Kọlose 3:14 - Edo Bible (E Baibol Ẹdo) Version 1996

¹⁴ Wa ghi rhie ba ena hia, aho ẹmwẹ ọmwa ne ọ re ọza ne ọ gba emwi hia kugbe vbe akugbe ne ọ gbae.

Kọlose 3:14 ပူးပေါင်းရင်းမြစ်များ

Iyẹn ne ọ Maan Ọghe Jọn 13:34

Uhi ọgbọn ne I yi ne uwa ọrọre wẹ, wa gha ho ẹmwẹ egbe. Zẹ vbene I mẹ ho ẹmwẹ uwa ọre ọ kere ne uwa vbe gha ho ẹmwẹ egbe uwa.

Iyẹn ne ọ Maan Ọghe Jọn 15:12

Uhi ne imẹ yi ọna khin: Wa gha ho ẹmwẹ egbe zẹ vbene imẹ ho ẹmwẹ uwa.

Iyẹn ne ọ Maan Ọghe Jọn 17:23

Mẹ vbe uwu iran, wẹ vbe uwu imẹ, ne iran miẹn ehe na wa gha re ọkpa, ne agbọn miẹn ehe na rẹn ighẹ wẹ ọre ọ gele gie mwẹ, kevbe wẹ zẹ vbene u ho ẹmwẹ mwẹ, erriọ ọre u vbe ho ẹmwẹ iran.

Ebe ne Pọl gbẹẹn gie emwa Rom 13:8

Ghẹ rri ọmwa rhọkpa osa, osa ọkpa ne u gha re ọrọre ne uwa gha ho ẹmwẹ egbe, ọmwaikọmwa ne ọ mwẹ ahoẹmwọmwa ghe ihua ẹre, mu nene Uhi sẹ nẹ.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Ẹfisọs 4:3

Wa lo ẹtin uwa hia, ne uwa ya da ẹe yi ighẹ akugbe ne Orhiọn rhie ne ọmwa, vbe ekpa ọfumwegbe ne ọ dee uwa hia kugbe.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

I Tẹsalonaika 4:9

Ẹ i re eban a ghẹ ghi gha gbẹnnẹ ebe gie uwa vbe ekpa wẹ, ọ kere ne uwa gha ho ẹmwẹ ivbi iyayi ne iho uwa, rhunmwuda, Osanobua tobọ ẹre ma uwa ẹre nẹ vbene uwa gha ya gha ho ẹmwẹ egbe hẹ.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

Hibru 6:1

Rhunmwuda ọnii, wa gia na na sikẹ odaro, ne a ya guan yan avbe emwi ni dinmwi, ne a sẹ avbe ikpogho ẹmwẹ ikpo orhu Iyayi e Kristi rae nẹ. Ma i ghi ra vbe dọlegbe gha gbe ẹyotọ ọghe ne a sẹ iwinna ne ẹ i mwẹ esa rae ye otọ, ne a do ya Osanobua yi.

I Pita 4:8

Ke odaro emwi hia, wa gha ya ẹko ata ho ẹmwẹ egbe, rhunmwuda, aho ẹmwẹ ọmwa gbe ebe gue orukhọ ni bun.

II Pita 1:7

wa ghi rhie aho ẹmwẹ ọmwa ne ọ rre ẹkpo etẹn ba aruemwi vbene ọkhọ ọghe Osanobua uwa, wa ghi rhie aho ẹmwẹ ọmwa ba aho ẹmwẹ ọmwa ne ọ rre ẹkpo etẹn uwa.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:23

Emwi ne ọ khare ọrọre wẹ ne ima ya eni Ovbi ẹre Jesu Kristi yi, ne ima vbe gha ho ẹmwẹ egbe, zẹ vbene Kristi tama ima.

I Jọn 4:21

Rhunmwuda ọnii nian, iyi ne Kristi yi ne ima ọ na khin ọmwa ne ọ ho ẹmwẹ Osanobua, wẹ ne ovbe gha ho ẹmwẹ ọtiọnrẹn.