Kọlose 2:22 - Edo Bible (E Baibol Ẹdo) Version 1996
22 A ghẹ ghi lo avbe emwi na hia nẹ, iran i ghi mwẹ e vbọ gie a ya ru ọvbehe. Ilele ne emwa ne agbọn mu gbọ kẹkan, kevbe ne iran vbe ma emwa ẹre ọre ena khin.
E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.
Ọba na gha yangbe ẹbọ ne iran ni karo ne ẹẹn ghoro. Kevbe avbe ẹbọ ne avbe ikhuo ho ẹmwẹ ọnrẹn. Vbe ẹmwata, te ọ ra yangbe avbe ẹbọ hia rhunmwuda, rẹn wẹ, rẹn kpọlọ sẹẹ iran hia.
Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”
Ọmwa ọvbehe sẹtin kha wẹẹ, “Ẹko ọ yan evbare, evbare ọ yan ẹko.” Ẹmwata nọ, sokpan Osanobua gha rhie ufomwẹ ye e eva. A ma rhie egbe ne ọmwa ne ọ yagha gbe alama oghẹ, sokpan ne ọ gha ga Nọyaẹnmwa. Nọyaẹnmwa vbe kpehe ne egbe.
Egbe ne ọ ma ọmwa emwi, ọre iran na lele ru emwi zẹ vbene iran wa ye ighẹ avbe aranmwẹ oha ne a biẹlẹ ne a miẹn gha mu gbele re. Iran ghi gha ya ukpẹ sakan emwi ne iran ma rẹn otọ ẹre. Te a ra fuẹn iran hia, zẹ vbe aranmwẹ oha.