Kọlose 3:23 - Edo Bible (E Baibol Ẹdo) Version 1996

²³ Emwikemwi ne uwa rhirhi gha ru, wa ye ẹtin uwa hia gha ruẹe, vbene a miẹn wẹ Nọyaẹnmwa ọre uwa winna na ighẹ ẹ i re ọmwa kẹkan.

Kọlose 3:23 ပူးပေါင်းရင်းမြစ်များ

II Krọnikol 31:21

Emwi kegha dinnodẹ ne ẹẹn rhunmwuda emwi hia ne ọ ru ne Ọgua Osa ne zẹ vbene uhi khare, orhiọn ẹmwata kevbe ekhọe ne ọ mudia ẹse vbe odaro Osanobua ẹre ọ ya gha ru ẹe.

Psalm 103:1

Rho e Nọyaẹnmwa, wẹ ekhọe mwẹ! emwi hia ni rre uwu imẹ, wa rho eni ẹnrẹn ne ọ huanrẹn!

Psalm 119:10

Mẹ hia ne I ye ekhọe mwẹ hia gha ga a; ghẹ gun mwẹ de iyi ruẹ.

Psalm 119:145

Ekhọe mwẹ hia ọ re I ya kpe tie ruẹ, Nọyaẹnmwa, zẹ ẹmwẹ wanniẹn mwẹ, mẹ gha rhie iyi ruẹ mwẹ.

Psalm 119:34

Rhan otọ uhi ruẹ ma mwẹ, mẹ gha vbe ya ẹe gha ru emwi vbe ẹghẹ hia, I gha ya ekhọe mwẹ hia, ya ẹe ru emwi.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Jerimaia 3:10

Vbe iyeke ena hia, e Juda ne okhuo ne ọ ma guobọ ọdọ ne ọtẹn Izrẹl keghi ye ọvọvo bu mwẹ gha dee, ọ ma sẹ ọ re otọ ẹko hiehiere. Mẹ ne Nọyaẹnmwa ọ re ọ tae.”

Matiu 6:16

“Wẹ gha rre aguẹ, ghẹ suku aro ua vbene avbe ni zẹ imamase ru. Iran ghi sẹ ohanmwẹ ye aro vbe iran a gha khian vbe adesẹ ore ẹvbo, vbene agbọn hia gha na rẹn ighe aguẹ iran ye. Ne I tama uwa, ere ne ọ rre iran re wa vbe fo ye evba nẹ.

Ebe ne Pọl gbẹẹn gie emwa Rom 14:6

Ọmwa ne ọ ka ẹdẹ ọkpa ye kpataki, te ọ ruẹe ne uyi Osanobua. Ọmwa ne ọ rri evbare hia, uyi Osanobua ọre ọ vbe ruẹe na rhunmwuda, te ọ kpọnmwẹ Osanobua ye evbare nii. Ọmwa ne ọ vbe wẹẹ rẹn i rri evbare eso, uyi Nọyaẹnmwa ọre ọ ruẹe na, ọ ghi vbe kpọnmwẹ Osanobua.

Ebe ne Pọl gbẹẹn gie emwa Rom 14:8

A deghẹ te ima vbe wu, Nọyaẹnmwa ọre ima wu na. Rhunmwuda ọnii, ọ re te ima wu ra te a rre agbọn, ọghe Nọyaẹnmwa ọre ima khin.

Ẹfisọs 5:22

Avbe amwẹ, wa gha gbe uhunmwu ke otọ ne avbe ọdafẹn uwa zẹ vbe ọghe Nọyaẹnmwa.

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 2:13

Wa rhunmwuda Nọyaẹnmwa, gha gbe uhunmwu ke otọ ne asẹ ke asẹ ọghe emwa ne agbọn na, ne Nọgbaisi ne ọre ogie ne ọ khaemwisẹ yan ehia.

I Pita 2:15

Rhunmwuda, vbene Osanobua ho ẹre yi ọna khin: Ọ ho ne uwa ya uyinmwẹ esi uwa gbe ọta ye iran unu, ighẹ iran ni kọẹn ni guan ẹmwẹ ogboi.