre ọ ra ya zọ ese, ọ ghi gha re ọwẹ ne ẹ i mwẹ okan.

Levitikọs 1:10 ပူးပေါင်းရင်းမြစ်များ

Gẹnẹsis 4:4

Iyekọnii, Ebẹl ke mu oteghe ohuan aranmwẹ ne emwi irri ẹre ka gha biẹ rre, ọ ke gbẹe, ọ ke ya ehe ne ọ maa sẹ vbọ zọ ese. Ẹko ke rhiẹnrhiẹn Nọyaẹnmwa ghe Ebẹl ke ese ne ọ zọ re.

Gẹnẹsis 8:20

E Noa keghi gba aka ne Nọyaẹnmwa. Ọ keghi rhie ọkpọkpa vbe uwe aranmwẹ kevbe ahianmwẹ ne ẹ i mwẹ awua, ọ keghi ya iran zọ ese ne a giẹnrẹn vbe uhunmwu aka nii.

Ẹksọdọs 12:5

Ọkere ne ọ gha re aranmwẹ ne ọ ma bun obọ, a ma kuan ẹre egbe, ọwẹe ne ọ rre ukpo ọkpa, wa sẹtin mu ohuan ra ẹwe.

Ezikiẹl 43:22

Ẹdẹ ne ọ lele ẹe, u ghi mu ovbukhọ ne ẹ i mwẹ okan, u ghi ya ẹe zọ ese ye orukhọ. U ghi ya esagiẹn ọnrẹn sa afọ ye ogiukpo zẹ vbene u vbe ya ọghe ẹkhuia ẹmila ru ẹe.

Levitikọs 14:10

Vbe ikpẹde nogierẹnrẹn, ọ ghi viọ ivbi ogho eva kevbe ovbi ohuan amwẹ ọkpa, iran ghi gha re ne ẹ i mwẹ okan, uwan irhuarhua isẹn ne a ya ofigbọn ọliv gbe, ke ẹe kevbe ukhiọnmwẹ ọgọ ọghe ofigbọn ọliv.

Levitikọs 16:3

Ọ gha mu ovbi ẹkhuia ẹmila ya zọ ese orukhọ nẹ, kevbe ogho ne ọ ya zọ ese na giẹn uan, iyeke ọnii, ọ sẹtin la uwu Ehe Nọhuansẹ Ehia nii.”

Levitikọs 16:5

Ivbi Izrẹl ghi viọ ovbukhọ eva ne Errọn ya zọ ese orukhọ kevbe ogho ọkpa ne ese na giẹn uan.

Levitikọs 22:19

Ọ kere ne ọ gha re ọwẹ ne ẹ i mwẹ okan adeghẹ a gha rhan obọ miẹn rẹn.

Levitikọs 23:12

Vbe ẹdẹ ne uwa gha ru izẹọhẹ ọka, wa ghi vbe gbe ogho ukpo ọkpa ne ẹ i mwẹ okan, zẹ vbe izọese nẹ a giẹn uan.

Levitikọs 3:1

“Omwa gha ya ọkpa vbe uwu ẹmila obọ ẹre sisara, ọ kere ne ọ gha re ẹkhuia ra ẹmila amwẹ ne ẹ i mwẹ okan.

Levitikọs 4:23

Ọwarọkpa vbe a ghẹ ghi rhie orukhọ nii ma rẹn nẹ, ọ ghi ya mu ovbukhọ ne ẹ i mwẹ okan, rre do ya zọ ese.

Levitikọs 4:3

Adeghẹ Ogie Ohẹn ọre ọ ru orukhọ ne ọ na mu abe gie emwa nii, ọ ghi mu ẹkhuia ẹmila ne ẹ i mwẹ okan ya zọ ese ghe Nọyaẹnmwa ye orukhọ ẹre.

Levitikọs 5:15

“A deghẹ ọmwa rukhọ vbe ne ẹ i na re ẹmwẹ ọnrẹn vbene ọ ma na ha osa ne ọ huansẹ ne ọ khẹke Nọyan ladian, ọ ghi mu ogho ne ẹ i mwẹ okan gha de do ya zẹ ọhẹ a hae werriegbe gie Nọyaẹnmwa. Omwa ne agbọn hia rhan obọ miẹn ọre a gha ya fian ive yọ.

Levitikọs 9:2

Ọ keghi tama Errọn wẹẹ, “Mu ovbi ẹkhuia ẹmila kevbe ogho ne ẹ i mwẹ okan ne uwa ya iran zẹ ọhẹ gie Nọyaẹnmwa, ẹkhuia ne ọ rrọọ, ọghe izọese orukhọ, ke ogho ne ọ rrọọ, ọ ghe izọese na giẹn uan.

Malakai 1:14

Emwi ọ gha rruan ne ọ mu ọmwa ru, ne ọ ye aranmwẹ nọ ma maa zọ ese ghe mwẹ, vbe aranmwẹ esiesi ne ọ yan rẹn wẹ rẹn gha mu gunmwẹ rre uwu oghẹn ọnrẹn! Rhunmwuda, ọba nọkhua ọre imẹ, khin, te emwa ni rre uhunmwu ẹvbo hia mu ohan mwẹ.”

Nọmbas 19:2

ne iran ru emwamwa na ne ivbi Izrẹl wẹẹ, ne iran mu ẹmila ne ọ baa ne a ma he ya winna ke ne ẹ i mwẹ okan.

Nọmbas 6:14

Ọ ghi viọ aranmwẹ ne ẹi mwẹ okan eha gie Nọyaẹnmwa ogho ne ẹi mwẹ okan, ne ọ he rre ukpo ọkpa ọghe ese ne a giẹn uan ovbi ohuan amwẹ ne ọ he rre ukpo ọkpa, ọ ghe ese orukhọ, kevbe ogho ọghe isara.

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

I Pita 1:19

Izọ ese ighobioye ọghe Kristi ọre a ya rhan uwa ye otọ, emwa ne ọ ye vbe oteghe ohuan ne ẹ imwẹ okan ra ama.