Kọlose 1:26 - Edo Bible (E Baibol Ẹdo) Version 1996

²⁶ Ọna ọrọre emwi oro ne ọ rhie lẹre ne agbọn ke ne ẹkpo i mwẹ arria gha dee, sokpan ọ keghi do wẹ rua ma emwa irẹn vbe ẹghẹ na nian.

Kọlose 1:26 ပူးပေါင်းရင်းမြစ်များ

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Matiu 13:11

Jesu wanniẹn tama iran wẹẹ, “Wa na ọre a ta ẹmwẹ oro Arriọba Osanobua ma ighẹ ẹ i re iran ni.

Matiu 20:7

Iran wanniẹn tama rẹn wẹẹ, ‘Ma ma miẹn ọmwa ne ọ viọ ima ye iwinna.’ Ọ khama iran wẹẹ, ‘Wa vbe gha rrie ugbo mwẹ khekherriọ.’

Iyẹn ne ọ Maan Ọghe Mak 4:11

Jesu wanniẹn tama iran wẹẹ, “Wa na ọre a ta oro ẹmwẹ Arriọba Osanobua ma sokpan, iran hia ni rre ore, itan ọre a ya gu iran guan.

Iyẹn ne ọ Maan Ọghe Luk 8:10

Jesu keghi wanniẹn wẹẹ, “A rhie ne uwa nẹ ne uwa rẹn oro ne ọ rre ẹmwẹ Arriọba Osanobua, sokpan itan ọre a ya tae ma emwa ọvbehe ne a miẹn wẹ iran gha tọn aro yọọ, sokpan iran i dẹghe, iran gha danmwehọ sokpan iran i rẹn evba yae kha.

I Kọrinti 2:7

Ẹmwẹ ẹwaẹn ne I guan keghi re ẹmwẹ oro ẹwaẹn Osanobua, ne a rhie lẹre ne emwa ne agbọn, ne Osanobua mwamwaẹn, ne ọ ya mu uyi ye ima egbe, uhin vbe a te do yi agbọn na.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

Kọlose 4:3

Vbe uwu ẹre nii, wa. vbe gha na erhunmwu ne ima, wẹ ne Osanobua rhie ẹkpotọ ne ọ maa ne ima ya kpe orhu iyẹn ne ọ maa ọghọe, ne a miẹn ehe na ta oro ẹmwẹ Kristi, rhunmwuda, ọnii ọ zẹe ne I na rre uwu eghan na.

II Timoti 1:10

Sokpan banbanna nian, te a ghi do rhie ẹre ma ima, vbe uwu urremwẹ Kristi Jesu, ne Ọmiọnmwafan mwa. Rhunmwuda, Kristi khuọn ẹtin uwu ua nẹ, ọ keghi vbe la ekpa nene iyẹn ne ọ maa rhie agbọn a i wu ẹdẹ ma emwa.