Kọlose 4:17 - Edo Bible (E Baibol Ẹdo) Version 1996

¹⁷ Wa khama Akipọs wẹ, “Ghẹ i mwẹ u ma winnaẹn fo ighẹ okhuo ne a fian nuẹn vbe iwinna Nọyaẹnmwa.”

Kọlose 4:17 ပူးပေါင်းရင်းမြစ်များ

II Krọnikol 29:11

Ivbi mwẹ, wa ghẹ ya ẹe rhọ eghẹrẹ hiehiere. Wa ọrọre emwa ne Nọyaẹnmwa zẹe ne ọ gha giẹn eturari ghe irẹn kevbe ne ọ gha ya avbe emwa ni ru ugamwẹ irẹn.”

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Nọmbas 18:5

Wẹ kevbe avbe ivbuẹ ọkpa ọre ọ gha winna iwinna ne ọ kan ruẹn vbe Ehe Ne ọ huanrẹn kevbe aka, ne ohu mwẹ ghẹ ghi werriegbe gua kpao ghe ivbi Izrẹl.

Matiu 25:17

Erriọ zẹẹ, ne a mu enaira arriaisẹn eva na, keghi vbe miẹn enaira arriaisẹn eva vbe ere.

Iwinna 1:17

Ọkpa vbe uwu ima ọre Judas te gha khin, rhunmwuda a te zẹ ọe ne ọ deba ima gha winna.”

Iwinna 14:23

Iran keghi mannọ ọdiọn lele dọmwadẹ esọsi ne iran. Iran keghi ye aguẹ kevbe erhunmwu rhie iran yan Nọyaẹnmwa ne iran mu ẹtin yan obọ.

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

Ẹfisọs 4:11

Rọẹn nii ọre ọ ya emwi ne emwa, ọ keghi zẹ eso ne iran gha re ukọ, eso, akhasẹ, eso iran ni kpe orhu iyẹn ne ọ maa, eso avbe ohẹn, kevbe avbe ọmamwaemwi.

I Timoti 4:14

Ghẹ ya emwi orhiọn ne a ya wuẹ rhọ eghẹrẹ, ne a rhie nuẹn ẹghẹ ne a vbe akhasẹ na guan kevbe ne avbe ediọn na viọ obọ yan ruẹn uhunmwu.

I Timoti 4:16

Gha rhuan egbe ne u vbe gha ya emwi ne u ma emwa ẹre ẹro. Gha ru avbe emwi na khian, rhunmwuda, u gha ru vberriọ, u gha miẹn egbe ruẹ kevbe iran ni danmwehọ ruẹ fan.

I Timoti 4:6

U ghi ma avbe etẹn emwi na, u ghi gha re ọguọmwadia ne ọ maa ọghe Kristi Jesu, vbene u na ya ẹmwẹ iyayi na, kevbe iruẹmwi ẹmwata ne uka lele khian, koko egbe uẹ, vbe ekpa ọghe orhiọn.

I Timoti 6:20

Timoti ye obọ da ẹe yi vbe ne a i na mwẹ ẹbe, ighẹ emwi ne a ka ye uẹ obọ. Ghẹ mwẹ obọ vbe ọta ne ẹ i mwẹ emwi ne ọ khọ ọghe Osanobua, kevbe imuaẹmwẹ ukọnmwẹ, egbe emwi ne emwa ukọnmwẹ tie ẹre “Irẹnmwi.”

II Timoti 1:6

Rhunmwuda ọnọna, ọre I na ye ruẹ rre ne u yobọ da ẹe yi gbain ighe ọhẹ ne Osanobua ya wuẹ vbe ẹghẹ ne I na viọ obọ yan ruẹn uhunmwu.

II Timoti 2:2

U ghi viọ avbe ẹmwẹ nii ne u họẹn vbe I kpe orhu ẹre vbe odaro osẹe ni bun, u ghi viọ ne emwa ne u gha sẹtin mu ẹtin yan viọ mwẹ, emwa ni gha vbe sẹtin ma emwa ọvbehe re.

Failimọn 1:2

Kevbe esọsi ne a do vbe owa ruẹ, kevbe ọtẹn ima ne okhuo ighẹ Afia, kevbe ogieva ima ne ima gba re ovbiyokuo ighẹ Akipọs.