Kọlose 2:3 - Edo Bible (E Baibol Ẹdo) Version 1996

³ Rẹn ọrọre isahẹn ne ọ sẹtin kie aza emwi ighobioye ne a viọ lẹre hia, ọghe irẹnmwi kevbe ẹwaẹn Osanobua.

Kọlose 2:3 ပူးပေါင်းရင်းမြစ်များ

I Ọba 3:28

Ivbi Izrẹl ghi họn ohiẹn ne Solomọn buru, iran keghi kpa uhe ne ẹẹn, rhunmwuda, iran miẹn wẹ Osanobua rhie ẹwaẹn ne ẹẹn ne ọ ya gha buohiẹn ẹse.

Job 28:21

Emwi ne a yi ọkpa ne ọ gha sẹtin bẹghe ẹre i rrọọ. Ya sẹ egbe ahianmwẹ ne ọ tin khian.

Itan 2:4

Ye ẹtin hia gualọ ẹe, vbene u gha ya gualọ esiliva ra emwi ighobioye ne a rhie lẹre.

Aizaia 11:2

Orhiọn e Nọyaẹnmwa gha rhie ẹwaẹn ne ẹẹn, deba irẹnmwi kevbe iguemwi ne ọ gha ya gha khaemwisẹ yan avbe emwa rẹn, rẹn gha rẹn emwi ne Nọyaẹnmwa ho ọ ghi vbe gha ya ọghọ ne ẹẹn,

Aizaia 40:14

De ọmwa ne Osanobua nọ ẹre ọta yi ne irẹn miẹn ehe na rẹn ra ne ọ rẹn otọ emwi ra ne ọ miẹn ehe na rẹn vbene a gha ru emwi hẹ?

Matiu 10:26

“Rhunmwuda ọnii, wa ghẹ mu ohan emwa. Emwi ne a guere hia gha khian ne a we rua, emwi ẹkhokho hia gha khian ne a rẹnrẹn.

Iyẹn ne ọ Maan Ọghe Luk 11:49

Ọ na ọre ọ si ẹe ne Ẹwaẹn Osanobua na kha wẹ, ‘I gha gie avbe akhasẹ, kevbe odibo mwẹ bu iran, iran gha gbele eso ua vbọ, iran gha zẹ nekpa kpokpo.’

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.

I Kọrinti 1:24

Sokpan ọ gha sẹ egbe iran ne Osanobua tie re, kevbe avbe Ju kevbe avbe iran nẹ ẹ i re Ju, ẹmwẹ ikporhu na ọrọre Jesu ne ọre ẹtin kevbe ẹwaẹn Osanobua.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

Ẹfisọs 1:8

ne irẹn wa vbe rhie ẹre ọrhẹnrhẹn ne ima. Vbe uwu ẹwaẹn ọghọe, kevbe ne ọ na ghe umian emwi.

Kọlose 1:19

Rhunmwuda Osanobua tobọ ẹre ọre ọ mwamwa ẹn wẹ ne emwi ne Osa ya re Osa hia wa vbe gba ne Ọmọ.

Kọlose 1:28

Rhunmwuda ọnii, ọre ima na kpe orhu Kristi ma emwa hia, ma ghi gha tama emwa hia ye otọ, ma ghi gha ma iran emwi vbe odẹ ẹwaẹn hia, ne a sẹtin lo, ne a miẹn ehe na rhie edọmwadẹ ọghọe gha die odaro Osanobua zẹ vbe ọmwa ne ọ si uwan nẹ, vbe uwu a ya egbe ba Kristi.

Kọlose 1:9

Ọna ọre ọ si ẹe ne a na miẹn wẹ ke ne ima ya họn ẹmwẹ uwa gha dee, ẹghẹ hia ọre ima ya na erhunmwu ne uwa. Ma rinmwian Osanobua ne ọ ya irẹnmwi emwi ne ọ ho vuọn uwa, deba ẹwaẹn kevbe irẹnmwi ne Orhiọn rẹn rhie ne ọmwa.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

Kọlose 3:3

Rhunmwuda, wa wulo nẹ, a keghi vbe rhie arrọọ ọwua lẹre ba Kristi vbe uwu Osanobua.

II Pita 1:5

Rhunmwuda emwi vbe nian, wa ziga vbe ẹtin uwa hia, ne uwa rhie umamwẹ ba iyayi uwa, wa ghi rhie irẹnmwi ba umamwẹ uwa,

Arhie Maan 2:17

“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.