Kọlose 3:13 - Edo Bible (E Baibol Ẹdo) Version 1996

¹³ Wa gha ye egbe obọ, wa gha ya bọ egbe, deghẹ ọmwaikọmwa kevbe ogieva ẹre gba muan egbe ẹmwẹ, wa ghi gha ya bọ egbe, zẹ vbene Kristi vbe ya bọ uwa.

Kọlose 3:13 ပူးပေါင်းရင်းမြစ်များ

Itan 19:11

U gha re ọmọ ne ọ wan, u gha ziengbe vbe ohu a gha mu ẹn. Ọmwa gha ruẹ emwi ne ọ ma kei, uyinmwẹ ọmẹguae nọ adeghẹ u yangbe ẹe.

Matiu 5:44

Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ.

Matiu 6:12

Ya orukhọ mwa hia bọ mwa, vbe ne ima ya bọ enirumwakhọ.

Iyẹn ne ọ Maan Ọghe Mak 11:25

U gha mudia ne u na erhunmwu, yabọ emwi ne emwa a rhirhi ru uẹ re, ne Erha a ne ọ rre ẹrinmwi miẹn ehe na ye orukhọ ruẹ bọọ.

Iyẹn ne ọ Maan Ọghe Luk 11:4

ye orukhọ mwa bọ mwa, rhunmwuda ma vbe yabọ emwa ni ru ima khọ. Ghẹ ye emwi ne ọ wo vbe egbe danmwẹ mwa ghe.’ ”

Iyẹn ne ọ Maan Ọghe Luk 23:34

Jesu keghi kha wẹẹ, “Evbavba yabọ iran rhunmwuda iran ma rẹn emwi ne iran ru.” Iran keghi yan uta ye ukpọn rẹn, iran na gha ẹre ne egbe.

Ebe ne Pọl gbẹẹn gie emwa Rom 15:7

Wa gha rhan obọ miẹn egbe, ne uyi Osanobua. Zẹ vbene Kristi rhan obọ miẹn uwa.

II Kọrinti 2:10

Wa gha ya emwi ne ọmwa ọkpa baku ru bọ ẹe, mẹ vbe ya bọ ẹe. Rhunmwuda, I gha ya bọ ọmwa, adeghẹ abaku ru ọkpa gele rrọọ ne I ya bọ ọmwa, rhunmwuda uwa ọre I na ru ẹe vbe sirra Kristi.

II Kọrinti 6:6

Vbe ekpa a i mwẹ iruẹn, irẹnmwi, iziengbe, kevbe itohan, ma keghi rhie egbe maa zẹ vbe eguọmwadia Osanobua, vbe ekpa Orhiọn Ne ọ huanrẹn, vbẹ ekpa aho ẹmwẹ ọmwa ẹmwata ne ima mwẹ.

Galatia 6:2

Wa gha kpa egbe ihẹ, odẹ vberriọ ọre uwa gha ya mu uhi Kristi sẹ.

Ẹfisọs 4:2

Wa gha mu egbe rriotọ, wa vbe fu, ne uwa vbe gha mwẹ i ziengbe vbe ẹghẹ hia. Wa gha rhie maa ighẹ wa ho ẹmwẹ egbe, vbe ekpa ne a na ru iyobọ ne egbe.

Ẹfisọs 4:32

Sokpan, wa gha mwẹ itohan kevbe ekhọe agiẹngiẹn da egbe, wa vbe gha ya bọ egbe, zẹ vbene Osanobua vbe la ekpa Kristi yabọ uwa.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

I Pita 2:21

Ọna ọre Osanobua rhunmwuda ẹre tie uwa, rhunmwuda wẹ, Kristi tobọ ẹre rri oya, ọ keghi rhie igiemwi ne uwa wẹẹ, ne uwa gha lele ukpowẹ irẹn.