Kọlose 1:19 - Edo Bible (E Baibol Ẹdo) Version 1996

¹⁹ Rhunmwuda Osanobua tobọ ẹre ọre ọ mwamwa ẹn wẹ ne emwi ne Osa ya re Osa hia wa vbe gba ne Ọmọ.

Kọlose 1:19 ပူးပေါင်းရင်းမြစ်များ

Iyẹn ne ọ Maan Ọghe Luk 10:21

Ẹghẹ ni ọre Jesu na vuọn ne oghọghọ vbekpa Orhiọn Ne ọ huanrẹn, ọ wẹẹ, “Evbavba Nọyan ẹrinmwi kevbe agbọn, I kpọnmwẹ ọn rhunmwuda, emwi ne u mu lẹre ne iran ni rẹn emwi, ọre u do mu ma iran ni ma rẹn emwi rhọkpa na. Ekhọe obọ ruẹ Ọre u ya ru ẹe vbe ne ọ yẹ ruẹ.

Iyẹn ne ọ Maan Ọghe Jọn 1:16

Uwu uvuọnmwẹ ẹsọhẹ ọghọe, ọre ọ na fiangbe ima hia, ọ na gha kun afiangbe yan afiangbe ne ima.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

I Kọrinti 1:21

Rhunmwuda Osanobua, vbe ekpa ẹwaẹn ne ọ wanrẹn, ọ keghi ru ẹe wẹ ne emwa ne agbọn i ghẹ sẹtin ya ẹwaẹn iran gualọ irẹn miẹn, sokpan, Osanobua keghi wẹẹ, ikpẹ orhu “akpa” ne ima kpe, ọre irẹn gha la ekpa ẹre miẹn iran ni yayi fan.

Ẹfisọs 1:23

Egbe Kristi ọre esọsi khin, ne ọ re ne a ya gbe vuọn rẹn nii, ne ọ re ne a ya gbe vuọn emwi hia vbe ehe hia.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Ẹfisọs 1:5

Osanobua tae nẹ wẹ vbe ekpa Jesu Kristi, rẹn gha silo ima rrie egbe ne ima do gha re ivbi ẹre, vbene ọ yẹ ọre, kevbe vbene ọ mwamwa ẹn ọre ọna khin.

Ẹfisọs 4:10

Ọnii nọ wẹ, ọmwa ne ọ tuorre, ọre ọ vbe hin odukhunmwu vbe odukhunmwu kevbe gberra avbe, ẹrinmwi ne ọ miẹn ehe na ya aguọmwarrọ ọghọe vuọn agbọn kevbe ẹrinmwi.

Kọlose 2:3

Rẹn ọrọre isahẹn ne ọ sẹtin kie aza emwi ighobioye ne a viọ lẹre hia, ọghe irẹnmwi kevbe ẹwaẹn Osanobua.

Kọlose 2:9

Rhunmwuda emwi hia ne ọ ghi rre uwu a i ya egbe ta Osa hia, ta ọ gbae vbe egbe Kristi, zẹ vbe ọmwa.

Kọlose 3:11

Rhunmwuda ọnọna nian, ọmwa ne ẹ i re Ju ra ọmwa ne ọ re Ju i ghi rrọọ, ne ọ rhuẹre ra ne ọ ma rhuẹ, ighọnmighọn, edigue aranmwẹ oha, eviẹn ra iran ni yan egbe iran ẹ i ghi rrọọ, sokpan Kristi ọrọre ehia, Kristi rre uwu iran hia!