Kọlose 4:7 - Edo Bible (E Baibol Ẹdo) Version 1996

⁷ Taikikọs ne ọtẹn mwa ne ọ ghan, ogieva mwẹ ne ekhọe esi, ọmwa ne ima gba re ọguọmwadia vbe uwu iwinna Nọyaẹnmwa, gha ta vbene emwi hia ghi ye mwẹ hẹ ma uwa.

Kọlose 4:7 ပူးပေါင်းရင်းမြစ်များ

Iwinna 20:4

Sopata, ovbi e Pirọs ne okpia ne ovbi ẹvbo ne a tie ẹre Beria, keghi lele ẹe kpa, deba Aristakọs kevbe Sekundus ne ivbi ẹvbo ne a tie ẹre Tẹsalonaika kevbe Trofimọs ni ke otọe ẹvbo Esia rre.

Filipai 2:25

I roro ẹe wẹ, ọ kere ne I gi ẹe bu uwa gha dee ighẹ Epafroditọs, ọmwa ne ọ mudia ke mwẹ vbe iwinna kevbe igbinna, ọmwa ne uwa vbe miẹn gha gie ẹre uhunmwu vbe iyobọ ne uwa ru mẹ.

Kọlose 1:7

Ẹpafras, ọguọmwadia ne ogieva mwa ne ọ ghan, ne ọ ye ẹko ata winna ne Kristi ọre ọ ma uwa ẹre ne ima.

Kọlose 4:12

Ẹpafras ne ọ vbe re ọkpa vbe uwu uwa, kevbe ne ọ vbe re ọguọmwadia Jesu Kristi we uwa do. Ẹghẹ hia ọre ọ wa ya kakabọ na erhunmwu ne uwa, ọ ghi gha rinmwian Osanobua ne ọ gie uwa mudia gbain, ne uwa si uwan, ne ọ la uwa ekhọe fo, vbe uwu ne a na wa ru iho ẹre.

Kọlose 4:9

Onisimọs, ne ọtẹn mwa ne ekhọe esi, ne ọ ghan ne ọ vbe rre otu uwa, lele ẹe dee. Iran gha tama uwa vbene emwi hia ye hẹ vbe edinran.

II Timoti 4:12

I gie Taikikọs gha rrie Ẹfisọs.

Taitọs 3:12

I gha gie Atẹmas ra Taikikọs bu ruẹ gha dee, u ghi hia ne u bu mwẹ gha die Nikopolis, rhunmwuda, evba i wẹ i ra na gbe ẹghẹ okhuakhua.