Kọlose 1:28 - Edo Bible (E Baibol Ẹdo) Version 1996

²⁸ Rhunmwuda ọnii, ọre ima na kpe orhu Kristi ma emwa hia, ma ghi gha tama emwa hia ye otọ, ma ghi gha ma iran emwi vbe odẹ ẹwaẹn hia, ne a sẹtin lo, ne a miẹn ehe na rhie edọmwadẹ ọghọe gha die odaro Osanobua zẹ vbe ọmwa ne ọ si uwan nẹ, vbe uwu a ya egbe ba Kristi.

Kọlose 1:28 ပူးပေါင်းရင်းမြစ်များ

Ẹzra 7:25

“Wẹ ne Ẹzra, u ghi lo ẹwaẹn ne Osanobua ruẹ rhie nuẹn, ne u zẹ iran ni khaemwisẹ kevbe ni bu ohiẹn, ne iran gha gbearoghe avbe emwa hia ni lele Uhi Osanobua ruẹ ru emwi vbe odẹ Orrie e Yufretes. U ghi ma iran hia uhi nii ighẹ avbe emwa ni ma he te ka rẹn ọnrẹn.

Itan 8:5

Wa ma he ye si uwan ra? Wa ruẹ ne uwa si uwan. Akpa wa khin ra. Wa ruẹ ne uwa gha wan.

Asan-Ibo 12:9

Sokpan, rhunmwuda ighe umẹwaẹn ọ re Asan-ibo khin, ọ keghi ma emwa emwi ne irẹn rẹnrẹn. Ọ ruẹ avbe itan kevbe uyinmwẹ ne ẹ i ru ero, ọ keghi vbe danmwẹ avbe ẹmwata ni rrọ ghe.

Jerimaia 3:15

I gha viọ enikhaemwisẹ ni họn ẹmwẹ mwẹ ne uwa, iran gha ya ẹwaẹn kevbe irẹnmwi khaemwisẹ yan uwa.

Jerimaia 6:10

Mẹ keghi wanniẹn wẹẹ, “Deghẹ mẹ gu iran guan, I na gha bu iran ude, gha ọ ra danmwehọ mwẹ yi? Iran ze vbe udu, iran he ne iran danmwehọ uhunmwu ne u gie, iran ghi gha giẹ ye ẹmwẹ ne u wẹ ne I tama iran.

Ezikiẹl 7:10

Ẹdẹ ọfuan dee. Uyinmwẹ ikẹtin ra gba ehehia. Itengbemu hin ukpo ne ọ yo.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Matiu 3:7

Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Matiu 5:48

Wa gha re emwa ne uyinmwẹ ọnrẹn gbae, zẹẹ vbene Erha uwa ne ọ rre ẹrinmwi vbe re ne uyinmwẹ ọnrẹn gbae.”

Iyẹn ne ọ Maan Ọghe Mak 6:34

Ugbẹn vbe Jesu ghi ke uwu okọ ladian, ọ miẹn emwa ni gbe ẹbu nii, ohan iran keghi to ẹe ẹsẹse rhunmwuda iran ye vbe ohuan ne ẹ i mwẹ ne ọ su ẹe. Ọ kevbe suẹn gha ma iran emwi ni bun ẹsẹse.

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iwinna 10:36

Wa rẹn uhunmwu ne ọ gie gie emwa Izrẹl ne ọ na gha wewe Iyẹn Ne ọ maa ọghe ọfumwegbe la ekpa Jesu Kristi ne ọre Nọyan emwa hia.

Iwinna 11:20

Sokpan ivbi iyayi eso ni ke Saiprọs kevbe Sairin rre kegha rrie Antiọk, iran keghi vbe ya kpe orhu ma emwa eso ne ẹ i re Ju, iran kegha ta ẹmwẹ Iyẹn Ne ọ maa ọghe Nọyaẹnmwa Jesu ma iran.

Iwinna 13:38

Wa hia fẹrẹ, wa ne etẹn mwẹ, Ọ kere ne uwa rẹn nian vbe ne aro na da ẹe wẹ, Jesu ọre a la obọ ẹre rhie iyẹn a ya orukhọ bọ, bu uwa gha dee. Wa ghi vbe rẹn wẹ ọmwaikọmwa ne ọ yae yi, a fan ẹn fua nẹ hin obọ orukhọ hia rre, ehe ne Uhi e Mosis ma na sẹtin fannọ uwa kua.

Iwinna 17:18

Avbe ọmamwaemwi Epikurian kevbe Stoik eso keghi vbe guee gha muan ẹmwẹ. Eso vbọ kegha kha wẹ, “De emwi ne ole unu na vbe miẹn gha ta yi?” Eso vbọ keghi vbe kha wẹ, “Ọ ye vbe ẹmwẹ ẹbọ ne ima mannọẹn ọre ọ ta.” Emwi ne ọ ye iran ta ẹmwẹ na ọrọre wẹ te Pọl gha kpe orhu Jesu kevbe arhiọkpaegbe.

Iwinna 17:3

Ọ kegha rhan otọ ẹre, ọ kegha rhie ma wẹẹ ẹ i mwẹ ne Mẹzaia ghẹ rri oya kevbe ne a vbe huẹn ọnrẹn kapo vbe idin. Pọl keghi kha wẹẹ, “Jesu na ne I ta ẹmwẹ ọnrẹn ma uwa na, ọrọre nene Mẹzaia.”

Iwinna 20:31

Rhunmwuda ọnii, wa khẹ ye egbe, wa ghi yerre wẹ ukpo eha gbalaka ọre I ya gha ma edọmwadẹ ọghọe vbe uwu uwa emwi vbe asọn kevbe avan ke imẹ ke ameve.

Iwinna 3:20

Vberriọ ọre ẹghẹ iwo vbe egbe orhiọn, gha na ke ehe ne Nọyaẹnmwẹ ye gha dee, ne ọ miẹn ehe na gie Jesu ne ọre Mẹzaia ne irẹn zẹe ye otọ ne uwa nẹ gha dee.

Iwinna 5:42

Iran kegha yo Ọgua Osa ugbugbẹhia. iran keghi vbe gha ya dọmwadẹ owa ya gha ma emwa emwi kevbe ne iran gha kpe orhu Iyẹn Ne ọ maa ọghe Jesu ne Mẹzaia.

Iwinna 8:35

Filip keghi suẹn gha guan, ọ ke ehe ne ọ tie re vbe ebe na la rọ, ọ na kpe orhu Iyẹn Ne ọ maa ọghe Jesu ma rẹn.

Iwinna 8:5

Filip kegha rrie adesẹ ore ẹvbo Sameria, ọ ya kpe orhu ẹmwẹ Mẹzaia ma emwa ni rre evba.

Iwinna 9:20

Ọ keghi wa gha lele Ọgua ediọn iran khian, ọ na gha kpe orhu Jesu, ọ wẹẹ, “Rẹn ọrọre Ovbi Osanobua.”

Ebe ne Pọl gbẹẹn gie emwa Rom 16:25

Gie ima rhie uyi ne Osanobua! Rẹn gha sẹtin ya uwa mudia gbain vbe iyayi uwa, zẹ vbe Iyẹn Ne ọ maa ne I kpe orhu ẹre ighẹ ẹmwẹ Jesu Kristi, kevbe zẹ vbe ẹmwata ne a rhie lẹre ne ẹkpo i mwẹ arria gha dee, ne a miẹn nian wẹ ọ vẹe ne a rẹn.

I Kọrinti 1:23

Sokpan, Jesu vbe uhunmwu ugbugbe ma kpe orhu ẹre, ẹmwẹ ne ọ mu avbe Ju ohu, nọ vbe re ẹmwẹ eghẹrẹ vbe obọ iran ne ẹ i re Ju.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

I Kọrinti 12:8

Orhiọn ni ghi ya ẹmwẹ ẹwaẹn ne a guan we arhin ọkpa, vbe ne Orhiọn nii na vbe ya ẹmwẹ irẹnmwi we ọmwa ọvbehe.

I Kọrinti 15:12

Banbanna nian, ugbẹn vbe a miẹn wẹ emwi ne ima kpe orhu ẹre ma uwa ọrọre wẹ, a huẹn Jesu kpaegbe vbe idin nẹ, vbe eso vbe uwu uwa a ghi na vbe kha hẹ wẹ, a i ra huẹn avbe orinmwi kpaegbe?

I Kọrinti 2:15

Ọmwa ne ọ mwẹ Orhiọn Ne Ọ Huanrẹn, ọ re ọ sẹtin rẹn uyi ne ọ rre emwi hia egbe, sokpan ọmwa ne ọ sẹtin bu ohiẹn irẹn, ẹ i rrọọ.

I Kọrinti 2:6

Vbene ọ rhirhi gha ye hẹẹ, I vbe ye ẹmwẹ ne ọ dinmwi gu iran ni dido nẹ vbe ẹmwẹ emwi ni re ọghe orhiọn guan. Sokpan ẹ i re ẹwaẹn ẹmwẹ agbọn na, ra ọghe avbe ẹtin ni rre ọdakha vbe agbọn na, avbe ẹtin iran ra fafaa.

I Kọrinti 4:14

Ẹ i re wẹ te I ho ne ekhue mu uwa ọre I na gbẹn ebe vbe nian gie uwa, te I ru ẹe ne I ya bu uwa ude zẹ vbe ivbi mwẹ ni ghan mẹ.

II Kọrinti 10:14

Vbene a ghi na miẹn wẹ uwu ẹkpo nii ọre uwa ye, ma ma fian uwu rra vbe ima rhie Iyẹn Ne ọ maa vbe ekpa Kristi bu uwa gha dee.

II Kọrinti 11:2

Ẹmwẹ uwa ọre ọ da mwẹ zẹ vbene ẹmwẹ uwa vbe da Osanobua, rhunmwuda te uwa ye vbe uvbi ne ọ ma he sakan ne imẹ ya ne okpia ọkpa kẹkan, ọnii nọ wẹ Kristi tobọ ẹre.

II Kọrinti 4:5

Rhunmwuda, ẹ i re egbe ima ma kpe orhu ẹre, ma kpe orhu Jesu Kristi zẹ vbe Nọyaẹnmwa, kevbe ima tobọ mwa zẹ vbe eguọmwadia uwa vbe ekpa Jesu.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Ẹfisọs 5:27

Ne ọ miẹn ehe na rhie esọsi gi egbe irẹn, ke ẹe kevbe ose ẹre hia, ne ọ huanrẹn kevbe ne ẹ i mwẹ okan, ne emwi ma sa, ne ọ ma bunnọ ikuẹnkuẹn, kevbe ne ẹ i mwẹ ehe ne ọ kẹe yi hiehiere.

Diuteronomi 4:5

“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.

Kọlose 1:22

Sokpan banbanna nian, rhunmwuda uwu ikinnegbe ne Ovbi ẹre wu, Osanobua ya uwa khian esiọre nẹ, ne ọ miẹn ehe na viọ uwa gha die odaro egbe ẹre, vbe ne ọ huanrẹn, ne ẹ i mwẹ iruẹn kevbe ne ẹ i mwẹ abe.

Kọlose 2:10

A keghi ru ẹdẹ agbọn uwa enọgbae rhunmwuda ighẹ, wa ya egbe ba irẹn. Obọ irẹn ọre ọ ke ukhunmwu ne avbe orhiọn ẹrinmwi ni dakha kevbe iran ni rre asẹ.

Kọlose 2:3

Rẹn ọrọre isahẹn ne ọ sẹtin kie aza emwi ighobioye ne a viọ lẹre hia, ọghe irẹnmwi kevbe ẹwaẹn Osanobua.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

Kọlose 4:12

Ẹpafras ne ọ vbe re ọkpa vbe uwu uwa, kevbe ne ọ vbe re ọguọmwadia Jesu Kristi we uwa do. Ẹghẹ hia ọre ọ wa ya kakabọ na erhunmwu ne uwa, ọ ghi gha rinmwian Osanobua ne ọ gie uwa mudia gbain, ne uwa si uwan, ne ọ la uwa ekhọe fo, vbe uwu ne a na wa ru iho ẹre.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

I Timoti 3:2

Ọ kere ne Ọkaolotu esọsi gha re ọmwa ne ẹ i mwẹ abaku ru, ọ ghi gha mwẹ okhuo ọkpa kẹkan, ọ ghi gha re ọmwa ne aro hianrẹn, kevbe ne ọ rẹn enegbe, kevbe ne ọ ru emwi uhẹn uhẹn, ọ ghi gha miẹn avbe erhunmwuyẹn yi vbe owa ẹre, ọ ghi sẹtin gha ma emwa emwi.

Hibru 10:14

Ọ keghi ye ese ne ọ zọ re uhukpa kẹkan ya iran khian ni huanrẹn ighẹ avbe iran ni huan hin orukhọ rre.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

II Pita 3:15

Wa gha ka i ziengbe Nọyaẹnmwa ye ẹkpo otọ ne ọ rhie ne uwa, ne a ya miẹn uwa fan, zẹ vbene ọtẹn mwa ighẹ Pọl ya ẹwaẹn ne Osanobua rhie nẹẹn gbẹn ebe ẹre gie uwa.