Kọlose 3:22 - Edo Bible (E Baibol Ẹdo) Version 1996

²² Wa ne eviẹn, wa gha họn ẹmwẹ ne arowa uwa ne agbọn na, vbe emwi hia, wa gha ru vberriọ, ẹ i re vbe iran a gha bẹghe uwa ọkpa, ne iran ba miẹn ehe na gha ye aro esi ghe uwa, sokpan wa gha ye ẹkoata ru ẹe, rhunmwuda ọghọ, ne uwa rhie ne Nọyaẹnmwa.

Kọlose 3:22 ပူးပေါင်းရင်းမြစ်များ

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Nehimaia 5:9

Ẹre imẹ ghi na kha wẹẹ, “Emwi ne uwa ru na i maa. Ọ te kei ne uwa yọghọ ne Osanobua, ne uwa ru emwi ne ọ kere. Ẹghẹ nii, wa ghẹ i rhie otọ ne avbe eghian mwa, iran ne ẹ i re Ju, ne iran ya gha zan mwa.

Psalm 123:2

Zẹ vbene ọguọmwadia ye egbe yan arowa ẹre, zẹ vbene ọguọmwadia okhuo ye egbe yan aro wa ẹre nokhuo, erriọ ma khian gha ghe ruẹ obọ Nọyaẹnmwa Osanobua mwa a te do miẹn wẹ u tohan mwa.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Asan-Ibo 5:7

Vbene ọ khọn ruẹn u mina sẹ hẹ, vbene u a rhirhi miẹn ẹsọn kua sẹ hẹ, ra ne u talọ sẹ hẹ, ọ kere ne u ye gha mu ohan Osanobua.

Asan-Ibo 8:12

Ọmworukhọ sẹtin wa ru orukhọ iyisẹn, ọ ghi ye gha rre agbọn. Erriọ nọ, I rẹn ẹmwẹ ne iran ta wẹẹ, “U gha ya ọghọ ne Osanobua, emwi hia ghi gha dunna nuẹn.

Malakai 1:6

E Nọyaẹnmwa ne Oghodua tama avbe ohẹn wẹẹ, “Te ọmọ ya ọghọ ne erha ẹe, ọviẹn vbe ya ọghọ ne arowa ẹre. Mẹ ọrọre erha uwa, vbọzẹ ne uwa i na ya ọghọ mẹ? Mẹ ọrọre arowa uwa, vbọzẹ ne uwa i na lohan mwẹ? Wa zan mwẹ wa ghi ye vbe gha nọ wẹẹ, ‘Vbe ima ya zan ruẹn hẹ?’

Matiu 6:22

“Aro ọrọre uwanmwẹ egbe, a deghẹ aro ruẹ hianrẹn, egbe ruẹ hia ghi vuọn ne uwanmwẹ.

Matiu 8:9

Mẹ mwẹ emwa ne I gie mwẹ uhunmwu, I vbe mwẹ ne imẹ gie ẹre uhunmwu, I gha wẹ ne ọna gha khian, ọ ghi gha khian, I ghi vbe wẹ ọna gha dee, ọ ghi gha dee, I ghi vbe tama ọviẹn mwẹ wẹẹ, ‘Ru emwi na, ọ ghi gele ruẹe.’ ”

Iyẹn ne ọ Maan Ọghe Luk 6:46

“Vbọzẹ ne uwa na tie mwẹ, ‘Nọyaẹnmwa, Nọyaẹnmwa’ ugbẹn vbe uwa i ru vbene I wẹ ne uwa gha ru?

Iyẹn ne ọ Maan Ọghe Luk 7:8

Rhunmwuda, mẹ tobọ mwẹ, ototọ asẹ emwa ni sẹ mwẹ ọre I ye. Mẹ vbe mwẹ ivbiyokuo vbe ototọ mwẹ. I gha khama ọna wẹ, ‘gha khian’ ọ ghi gele gha khian, I ghi vbe khama ọvbehe wẹ, ‘gha dee,’ ọ ghi gele vbe gha dee. Erriọ ọre I vbe tama ọviẹn mwẹ wẹ, ‘Ru emwi na,’ ọ ghi gele ruẹe.”

Iwinna 2:46

Ẹdẹgbegbe, iran keghi ya gha mi egbe vbe uwu Ọgua Osa zẹ vbe otu ọkpa. Iran keghi gba gha rri evbare iran kugbe vbe owa, vbe ọyẹnmwẹ kevbe amu egbe rriotọ.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Galatia 1:10

Te ọ ghi ye vbe wẹ, te I ho ne emwa ba gha tian mwẹ ma uwa ra? Hiehiere, Osanobua ọ re I ho ne ọ tian mwẹ! Te I ba ho ne emwa hia gha so eni mwẹ nọ ma ra? Akpawẹ vberriọ ọre I ru, I ghẹ ghi sẹtin gha re ọguọmwadia Kristi.

Kọlose 3:20

Wa ne emọ, te ọ khẹke uwa, zẹ vbe emwa ni ya Kristi yi, ne uwa gha họn ẹmwẹ ne avbe evbibiẹ uwa ẹghẹ hia, rhunmwuda, ọnii ọre ọ yẹ Osanobua.

I Tẹsalonaika 2:4

Vberriọ, vbe ne Osanobua wẹ ne ima gha guan, ọre ima ya guan, rhunmwuda, Osanobua gba ẹko ima, ọre ọna mu ẹmwẹ Iyẹn Ne ọ maa ye ima obọ. Ẹ i re ne ọ gha yẹ emwa ne agbọn ma ru, vbe ẹ i re ne ọ gha yẹ Osanobua ọmwa nọ danmwẹ emwi ne ọ rre ima ekhọe ghe.

Failimọn 1:16

Rhunmwuda, vbe wanwan na nian, ẹ i ghi re ọviẹn kẹkan, ọ sẹe ọnii nẹ, ọtẹn ne ọ ghan vbe uwu Kristi ghi nọ. U miẹn ehe ne ọ ghi ye mẹ nian! Inuinu ọre ehe ne ọ ye ne uwẹ gha ya sẹẹ, zẹ vbe ọviẹn kevbe zẹ vbe ọtẹn vbe uwu Nọyaẹnmwa!