Kọlose 1:29 - Edo Bible (E Baibol Ẹdo) Version 1996

²⁹ Ne a miẹn ehe na ru ọna mwẹ uhunmwu, ọre I na domian, kevbe ne I na miẹn ẹsọn vbe ne I na lo ẹtin nọkhua ne Kristi rhie mẹ, kevbe ne ọ vbe winna vbe uwu imẹ.

Kọlose 1:29 ပူးပေါင်းရင်းမြစ်များ

Iyẹn ne ọ Maan Ọghe Luk 13:24

“Jesu wanniẹn tama iran wẹẹ, ziga ne u la onurho ne wẹnrẹn la owa, ne I khama ruẹn wẹẹ, emwa ni bun ọre ọ gha hia ne iran la owa sokpan iran i sẹtin.

Ebe ne Pọl gbẹẹn gie emwa Rom 15:20

Emwi ne ọ gha fifi mwẹ egbe ọrọre ne I kpe orhu Iyẹn Ne ọ maa nii, vbe ehe ne a ma he na ka họn ẹmwẹ Jesu, ne I ghẹ miẹn ehe na gha bọ owa yan ẹyotọ ne ọmwa ọvbehe ka gbe nẹ.

Ebe ne Pọl gbẹẹn gie emwa Rom 15:30

Etẹn mwẹ, I kakabọ ye Nọyaẹnmwa Jesu Kristi, kevbe ahoẹmwọmwa ne Orhiọn rhie ne ọmwa rinmwian uwa ne uwa deba mwẹ kakabọ gha na erhunmwu ghe Osanobua mẹ.

I Kọrinti 12:11

Ọ rhie ẹtin ne a ya ye urhu ne a ma rẹn guan ne emwa eso, ọ kevbe rhie ẹtin ne a ya zẹ edu urhu ne a ma rẹn na ne emwa eso. Sokpan Orhiọn ọkpa nii ọ re ọ ru avbe emwi na hia, ọ ghi ya emwi ughughan we dọmwadẹ ọghọe zẹ vbe ne ọ yẹ ọre.

I Kọrinti 12:6

Ẹrhiọn ne a ya winna ughughan ọre ọ rrọọ, sokpan Osanobua ọkpa nii ọre ọ rhie ẹrhiọn iwinna ne ọmwa ya winna iwinna hia.

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

II Kọrinti 11:23

Eguọmwadia Kristi iran khin ra? Ẹmwẹ mwẹ khọ ọghe ọmwẹmwẹ sokpan mẹ ru ọguọmwadia sẹ iran. Obọ mwẹ da iwinna sẹ iran. I yo eghan ẹghẹ ni bun sẹ iran, a gbe mwẹ asan sẹ iran ẹsẹse, me ọ he rhie owẹ ye agbanmwẹ idin sẹ iran.

II Kọrinti 13:3

Emwi ne uwa ho ne aro uwa sẹ ne uwa miẹn ehe na rẹn ighẹ Kristi gele gun mwẹ guan. Wa gha miẹn ọẹn. Ọ gha mu uwa rueghe, ẹ i vburriẹ, sokpan, ọ gha rhie ẹtin ẹnrẹn maa vbe adesẹ uwa.

II Kọrinti 5:9

Sokpan ne ọ sẹre vbe uwu ehia ọrọre wẹ, ma ho ne a gha ru ne ọ yẹ ọre, ọ re vbe owa mwa vbe edinran nọ ra vbe odọ.

II Kọrinti 6:5

A gbe ima asan, a mu ima ye ẹwẹdọ, a ko gbe mwa, a ya ima miẹn ẹsọn, ma kegha rrọọ vbe ne a i na rri evbare kevbe ne a i na vbiẹ.

Ẹfisọs 1:19

Kevbe vbene ẹtin ẹnrẹn ne ọ winna vbe uwu ima ni yayi kpọlọ sẹ hẹ. Ne ne ẹtin nọ rre uwu ima na, ọre ọ vbe re ẹtin nọkhua ni.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.

Ẹfisọs 3:7

Emwi ne Osanobua la ekpa iwinna ẹtin ẹnrẹn ya we mwẹ, ọre ọ ya ya mwẹ khian ọguọmwadia nene iyẹn ne ọ maa.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Filipai 1:30

Wanwanna nian, wa gha sẹtin gun mwẹ gbinna igbinna na, ọkpa nii ne uwa miẹn vbe I gbinna ẹghẹ ne ọ gberra nọ, ọnii ọ re I ye gbinna khian na, zẹ vbene uwa họẹn.

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.

Filipai 2:16

Wa gha ru vberriọ, wa gha gun mwẹ ya zọmọ vbe Ẹdẹ Kristi, rhunmwuda ọ gha rhie maa wẹ edomian kevbe iwinna mwẹ, ẹ i re ne a mu rhia.

Kọlose 2:1

Wa gun mwẹ tama uwa, vbene I he kakabọ winna ne uwa, kevbe emwa ni rre Laodisia sẹ hẹẹ, kevbe emwa hia ni ma he rẹn mwẹ vbe aro.

Kọlose 2:12

Rhunmwuda, ẹghẹ ne a na sa amẹ ne uwa, a keghi re orinmwi uwa ba Kristi, kevbe vbe uwu isamẹ nii, a kevbe huẹn uwa kpaegbe vbe orinmwi ba Kristi, vbe ekpa iyayi ne uwa mwẹ vbe uwu ẹtin nọ winna ọghe Osanobua ne ọ huẹn ọnrẹn kpao vbe orinmwi rre.

Kọlose 4:12

Ẹpafras ne ọ vbe re ọkpa vbe uwu uwa, kevbe ne ọ vbe re ọguọmwadia Jesu Kristi we uwa do. Ẹghẹ hia ọre ọ wa ya kakabọ na erhunmwu ne uwa, ọ ghi gha rinmwian Osanobua ne ọ gie uwa mudia gbain, ne uwa si uwan, ne ọ la uwa ekhọe fo, vbe uwu ne a na wa ru iho ẹre.

I Tẹsalonaika 2:9

Ẹ i mwẹ ne uwa ghẹ yerre etẹn mwẹ, vbene ima winna miẹn ẹsọn hẹẹ. Asọn kevbe avan, ọre ima ya gha winna ne ima ghẹ miẹn ehe na gha re emwi idobọ ne uwa, vbe ẹghẹ ne ima na kpe orhu nene Iyẹn Ne ọ maa ma uwa.

II Tẹsalonaika 3:8

Ma ma miẹn eghọ ọmwaikọmwa vbe ne ima ma na ha osa yọ, vberriọ te ima gha winna, a na gha miẹn ẹsọn, asọn kevbe avan, ọ re ima ya gha winna, ne a ghẹ do khian osa ye ọmwaikọmwa urhu vbe uwu uwa.

II Timoti 2:10

Ọna ọre ọ si ẹe, ne I na ya egbe miẹn emwi hia, rhunmwuda, emwa ne a hannọ zẹ ọghe Osanobua, ne imiẹnfan ne ọ rre uwu Jesu Kristi sẹtin vbe sẹ iran obọ, ke ẹe kevbe uyi etẹbitẹ.

Hibru 12:4

Rhunmwuda, vbe uwu igbinna ne uwa gu orukhọ gbinna, ọ ma he sẹ egbe ne a ghi na te ra gbele uwa a.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

Arhie Maan 2:3

U wa ziengbe emwi, u ye egbe miẹn ọlọghọmwa ni bun rhunmwuda mwẹ, sevba u ma zobọ vbọ.