Kọlose 2:5 - Edo Bible (E Baibol Ẹdo) Version 1996

⁵ Rhunmwuda, a gha rhe miẹn wẹ vbe ekpa ọghe orhiọn, I vbe ghọghọ vbe I miẹn vbene uwa tọn ighighian owẹ ye otọ ya gba gha ya egbe khian hẹ vbe iyayi vbe uwu Kristi.

Kọlose 2:5 ပူးပေါင်းရင်းမြစ်များ

II Krọnikol 29:35

Deba iwinna iran ne iran na gbele avbe emwi ne a giẹn ikun ẹnrẹn uan, avbe ohẹn ọ re ọ vbe giẹn ẹvbi avbe emwi ne a ya zọ ese ne emwa re, iran ọ re ọ vbe tue ayọn ne a mu lele emwi ne a ya zọ ese rre ye otọ. Erriọ ọ re a na miẹn wẹ ugamwẹ dọlegbe suẹn vbe Ọgua Osa.

Psalm 78:37

Iran ma guobọ ọre, iran ma ya ile ne iran gu ẹe ta ru emwi.

Psalm 78:8

Iran i ra yevbe avbe erha iran odede emwa ni sọtẹ kevbe ni zẹ utun vbe ehọ ni ma mu ẹtin yan Osanobua ẹse, kevbe ni ma vbe guobọ ẹre.

Nọmbas 7:11

e Nọyaẹnmwa keghi tama e Mosis wẹẹ, “Dọmwadẹ ọkaolotu ọkpọkpa, ghi gha viọ emwi ihaoko ọghe ọe ne a ya titi ugie ayafiohan aka rre ẹdẹgbegbe la ikpẹdẹ iweva.”

Iwinna 2:42

Iran keghi wa ya ẹghẹ iran hia gha ruẹ emwi vbe obọ avbe ukọ, iran keghi rhie egbe ba iran. Iran kevbe gha re vbe evbare ne iran hia gha re, iran kevbe gha deba iran na erhunmwu.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

I Kọrinti 11:34

Deghẹ ne ohanmwẹ gbe rrọọ, wẹ ne ọ rri evbare vbe owa ẹre ne uwa ghẹ miẹn ehe na gha de ye irria ikhi Osanobua, vbe ekpa ne ọ ghi do kẹe, I gha guan yọ vbe i a rre.

I Kọrinti 14:40

Wa ghi gha ru emwi hia ururo kevbe uhẹn uhẹn.

I Kọrinti 15:58

Rhunmwuda ọnii nian, wa ne etẹn mwẹ, wa mudia gbain vbe ne a i na vbọ owẹ. Wa tua obọ ye iwinna ne uwa winna ne Nọyaẹnmwa, ugbẹn vbe uwa rẹn nẹ nian wẹ, iwinna ne uwa winna vbe uwu ugamwẹ Nọyaẹnmwa, ọkpa ne ẹ i mwẹ esa, ẹ i rrọọ.

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

Kọlose 2:1

Wa gun mwẹ tama uwa, vbene I he kakabọ winna ne uwa, kevbe emwa ni rre Laodisia sẹ hẹẹ, kevbe emwa hia ni ma he rẹn mwẹ vbe aro.

I Tẹsalonaika 2:17

Zẹ vbe ọghe ima etẹn mwẹ, ẹghẹ ne ima na kpao vbe ehe ne uwa ye vbe ẹghẹ kherhe, ẹ i re vbe ekpa ọghe orhiọn, sokpan vbe ekpa ọghe egbe, umiẹn vbene ẹmwẹ uwa gha da ima hẹ, ma keghi wa gha ho ne a dọlegbe miẹn uwa aro.

I Tẹsalonaika 3:8

Rhunmwuda, deghẹ wa gele mudia gbain vbe uwu iyayi uwa vbe uwu Nọyaẹnmwa, ẹghẹ nii ọre ima na rre agbọn ẹse.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

Hibru 6:19

Ma keghi mwẹ idaehọ na, zẹ vbe okpo ne ọ da owa yi ọghe ekhọe mwa, ẹbe i rrọọ, te ọ vbe deziẹn gbain, ọ kevbe la ukpọn ne a ya fian ọgua Osa gberra gha, rrie ehe ne Ogiukpo nọkhua ye.

I Pita 5:9

Mudia gbain vbe uwu iyayi ruẹ ne u vbe werriẹ aro igbinna da ẹre, rhunmwuda, ọ kere ne u rẹn wẹ, avbe ivbi iyayi ne ihua ni rre agbọn na hia, egbe oya vberriọ ọre iran wa vbe re khian na.

Ebe Rut 1:18

E Naomi ghi miẹn wẹ te Rut wa kha ighẹ rẹn ra lele irẹn, ọ ma ghi ta ẹmwẹ ọvbehe.