Kọlose 3:10 - Edo Bible (E Baibol Ẹdo) Version 1996

¹⁰ Wa keghi vbe mu ọghọgbọn yọ, ọnọna ọrọre ọmwa ọgbọn nii ne Osanobua nọ yi ẹe fi werriẹ, khian ama ọghọe, ne ọ miẹn ehe na do gie uwa rẹn irẹn fo.

Kọlose 3:10 ပူးပေါင်းရင်းမြစ်များ

Gẹnẹsis 5:1

Eni uniẹn Adam ọre ena khin. (Ẹghẹ ne Osanobua na yi emwa nagbọn, ọ keghi yi iran zẹ vbe ama egbe irẹn.

Job 29:14

Uhẹn uhẹn ọ re I hẹko gha ru emwi re.

Psalm 51:10

Yi orhiọn ne ọ huanrẹn ye uwu imẹ Osanobua, ne u vbe mu ekhọe ọgbọn ne ọ guobọ ruẹ ye uwu imẹ.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Aizaia 59:17

Ọ gha mu ẹmwata yọ zẹ vbe ẹwu ematọn okuo, kevbe akhọnmiotọ zẹvbe ẹrhu ẹgere. Ọ gha ye amuegbe ne a ya dọlọ emwi hia yi yọ egbe ẹre ẹwu kevbe ne a ya rri emwa oya ne a ya rria ikhi ye emwi dan ne a ru emwa ẹre.

Ezikiẹl 11:19

I gha rhie orhiọn kevbe ekhọe ọgbọn ne iran. I gha miẹn iran ekhọe okuta ni zevbudu nii, I ghi rhie orhiọn ne ọ họn ẹmwẹ ne iran.

Ezikiẹl 18:31

Wa sẹ avbe emwi dan ne uwa te ka ru de yi rae, ne uwa gie iro ọgbọn kevbe ekhọe ọgbọn la uwa orhiọn. Vbọzẹ ne uwa na ho ne uwa wulo yi, wa ne ivbi Izrẹl.”

Ezikiẹl 36:26

I gha rhie ẹko kevbe ekhọe ọgbọn ne uwa I gha miẹn uwa ekhọe okuta uwa ne ọ zevbudu nii, I ghi rhie ekhọe ne ọ họn ẹmwẹ ne uwa.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

Ebe ne Pọl gbẹẹn gie emwa Rom 13:12

Asọn ye egbe khian buan nẹ, te ẹdẹ ghi ra gbe. Wa gie ima viọ emwi igbinna ne a ya gbinna vbe uwu uwanmwẹ mwẹ obọ.

Ebe ne Pọl gbẹẹn gie emwa Rom 13:14

Sokpan wa viọ emwi igbinna ọghe Nọyaẹnmwa Jesu Kristi mwẹ obọ, wa ghẹ gie ẹmwẹ egbe orukhọ uwa mu uwa, vbe ekpa ne uwa na rhie emwi ne ọ ho nẹẹn ne ẹko vuọẹn.

Ebe ne Pọl gbẹẹn gie emwa Rom 6:4

Vbe ekpa ne a na sa amẹ ne ima, te a re ima ba irẹn, ma keghi vbe ghae vbe uwu ne irẹn wu, wẹ vbene a huẹn Jesu kpao vbe orinmwi vbe ekpa ẹtin Uyi ọghe Evbavba, erriọ zẹẹ ọre ima gha vbe gha rrọọ vbe uyinmwẹ ọgbọn.

Ebe ne Pọl gbẹẹn gie emwa Rom 8:29

Rhunmwuda avbe iran ne Osanobua hannọ zẹ nẹ, ọre irẹn vbe viọ ye efọnkpa ne iran do ye vbe Ovbi ẹre, ne Ọmọ miẹn ehe na do gha re okaro vbe uwu ẹbu etẹn ni bun.

II Kọrinti 3:18

Ma hia fẹẹrẹ khekherriọ, ọre ọ rhie uyi Nọyaẹnmwa maa vbe aro ne a ma rhie emwi gue. Nene uyi ọkpa nii, ghi ke ehe ne Nọyaẹnmwa, ne ọre nene Orhiọn ye rre, do fi ima werriẹ khian vbene irẹn ye, vbe uyi ne ọ kpọlọ sẹ ọna ẹsẹse.

II Kọrinti 4:16

Ọna ọre ọ si ẹe ne ẹtin i na fo mwa. A gha rhe miẹn wẹ ikinnegbe mwa heko wiẹghua khian, sokpan, orhiọn mwa ghi gha khian ọgbọn yọ ẹdẹgbegbe.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

II Kọrinti 5:17

Ọmwaikọmwa gha yegbe ba Kristi nẹ, ọmwa ọgbọn ghi nọ, emwi nẹdẹ hia rrie, emwi ọgbọn rre nẹ.

Galatia 3:27

Rhunmwuda, te a sa amẹ ne uwa ye uwu a kugbe be Kristi, rhunmwuda ọnii, te uwa ghi vbe mu akpa emwi ne ọ maa hia ọghe Kristi yọ.

Galatia 6:15

Ẹ i zẹdẹ mwẹ esa ne ọ ye, deghẹ ọmwa rhuẹre ra ọ ma rhuẹ, emwi ne a kha ọrọre, ne ọmwa khian enayi ọgbọn.

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

Ẹfisọs 2:15

Ọ keghi gbe ukhu ẹre ua ighẹ nene uhi avbe Ju, deba iyi kevbe ilele ne ọ rrọọ, ne ọ miẹn ehe na ya ẹwae eva na, khian emwa ọkpa ọghọgbọn deba egbe irẹn, ne ọ gha re ne ọ ya ru adọlọ.

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.

Kọlose 3:14

Wa ghi rhie ba ena hia, aho ẹmwẹ ọmwa ne ọ re ọza ne ọ gba emwi hia kugbe vbe akugbe ne ọ gbae.

Failimọn 1:6

Erhunmwu mwẹ ọrọre wẹ, vbene ima na gba mu obọ na, zẹ vbe emwa ni yayi, te ọ gha ye ima rẹn otọ ẹre sẹ ayọ, ighẹ dọmwadẹ afiangbe ne ima mwẹ vbe uwu ẹdẹ agbọn mwa vbe uwu Kristi.

Hibru 6:6

Vbe iyeke ọna, iran keghi lahin iyayi iran rre. Ẹ ghi gia ru ne a viọ iran werriegbe rre do roiro fi uyinmwẹ werriẹ, rhunmwuda, te iran vbe dọlegbe kan Ovbi Osanobua mu ugbugbe, iran keghi fa ẹre ua vbe sirra emwa hia.

I Jọn 2:3

Ma gha lele uhi ne Osanobua yi ru emwi, ẹghẹ nii ọre aro mwa gha na dae ighẹ ma gele rẹn ọnrẹn.

I Jọn 2:5

Sokpan ọmwa ne ọ ya ẹmwẹ ọnrẹn ru emwi, ọrọre ọmwa ne a ye aho ne ọ mwẹ ghe Osanobua khian ne ọ gbae. vbenian ọre ima gha ya rẹn ighẹ uwu Osanobua ọre ima ye.

Arhie Maan 21:5

Ọmwa ne ọ tota ye ẹkete keghi kha wẹẹ, “Wanwanna nian, I ya emwi hia khian ọgbọn.” Ọ keghi vbe tama mwẹ wẹẹ, “Gbẹnnẹ emwi na ye otọ rhunmwuda ẹmwata ọre avbe emwi na khin, a sẹtin yae yi ẹro.”