Kọlose 1:7 - Edo Bible (E Baibol Ẹdo) Version 1996

⁷ Ẹpafras, ọguọmwadia ne ogieva mwa ne ọ ghan, ne ọ ye ẹko ata winna ne Kristi ọre ọ ma uwa ẹre ne ima.

Kọlose 1:7 ပူးပေါင်းရင်းမြစ်များ

Nọmbas 12:7

Sokpan I gha gue Mosis ne ọguọmwadia mwẹ guan, ọ lughaẹn. I rhie ẹre ye ne ọ gbe aro ghe izrẹl ne emwa mwẹ nẹ.

Matiu 18:29

Ọguọmwadia ne ihua ẹre ni keghi fan fi iguẹ, ọ rinmwian ẹn wẹẹ, ‘Lahọ ziengbe mẹ, I gha ha osa na hia nuẹn.’

Matiu 24:45

“Gha ọre ọguọmwadia esi kevbe ne ọ wan nii, ọnii ọrọre ne arowa ẹre ya ru ne ọ gbe aro ghe eguọmwadia ne ihua ẹre ne ọ gha rhie evbare ne iran vbe ẹghẹ ne ọkere.

Matiu 25:21

Arowa ẹre keghi tama rẹn wẹẹ, ‘U ru ẹse ọguọmwadia ne ekhọe esi, ẹkoata ọre u ya gbe aro ghe igho kherhe na, I gha mu igho ne ọ kọnkọn nuẹn gha gbe aro ghe. La owa ne u do gunmwẹ ku obọ ye uwa.’

I Kọrinti 4:17

Rhunmwuda ọnii ọre I ra na gie Timoti bu uwa gha dee. Ọmọ ne ọ ghan kevbe ne ọ gie a mu ẹtin yan, ọre ọ khin mwẹ re vbe uwu Nọyaẹnmwa. Ọ gha ma uwa owẹ ne I vin ne I ru emwi lele vbe ẹdẹ agbọn mwẹ vbe uwu Kristi Jesu, ne I vbe ma emwa re vbe esọsi hia vbe ehe hia.

I Kọrinti 4:2

Emwi ọkpa ne a ho vbe obọ ọmwa ne a rhie emwi nẹẹn dayi ọrọre wẹẹ, ne ọ gha re ọmwa ne ọ gie arowa ẹre mu ẹtin yan.

I Kọrinti 7:25

Ẹn hẹn, vbe ekpa ẹmwẹ iran ni ma rọnmwẹ ọdọ, Nọyaẹnmwa ma rhie iyi rhọkpa yọ mẹ, sokpan I gha guan ẹmwẹ obọ mwẹ yọ zẹ vbe ọmwa ne a sẹtin rhie ẹmwẹ ọnrẹn, vbe ekpa itohan Nọyaẹnmwa.

II Kọrinti 11:23

Eguọmwadia Kristi iran khin ra? Ẹmwẹ mwẹ khọ ọghe ọmwẹmwẹ sokpan mẹ ru ọguọmwadia sẹ iran. Obọ mwẹ da iwinna sẹ iran. I yo eghan ẹghẹ ni bun sẹ iran, a gbe mwẹ asan sẹ iran ẹsẹse, me ọ he rhie owẹ ye agbanmwẹ idin sẹ iran.

Ẹfisọs 5:21

Wa gha gbe uhunmwu ke otọ ne egbe, rhunmwuda ọghọ ne uwa ya ne Jesu.

Filipai 2:25

I roro ẹe wẹ, ọ kere ne I gi ẹe bu uwa gha dee ighẹ Epafroditọs, ọmwa ne ọ mudia ke mwẹ vbe iwinna kevbe igbinna, ọmwa ne uwa vbe miẹn gha gie ẹre uhunmwu vbe iyobọ ne uwa ru mẹ.

Kọlose 4:12

Ẹpafras ne ọ vbe re ọkpa vbe uwu uwa, kevbe ne ọ vbe re ọguọmwadia Jesu Kristi we uwa do. Ẹghẹ hia ọre ọ wa ya kakabọ na erhunmwu ne uwa, ọ ghi gha rinmwian Osanobua ne ọ gie uwa mudia gbain, ne uwa si uwan, ne ọ la uwa ekhọe fo, vbe uwu ne a na wa ru iho ẹre.

Kọlose 4:7

Taikikọs ne ọtẹn mwa ne ọ ghan, ogieva mwẹ ne ekhọe esi, ọmwa ne ima gba re ọguọmwadia vbe uwu iwinna Nọyaẹnmwa, gha ta vbene emwi hia ghi ye mwẹ hẹ ma uwa.

Kọlose 4:9

Onisimọs, ne ọtẹn mwa ne ekhọe esi, ne ọ ghan ne ọ vbe rre otu uwa, lele ẹe dee. Iran gha tama uwa vbene emwi hia ye hẹ vbe edinran.

I Timoti 4:6

U ghi ma avbe etẹn emwi na, u ghi gha re ọguọmwadia ne ọ maa ọghe Kristi Jesu, vbene u na ya ẹmwẹ iyayi na, kevbe iruẹmwi ẹmwata ne uka lele khian, koko egbe uẹ, vbe ekpa ọghe orhiọn.

II Timoti 2:2

U ghi viọ avbe ẹmwẹ nii ne u họẹn vbe I kpe orhu ẹre vbe odaro osẹe ni bun, u ghi viọ ne emwa ne u gha sẹtin mu ẹtin yan viọ mwẹ, emwa ni gha vbe sẹtin ma emwa ọvbehe re.

Failimọn 1:23

Epafras ne ọ vbe gun mwẹ rre uwu eghan vbe ekpa Kristi Jesu, wẹ uwa do.

Hibru 2:17

Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

Hibru 3:2

Rhunmwuda te irẹn wa gha re ne ọ gia mu ẹtin yan vbe odaro Osanobua, ọmwa ne ọ gi ẹe ne ọ do winna iwinna na, zẹ vbe ne Mosis vbe gha re ne ọ gie mu ẹtin ya, vbe uwu iwinna rẹn vbe igiowa Osanobua hia.