Kọlose 3:1 - Edo Bible (E Baibol Ẹdo) Version 1996

¹ A huẹn uwa kpaegbe ba Kristi nẹ. Wa gha rhie aro uwa ye emwi ni rre ẹrinmwi khekherriọ, ehe ne Kristi na tota ye uhunmwu ẹkete vbe obọ erha ọmwa Osanobua.

Kọlose 3:1 ပူးပေါင်းရင်းမြစ်များ

Psalm 110:1

E Nọyaẹnmwa tama e naẹn mwẹ wẹẹ, “Tota ye obọ erhọmwa mwẹ vbe emwa na, vbe I te do viọ avbe eghian ruẹn ye atataowẹ ruẹ.”

Psalm 16:11

Wẹ gha ma mwẹ odẹ ne ọ rriẹ arrọọ, I vuọn ne ọyẹnmwẹ rhunmwuda ighe u rre emwa na, u vbe rhie oghọghọ mẹ ẹdẹdẹmwẹdẹ.

Itan 15:24

Odẹ ne ọ hin odukhunmwu rrie arrọọ ọ re avbe umẹwaẹn la ighẹ ẹ i re odẹ ne ọ tuorre rrie uwu.

Asan-Ibo 10:2

Vbene a yii ẹe wa nọ ne ọmwa ne ọ wan gha ru emwi ne ọ kere, ke ne ọmwa ne ọ kọẹn gha ru emwi ne ọ ma gba.

Matiu 22:44

“ ‘Nọyaẹnmwa tama Nọyaẹnmwa wẹẹ: Tota ye obọ erha ọmwa mwẹ vbe emwa na, rhinrin mẹ te do viọ eghian ruẹn ye uwẹ atataowẹ.’

Matiu 26:64

Jesu wanniẹn wẹẹ, “Erriọ u tae, sokpan ne I tama uwa hia, ke ẹghẹ na kpao, wa gha miẹn Ovbi Ọmwa vbe ọ gha tota vbe obọ erha ọmwa Oghodua kevbe ọ gha dee vbe ikpakpa iso.”

Matiu 6:20

Sokpan wa si ẹfe koko ye ẹrinmwi, ehe ne ọkhọe kevbe ọtọn i na sẹtin mu ẹn rhiaa, ehe ne avbe oyi i na gbe urho ya gha rhaa.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Iyẹn ne ọ Maan Ọghe Mak 12:36

Orhiọn Ne Ọ Huanrẹn rhie ẹre ye Devid unu ne ọ tae wẹẹ, “ ‘Nọyaẹnmwa khama Nọyaẹnmwa, Tota ye obọ erha ọmwa mwẹ, mẹ te do viọ avbe eghian ruẹn, ye uwẹ atataowẹ.’

Iyẹn ne ọ Maan Ọghe Mak 14:62

Jesu wanniẹn tama rẹn wẹẹ, “Mẹ nọ, u gha vbe miẹn Ovbi Ọmwa vbe ọ gha tota vbe obọ erha ọmwa ọghe Oghodua kevbe ọ gha ke ikpakpa iso ẹrinmwi dee.”

Iyẹn ne ọ Maan Ọghe Mak 16:19

Ugbẹn vbe Nọyaẹnmwa Jesu ghi gu iran guan nẹ, a keghi tọn ẹn mu gha rrie ẹrinmwi, ọ na tota ye obọ erha ọmwa Osanobua.

Iyẹn ne ọ Maan Ọghe Luk 12:33

Khiẹn emwi ne u mwẹ hia ne u gha igho ẹre ne avbe ivbiogue. Wa gualọ ẹsiso ne ẹ i khian ọmaẹn, ne uwa si emwi ewe uwa koko ye ẹrinmwi, ehe ne ẹ i na dibu, rhunmwuda oyi i sẹ evba, arriukpa ẹ i rhia ẹe rua.

Iyẹn ne ọ Maan Ọghe Luk 20:42

Rhunmwuda Devid tobọ ẹre tae vbe ebe Psalm wẹẹ, “ ‘Nọyaẹnmwa tama Nọyaẹnmwẹ wẹẹ: Tota yọ mwẹ obọ erha ọmwa vbe emwa na

Iyẹn ne ọ Maan Ọghe Luk 22:69

Sokpan ke ẹghẹ na kpao, Ovbi Ọmwa gha tota vbe obọ erha ọmwa Osanobua ne Oghodua.”

Iwinna 2:34

Rhunmwuda, Devid tobọ ẹre ma hin odukhunmwu gha rrie ẹrinmwi, sokpan rẹn khare wẹẹ, “ ‘Nọyaẹnmwa tama Nọyaẹnmwẹ wẹẹ, Tota ye obọ erha ọmwa mwẹ vbe emwa na,

Iwinna 7:55

Sokpan Stivin keghi vuọn ne Orhiọn Ne Ọ Huanrẹn, ọ keghi tọn aro mu ghe odukhunmwu, ọ keghi bẹghe uyi Osanobua, kevbe Jesu, vbe ọ mudia ye obọ erha ọmwa Osanobua.

Ebe ne Pọl gbẹẹn gie emwa Rom 8:34

De ọmwa ne ọ gha ghi bu ohiẹn gbe iran khekherriọ? Kristi Jesu tobọ ẹre ọ wu, ne a wa kha wẹẹ, ọre a huẹn kpaegbe vbe idin, ne ọ rre obọ erha ọmwa Osanobua. Rẹn ọre ọ rinmwian Osanobua ne ima.

Ebe ne Pọl gbẹẹn gie emwa Rom 8:6

A deghẹ egbe zẹ vbene a yiẹe, ọre ọ tama ọmwa emwi ne ọ gha ru, uwu ọre ọ ke ẹre ikian. Sokpan, a deghẹ Orhiọn ọre ọ gie odẹ emwi ne a gha ru ma ọmwa, ẹfe kevbe ọfumwegbe ọre nọ.

II Kọrinti 4:18

Rhunmwuda, ẹ i re emwi ne a dẹghe ma rhie aro daa, sokpan avbe emwi ne a i dẹghe nọ. Emwi ne a sẹtin dẹghe, ovbi ẹghẹ kherhe ọre ọ ya vbe otọ, sokpan emwi ne a i dẹghe ọre ọ rrọ ẹdẹdẹmwẹdẹ.

Ẹfisọs 4:10

Ọnii nọ wẹ, ọmwa ne ọ tuorre, ọre ọ vbe hin odukhunmwu vbe odukhunmwu kevbe gberra avbe, ẹrinmwi ne ọ miẹn ehe na ya aguọmwarrọ ọghọe vuọn agbọn kevbe ẹrinmwi.

Ẹfisọs 5:22

Avbe amwẹ, wa gha gbe uhunmwu ke otọ ne avbe ọdafẹn uwa zẹ vbe ọghe Nọyaẹnmwa.

Kọlose 2:20

Wa deba Kristi wu nẹ, a keghi vbe fannọ uwa ye otọ vbe obọ avbe orhiọn ne ẹrinmwi, ni khaemwisẹ vbe ideghedeghe agbọn vbe ẹrinmwi. Vbọzẹ ne uwa na ruemwi yi zẹ vbene a miẹn wẹ ọghe agbọn na ọ re uwa ye khin? Vbọzẹ ne uwa na ye avbe uhi nii ru emwi yi, ni kha re wẹ,

Kọlose 3:2

Wa gie aro uwa gha wu ye emwi ni rre odọọ, ighẹ ẹ i ghi re ni rre agbọn na.

Hibru 1:13

Osanobua ma khama odibo Osa rhọkpa wẹ, “Tota ye obọ erha ọmwa mwẹ vbe emwa na, rhinrin mẹ to do ya avbe eghian ruẹn ru ukhuerhe ne u gha viọ owẹ yan.”

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

Hibru 10:12

Sokpan Kristi keghi zọ ese ọkpa ye orukhọ, ese ne ọ ruẹre ẹdẹdẹmwẹdẹ, vbe iyeke ọnii ọ keghi tota vbe obọ erha ọmwa Osanobua.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.

Hibru 8:1

Uhunmwu uta ẹmwẹ ne ima guan yan ọrọre wẹẹ, ma mwẹ Ogie Ohẹn ne ọ ye vbe nian na, ọmwa ne ọ tota ye obọ erha ọmwa Ẹtin Emwi Ne Osa ya ru Osa vbe ẹrinmwi.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.