Levitikọs 1:1 - Edo Bible (E Baibol Ẹdo) Version 1996

¹ E Nọyaẹnmwa keghi datie Mosis ke uwu Owa Ukpọn e Nọyaẹnmwa rre, ọ na viọ avbe uhi na ne ẹẹn wẹẹ,

Levitikọs 1:1 ပူးပေါင်းရင်းမြစ်များ

II Ọba 16:13

Ọ keghi giẹn aranmwẹ ne a ya zọ ese kevbe avbe ọka ne a ya mu ohan vbọ, ọ kevbe sa ayọn ne a ya mu ohan kevbe esagiẹn emwi ne a ya si isara yan rẹn.

II Krọnikol 29:32

Iran munọ ẹkhuia ẹmila ekigbesiyenẹ rre (70) ohuan iyisẹn (100) kevbe oteghe ohuan uri (200) zẹ vbe ese ne a giẹn uan ghe Nọyaẹnmwa.

Ẹksọdọs 19:3

E Mosis keghi hin uhunmwu oke nii ne ọ ya vba Osanobua. E Nọyaẹnmwa keghi datie ẹre ke uhunmwu oke rre, ọ na tama rẹn wẹ ne ọ tama ivbi Izrẹl ne ivbi uniẹn Jekọb wẹẹ:

Ẹksọdọs 24:12

E Nọyaẹnmwa keghi tama e Mosis wẹẹ, “Hin odukhunmwu oke bu mwẹ gha dee ne u do mudia mwa. Mẹ gha viọ uhanhan okuta eva ne avbe iyi kevbe uhi nii ye nuẹn, emwi ne imẹ gbẹnnẹ ne a ya gha ma avbe emwa na emwi.”

Ẹksọdọs 25:22

Evba I gha na do gha miẹn ruẹn, I gha vbe mudia ye ugue Ẹkpẹti ne, I do rhie uhi mwẹ hia ne uwa ke adesẹneva emwi nii nẹ ifuẹn nii gha dee, gie ivbi Izrẹl.

Ẹksọdọs 29:42

Emwi izọhẹ ne a giẹn uan na, ke orre ya sẹ orre ẹdẹdẹmwẹdẹ ọre uwa gha ya gha ya ẹe zẹ ọhẹ vbe onurho owa ne Owa Ukpọn ne a ya rẹn ighẹ I rre evba, vbe odaro imẹ ne Nọyaẹnmwa. Emwa na I ra na do gha miẹn emwa mwẹ ne I vbe gha gu uwẹ guan.

Ẹksọdọs 3:4

E Nọyaẹnmwa ghi miẹn ighẹ e Mosis hẹko sikẹ ọre, Osanobua keghi datie ẹre ke uwu erhẹn nii rre, ọ wẹẹ, “Mosis! Mosis!” Rẹn na wanniẹn wẹẹ, “Ghe mwẹ vbe emwa na.”

Ẹksọdọs 33:7

Ẹghẹikẹghẹ ne ivbi Izrẹl ya bu agọ, e Mosis ghi dada Owa Ukpọn na, ọ ghi muẹn lahin agọ sẹ urria kherhe. Ọ kegha tie ẹre Owa Ukpọn ehe ne Nọyaẹnmwa ye, ọmwaikọmwa ne ọ ho ne ọ gualo otọ emwi vbe obọ Nọyaẹnmwa ghi ladian gha rrie evba.

Ẹksọdọs 39:32

A keghi winna iwinna hia ni rre Owa Ukpọn e Nọyaẹnmwa fo. Ivbi Izrẹl keghi wa winna ehia zẹ vbene Nọyaẹnmwa tama e Mosis.

Ẹksọdọs 40:29

Ọ keghi mu aka ne a na giẹn emwi izọese ye onurho Owa Ukpọn nii. Ọ keghi ya emwi izọese ne a wa giẹn uan zọ ese vbe uhunmwu ẹnrẹn, kevbe evbare ne a ya zẹ ọhẹ zẹ vbene Nọyaẹnmwa tama rẹn.

Levitikọs 7:38

Uhunmwu oke Sainai ọre Nọyaẹnmwa na viọ emwamwa na ne Mosis, vbe uwu ato vbe evba nii vbe ẹdẹ ne Nọyaẹnmwa tama ivbi Izrẹl wẹ ne iran zẹ ọhẹ rre.

Levitikọs 9:16

Ọ na vbe mu aranmwẹ ọghe ese na giẹn uan rre, ọ na vbe ya ẹe zọ ese zẹ vbe odẹ na ru ẹe la.

Nọmbas 1:1

Vbe ikpẹdẹ ne okaro ọghe uki ne ogieva vbe ivbi Izrẹl kpao vbe Igipt rre nẹ, e Nọyaẹnmwa keghi gu e Mosis guan vbe uwu Owa Ukpọn Ile vbe ato ọghe Sainai. Ọ wẹẹ,

Nọmbas 7:89

Ẹghẹikẹghẹ ne Mosis ya la uwu Owa Ukpọn Ile nii, ne ọ ya gu e Nọyaẹnmwa guan, ọ ghi họn vbe Nọyaẹnmwa a gha gu ẹe guan ke odukhunmwu ugue Ẹkpẹti Ile, ne ọ rre adesẹneva aranmwẹ eva ni zẹ ifuẹn.

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Diuteronomi 27:6

Rhunmwuda, aka ne uwa gha gba ne Nọyaẹnmwa Osanobua rua, ọ ke re ne ọ gha re ọghe okuta ne a ma guọghọ. Evba nii i wa gha na gha zọ ese ne a ra giẹn uan,