Kọlose 1:21 - Edo Bible (E Baibol Ẹdo) Version 1996

²¹ Vbe ẹghẹ ọkpa, wa keghi te wa khian rrei ne Osanobua, wa na ya eghian su ẹe vbe ekpa emwi dan ne uwa roro kevbe ne uwa ru.

Kọlose 1:21 ပူးပေါင်းရင်းမြစ်များ

II Samuẹl 22:24

Rẹn rẹnrẹn wẹ, I i mwẹ ozan, rhunmwuda, I bi egbe hin emwi dan rre.

Ezikiẹl 14:5

Avbe ẹbọ nii ni ye ivbi Izrẹl fi iyeke gbe mwẹ, sokpan, I yayi wẹ ewanniẹn ne I gha rhie ne iran gha ya iran dọlegbe bu mwẹ rre.

Ebe ne Pọl gbẹẹn gie emwa Rom 1:30

Iran ta ewẹwẹwẹ, iran ta egbe ọtakhọ, iran khui iwu Osanobua, iran zẹ vbe udu, iran tọn egbe mu, iran rhuọ, iran ghi gha gualọ iba ọgbọn ne iran gha zẹ, iran i họn ẹmwẹ ne evbibiẹ iran.

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

Ẹfisọs 2:15

Ọ keghi gbe ukhu ẹre ua ighẹ nene uhi avbe Ju, deba iyi kevbe ilele ne ọ rrọọ, ne ọ miẹn ehe na ya ẹwae eva na, khian emwa ọkpa ọghọgbọn deba egbe irẹn, ne ọ gha re ne ọ ya ru adọlọ.

Ẹfisọs 2:19

Rhunmwuda ọnii nian, wa ne ẹ i re Ju i ghi re ọrriọvbe ra orhunmwuyẹn ọvbehe, ivbi ẹvbo ọkpa wa ghi gu emwa Osanobua khin, wa keghi vbe re ivbi ẹgbẹe Osanobua.

Ẹfisọs 4:18

Ekhọe iran keghi vbe rre uwu ebiebi. Iran i mwẹ oghae vbe ẹdẹ agbọn ne Osanobua ya ru ọmwa ẹse, rhunmwuda iran ma zẹdẹ rẹn ne a ye, iran keghi vbe ze vbe udu.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?