Kọlose 2:19 - Edo Bible (E Baibol Ẹdo) Version 1996

¹⁹ Ẹ i ghi re igbinna ọghe Kristi ne ọ re ẹzi ehia rẹn ghi ye. Vbe ekpa ọdakha Kristi, a ghi gha koko egbe hia, a ghi vbe dee akhuẹn kevbe inian ni rrọọ hia kugbe, ọ ghi vbe do waan zẹ vbe ne Osanobua ho ẹre yi.

Kọlose 2:19 ပူးပေါင်းရင်းမြစ်များ

Iyẹn ne ọ Maan Ọghe Luk 5:38

Ọgọ ohian ọgbọn ọre a ruẹn ayọn ne ọ fian yi.

Iyẹn ne ọ Maan Ọghe Jọn 17:21

I rinmwian ne iran hia gha re ọkpa. Evbavba, gie iran gha rre uwu ima ne agbọn miẹn ehe na yayi ighẹ wẹ ọre ọ gele gie mwẹ.

Iwinna 4:32

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.

Ebe ne Pọl gbẹẹn gie emwa Rom 11:17

A ghi giagia ahọ eso kua vbe erhan ohọ ne a kọe, a keghi do mu abọ erhan ohọ ni rre oha mama yọ. Wa ne ẹ i re Ju, te uwa yevbe erhan ohọ ni rre oha nii, wanwan nian, agbọn ẹfe kevbe ne ọ mwẹ ẹtin ne ọre ọghe avbe Ju, sẹ uwa obọ.

I Kọrinti 1:10

I ya ẹtin Nọyaẹnmwa Jesu Kristi rinmwian uwa etẹn, ne uwa gie ẹmwẹ uwa hia ha gu egbe ro vbe ẹmwẹ ne uwa ta, ne iwannegbe ghẹ gha rre ẹkpo uwa, wa gha re ọkpa vbe iro ne uwa zẹ, kevbe emwi ne uwa họ ne uwa ru.

I Kọrinti 11:3

Sokpan I ho ne uwa rẹn wẹ, Kristi kpọlọ sẹ emwa hia fẹẹrẹ, ọdọ ọre ọ kpọlọ sẹ amwẹ ọnrẹn, Osanobua keghi vbe sẹ Kristi.

I Kọrinti 3:6

Me kọ emwiokọ, Apọlọs keghi gbe amẹ khakhae. Sokpan Osanobua ọre ọ ru ẹe ne ọ na zọọ.

Ẹfisọs 1:22

Osanobua keghi viọ emwi hia ye ototọ owẹ Kristi, ọ keghi vbe rhie ẹre ne esọsi zẹ vbe Ogie nọkhua nọyan emwi hia.

Ẹfisọs 1:23

Egbe Kristi ọre esọsi khin, ne ọ re ne a ya gbe vuọn rẹn nii, ne ọ re ne a ya gbe vuọn emwi hia vbe ehe hia.

Ẹfisọs 2:21

Rẹn ọrọre ọmwa ne ọ de owa ni hia kugbe, ọ na gi ẹe wan do khian Ọgua Osa ne ọ huanrẹn vbe uwu Nọyaẹnmwa.

Ẹfisọs 4:3

Wa lo ẹtin uwa hia, ne uwa ya da ẹe yi ighẹ akugbe ne Orhiọn rhie ne ọmwa, vbe ekpa ọfumwegbe ne ọ dee uwa hia kugbe.

Ẹfisọs 5:29

A i miẹn ọmwa ne ọ khọ ẹko ikinnegbe ẹre, sokpan te ọ koko ẹe, ọ ghi gha gbe aro ghe ẹre zẹ vbene Kristi gbe aro ghe esọsi.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Kọlose 1:10

Ẹghẹ nii, wa ghi sẹtin do gha yin vbene Nọyaẹnmwa ho, wa ghi vbe gha ru emwi ne ọ yẹ ọre. Ẹdẹ agbọn uwa ghi do gha mọ ọmọ iwinna ne ọ maa ughughan hia, wa ghi vbe gha wan yọ vbe uwu vbe ne uwa rẹn Osanobua hẹ.

Kọlose 1:18

Rẹn ọrọre uhunmwu ra arowa esọsi ẹre, ne ọ re ikinnegbe ẹre, obọ ẹre ọre arrọọ ne ikinnegbe nii mwẹ, ke rre, rẹn ọrọre Ọmọdiọn ne a huẹn kpaegbe vbe orinmwi, ne a miẹn ehe na miẹn wẹ, rẹn ọre ọ rre ukpo ne okaro vbe uwu emwi hia.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

I Tẹsalonaika 3:12

Osanobua ne ọ gie aho ẹmwẹ ọmwa ne uwa mwẹ ghe egbe kevbe emwa ọvbehe gha mu otọ yọ, ne ọ vbe gha kpọlọ zẹ vbe aho ẹmwẹ ọmwa ne ima mwẹ ghe uwa.

I Tẹsalonaika 4:10

Erriọ zẹẹ ọre uwa vbe gha yin ghe etẹn hia ni rre Masidonia. Te ima ghi rinmwian uwa na etẹn, ne uwa ru ne ọ sẹ ọnii.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

I Pita 3:8

Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.