Kọlose 3:24 - Edo Bible (E Baibol Ẹdo) Version 1996

²⁴ U ghi yerre ighẹ Nọyaẹnmwa gha san ruẹn ẹse, ọ gha sẹ uẹ obọ vbe emwi ne ọ viọ hinrre khẹ emwa rẹn. Rhunmwuda, Kristi ọrọre arowa ne arowa ne u ga.

Kọlose 3:24 ပူးပေါင်းရင်းမြစ်များ

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

Itan 11:18

Ere emwi esi okpa i rrọ ne ọmwa dan re, sokpan, u gha ru emwi esi, ẹ i mwẹ a ma san ruẹn ẹse.

Matiu 10:41

Ọmwa ne ọ miẹn ọguọmwadia Osanobua yi rhunmwuda ighẹ ọguọmwadia Osanobua nọ, ọ gha ghae vbe ere ẹre. Ọmwa ne ọ vbe miẹn ọmwa esi yi rhunmwuda ighẹ ọmwa esi nọ, ọ gha vbe ghae vbe ere ẹre.

Matiu 5:12

Wa gha ghọghọ, wa gie ẹko gha sẹ uwa ọyẹnmwẹ rhunmwuda, ere nọkhua ọre ọ rre otọ khẹ uwa vbe ẹrinmwi. Erriọ zẹe emwa vbe ya obọ dan mu avbe akhasẹ ni ke odaro ne uwa.

Matiu 5:46

De emwi ne Osanobua gha san ruẹn ẹse ba, deghẹ iran ni ho ẹmwẹ ruẹn ọkpa wẹ vbe ho ẹmwẹ ọnrẹn? Ẹ i re erriọ iran ni koko igho uhunmwu vbe ru!

Matiu 6:16

“Wẹ gha rre aguẹ, ghẹ suku aro ua vbene avbe ni zẹ imamase ru. Iran ghi sẹ ohanmwẹ ye aro vbe iran a gha khian vbe adesẹ ore ẹvbo, vbene agbọn hia gha na rẹn ighe aguẹ iran ye. Ne I tama uwa, ere ne ọ rre iran re wa vbe fo ye evba nẹ.

Matiu 6:5

“U gha na erhunmwu, ghẹ ya egbe ta avbe ni zẹ imamase ni mudia na erhunmwu vbe Ọgua ediọn kevbe ihuada ne agbọn miẹn ehe na gha dẹghe iran, Ne I tama uwa, ere ne ọ rre iran re wa vbe fo ye evba nẹ.

Iyẹn ne ọ Maan Ọghe Luk 14:14

a gha fiangbuẹ, rhunmwuda iran i sẹtin ha ruẹ use. Osanobua gha ha ruẹ osa vbe ẹghẹ ne a gha na huẹn avbe emwata kpaegbe vbe idin.”

Iyẹn ne ọ Maan Ọghe Luk 6:35

Ẹ i re rriọ! Gha ho ẹmwẹ eghian ruẹn, vbe gha ru iran ẹse, rhie ne emwa mọmọ, ghẹ ghi vbe rhie aro ye odẹ khẹ emwi rhọkpa. A gha san ruẹn ẹse nọkhua, u ghi vbe gha re ovbi Osanobua Ne Ọ Yo Sẹ, rhunmwuda te irẹn maa ne emwa ẹse oghodan kevbe emwa dan.

Iyẹn ne ọ Maan Ọghe Jọn 12:26

Ọmwa ne ọ ho ne ọ gha ga mwẹ, ọ kere ne ogha lele mwẹ, ọnii nọ wẹẹ, ehe ne imẹ ye ọre ọguọmwadia mwẹ gha vbe gha ye. Erha mwẹ gha ye ọghọ ne ọmwa ne ọ rhirhi ga mwẹ.

Iwinna 20:32

“Wanwanna, I viọ uwa ne Osanobua gha su deba ẹmwẹ ẹsọhẹ ọghọe. Rẹn gha sẹtin ye uwa digiẹ, ọ ghi vbe rhie afiangbe ne ọ viọ khẹ emwa rẹn hia ne uwa.

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

Ebe ne Pọl gbẹẹn gie emwa Rom 14:18

Ọmwaikọmwa ne ọ ye vberriọ ga Jesu miẹn aro ne ọ maa ọghe Osanobua kevbe ne agbọn tu ọma lele.

I Kọrinti 11:23

Rhunmwuda, obọ Nọyaẹnmwa ọre I na miẹn emwi ne I ma uwa re, wẹ, Nọyaẹnmwa Jesu, vbe asọn ne a rhie ẹre maa, ọ rhie ebrẹd.

I Kọrinti 3:8

Alughaẹn ẹ i rrọọ ne nọ kọe kevbe ne ọ gbe amẹ khakhae. Osanobua gha san dọmwadẹ ọghọe ẹse zẹ vbe ne ọ winnaẹn.

I Kọrinti 7:22

Rhunmwuda, ọviẹn ne Osanobua tie nẹ, nọyan egbe ẹre ghi nọ vbe obọ Nọyaẹnmwa, erriọ vbe nọ zẹẹ, ọmwa ne ọ yan egbe ẹre ne Kristi tie re, ọviẹn ọnrẹn nọ.

Galatia 1:10

Te ọ ghi ye vbe wẹ, te I ho ne emwa ba gha tian mwẹ ma uwa ra? Hiehiere, Osanobua ọ re I ho ne ọ tian mwẹ! Te I ba ho ne emwa hia gha so eni mwẹ nọ ma ra? Akpawẹ vberriọ ọre I ru, I ghẹ ghi sẹtin gha re ọguọmwadia Kristi.

Ẹfisọs 6:6

Ẹ i re vbe iran a gha dẹghe uwa ọkpa, wa gha na gha ru vberriọ, ne iran miẹn ehe na tian uwa, sokpan, wa gha ya ekhọe uwa hia ru vbene Osanobua ho, zẹ vbe eviẹn Kristi.

Ẹfisọs 6:8

Wa yerre wẹ Nọyaẹnmwa gha san edọmwadẹ ọghọe ẹse ye iwinna ne ọ winnaẹn, ọre ọviẹn nọ ra ẹ i re ọviẹn.

Kọlose 2:18

Ghẹ gie ọmwaikọmwa ne ọ wẹ irẹn sẹ ruẹ, rhunmwuda ighẹ rẹn miẹn umian suẹ gọọ, ne ọ gba ẹmwẹ imuegberriotọ ọghe abawẹ mu unu, deba avbe odibosa ne a ghoo. Egbe ọre ọ mu emwa vberriọ, vbe. ne ẹ i na vbe mwẹ emwi ne ọ si ẹe, rhunmwuda, erriọ iro ekhọe ẹre la ghe, zẹ vbe ọmwa kẹkan.

Hibru 10:35

Wa ghẹ gie egbe wọ uwa khekherriọ, rhunmwuda, ere nọkhua ọre ọ la dee.

Hibru 11:6

Ọmwa ne ẹmwẹ ọnrẹn gha ye ẹko rhiẹnrhiẹn Osanobua ẹ i rrọọ vbe ẹ i re vbe ekpa iyayi. Rhunmwuda, ọmwaikọmwa ne ọ rhirhi bu Osanobua gha dee te ọ kere ne ọ yayi ighẹ Osanobua rrọọ kevbe wẹ, ọ vbe san iran ni gualọ aro ẹre ẹse.

Hibru 9:15

Rhunmwuda ọnii, ọre a na miẹn wẹ, Kristi ọre ọ mwamwa ile ọghọgbọn, ne afiangbe etẹbitẹ ne Osanobua ve, miẹn ehe na sẹ iran obọ ighẹ avbe emwa ne Osanobua tie re. Te ọna ghi gia ru nian, rhunmwuda, ọmwa ọkpa wu, ne ọ fannọ emwa hin orukhọ ne iran ru ẹghẹ ne iran na gha rre ototọ ile ne okaro rre.

I Pita 1:4

Rhunmwuda ọnii, te ima ghi rhie aro ye odẹ wẹ, ọ gha sẹ ima obọ vbe afiangbe ọrhẹnrhẹn ne Osanobua rhie khẹ emwa rẹn. Ọ rhie ẹre hin rre khẹ uwa vbe ẹrinmwi, ehe ne ẹ i na sẹtin kẹkẹ na ne ọ rhia, ra ne ọ fafaa.

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.

Ebe Rut 2:12

Te Nọyaẹnmwa gha san ruẹn ẹse emwi ne u he ru hia, te Nọyaẹnmwa Osanobua Izrẹl ne u do lẹ gbinna gha san ruẹn ẹse fo fẹẹrẹ.”