Kọlose 4:18 - Edo Bible (E Baibol Ẹdo) Version 1996

¹⁸ Obọ mwẹ ọre I ya gbẹn ọna: Pọl we uwa do, wa ghẹ mianmian ọgiọrọ ne I ye. Te ẹsọhẹ Osanobua gha gu uwa gha rrọọ.

Kọlose 4:18 ပူးပေါင်းရင်းမြစ်များ

Ebe ne Pọl gbẹẹn gie emwa Rom 16:20

Vbe ọ ma he kpẹe wan, Osanobua ne ọ re uhunmwu ọfumwegbe mwa, gha guọghọ Setan ye atataowẹ uwa. Te ẹsọhẹ Nọyaẹnmwa Jesu gha guwa gha rrọọ.

Ebe ne Pọl gbẹẹn gie emwa Rom 16:22

Mẹ ne Tẹtiọs ne ọ gbẹn ebe na, giotuẹ uwa zẹ vbe ne ọ yayi.

Ebe ne Pọl gbẹẹn gie emwa Rom 16:23

Gaiọs ne imẹ di owa ẹre ya, ọmwa ne a do esọsi vbe owa ẹre we uwa do, Ẹrastọs ne ọ da igho yi ne ẹvbo kevbe ọtẹn mwa Kuatọs we uwa do. [

I Kọrinti 16:21

Obọ mwẹ ọre I ya gbẹn ọna: Pọl we uwa do.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

Kọlose 4:3

Vbe uwu ẹre nii, wa. vbe gha na erhunmwu ne ima, wẹ ne Osanobua rhie ẹkpotọ ne ọ maa ne ima ya kpe orhu iyẹn ne ọ maa ọghọe, ne a miẹn ehe na ta oro ẹmwẹ Kristi, rhunmwuda, ọnii ọ zẹe ne I na rre uwu eghan na.

II Tẹsalonaika 3:17

Obọ mwẹ tobọ mwẹ ya gbẹn ọna, “E Pọl we uwa do.” Erriọ I ya gbẹn eni ye ebe ne I gbẹn hia. Erriọ I ya gbẹn ọẹn.

I Timoti 6:21

Rhunmwuda emwa eso wẹ iran mwẹ ọnrẹn, emwi ne ọ ghi si ye iran egbe ọrọre wẹ, iran keghi bibi odẹ hin iyayi rre. Te ẹsọhẹ Osanobua gha gu uwa hia gha rrọọ.

II Timoti 1:8

Rhunmwuda ọnii, ghẹ gie ekhue ẹmwẹ Nọyaẹnmwa ne a ta mu uẹn, erriọ, ghẹ vbe gie ekhue imẹ ne oleghan rẹn mu uẹn, sokpan vbe ghae vbe uwu oya ne a re ba ẹmwẹ nene Iyẹn Ne ọ maa zẹ vbene Osanobua rhie ẹtin nuẹn sẹ ya rriọe.

II Timoti 4:22

Te Nọyaẹnmwa gha yaba orhiọn uwa. Te ẹsọhẹ Osanobua gha gu uwa hia gha rrọọ.

Taitọs 3:15

Iran hia ni rre ehe ne I ye we uẹ do. We avbe ọse ima vbe uwu iyayi hia do. Te ẹsọhẹ Osanobua gha gu uwa hia gha rrọọ.

Hibru 13:25

Te Ẹsọhẹ Osanobua gha gu uwa gha rrọọ.

Hibru 13:3

Wa gha ye iran ni rre uwu eghan rre vbene a miẹn wẹ, te uwa gu iran rre evba. Wa gha ye iran ni rri oya rre, vbene a miẹn wẹ wa vbe iran ọre ọ gba rrie nene oya.