Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kọlose 1:18 - Edo Bible (E Baibol Ẹdo) Version 1996

18 Rẹn ọrọre uhunmwu ra arowa esọsi ẹre, ne ọ re ikinnegbe ẹre, obọ ẹre ọre arrọọ ne ikinnegbe nii mwẹ, ke rre, rẹn ọrọre Ọmọdiọn ne a huẹn kpaegbe vbe orinmwi, ne a miẹn ehe na miẹn wẹ, rẹn ọre ọ rre ukpo ne okaro vbe uwu emwi hia.

အခန်းကိုကြည့်ပါ။ ကော်ပီ




Kọlose 1:18
36 ပူးပေါင်းရင်းမြစ်များ  

I gha ya ẹe ru ovbi mwẹ nokpia ne ọdiọn, ne ọ kpọlọ sẹ vbe uwu avbe ọba hia.


Enida mwẹ mose, ọ vbe wegbe, a i miẹn egbe irẹn gberra okpa vbe uwu arhin arriaisẹn igbe.


E Nọyaẹnmwa khare wẹẹ, “Ọguọmwadia mwẹ gha miẹn ọ dunnaẹn vbe iwinna ne a wa ne ẹẹn; a gha ya ọghọ nọkhua ne ẹẹn.


Wa ghẹ gie a gha tie uwa ‘Ọmamwaemwi’ rhunmwuda etẹn ọkpa wa hia khin, Ọmamwaemwi ọkpa ọre uwa vbe mwẹ.


Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.


Vbe a te do yi agbọn na, Ẹmwẹ ne a guan rrọọ nẹ, rẹn keghi deba Osanobua gha rrọọ, emwi ne Osanobua khin ọre irẹn vbe gha khin.


Uwu uvuọnmwẹ ẹsọhẹ ọghọe, ọre ọ na fiangbe ima hia, ọ na gha kun afiangbe yan afiangbe ne ima.


Rẹn ọ re ọ khian rre lele mwẹ sokpan mẹ ma sẹ ne ọ gha ban re ibata.”


Wẹ rẹ e Mẹzaia gha rri oya, ọ ghi vbe do gha re ọmwa ne okaro ne a gha huẹn kpaegbe vbe idin, ne ọ do ta ẹmwẹ uwanmwẹ imiẹnfan ma avbe Ju kevbe iran ne ẹ i re Ju.”


Rhunmwuda avbe iran ne Osanobua hannọ zẹ nẹ, ọre irẹn vbe viọ ye efọnkpa ne iran do ye vbe Ovbi ẹre, ne Ọmọ miẹn ehe na do gha re okaro vbe uwu ẹbu etẹn ni bun.


Sokpan I ho ne uwa rẹn wẹ, Kristi kpọlọ sẹ emwa hia fẹẹrẹ, ọdọ ọre ọ kpọlọ sẹ amwẹ ọnrẹn, Osanobua keghi vbe sẹ Kristi.


Rhunmwuda ọnii, egbe Kristi ọre uwa hia khin, orhiọn ọkpọkpa keghi vbe re efẹn ọkpa vbọ.


Rhunmwuda, ẹ i mwẹ Kristi ma gha khaemwisẹ rhinrin Osanobua te do khọn miotọ vbe uhunmwu eghian hia, ọ ghi vbe viọ ehia ye ototọ owẹ ọre.


Emwi ne Osanobua mwamwa ẹn, ne ọ ra vbe musẹ vbe ẹghẹ a sẹ, ọrọre wẹ, ne ọ do viọ emwi na yi hia ni rre ẹrinmwi kevbe agbọn, kugbe ba Kristi zẹ vbe uhunmwu uta ehia.


Ọdọ mwẹ ẹtin vbe uhunmwu amwẹ ọnrẹn, zẹ vbene Kristi mwẹ ẹtin vbe uhunmwu esọsi, Kristi tobọ ẹre ọrọre Ọmiọnmwafan esọsi ne ọre egbe ẹre.


Banbanna nian, ọyẹnmwẹ wa sẹ mwẹ rhunmwuda oya ne I re ne uwa. Rhunmwuda, vbe ekpa oya ne I re vbe ikinnegbe na, te I ghi do gbe vuọn rẹn ne ọ miẹn ehe na gba ighẹ ne ọ ghi te kẹe yi vbe oya ne Kristi re ne ikinnegbe ẹre, ọnii nọ wẹ esọsi.


Ẹ i ghi re igbinna ọghe Kristi ne ọ re ẹzi ehia rẹn ghi ye. Vbe ekpa ọdakha Kristi, a ghi gha koko egbe hia, a ghi vbe dee akhuẹn kevbe inian ni rrọọ hia kugbe, ọ ghi vbe do waan zẹ vbe ne Osanobua ho ẹre yi.


Ẹmwẹ arrọọ ne ọ wa rrọọ ke omuhẹn gha dee, ọre ima gbẹn ebe ẹre gie uwa na. Ma họẹn nẹ, ma ye aro ima miẹn ọẹn, vbe ẹmwata, te ima miẹn ọẹn, ma na vbe ye obọ kan rẹn.


Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.


Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.


“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.


Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”


Rẹn keghi kha wẹẹ, “A ru nẹ, Mẹ ọrọre Alfa kevbe Omega, omuhẹn kevbe ufomwẹ. Ọmwaikọmwa ne ohanmwẹ amẹ gbe I gha sa nẹẹn wọn ọghe ọhẹ vbe amẹ ne ọ ke uhunmwu ẹzẹ ẹfe ni rre.


Mẹ ọrọre Alfa Kevbe Omega, okaro kevbe okiekie, omuhẹn kevbe ufomwẹ.”


“Gbẹn ebe gie odibosa ne ọ rre Laodisia wẹ: “Uhunmwu ne ọ gie rre ọ na khin ighẹ Isẹ, osẹe ẹmwata, kevbe ọghe uhunmwu ẹmwẹ, ọmwa ne ọre ehe ne emwi hia ne Osanobua yi ke rre.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ