Kọlose 1:12 - Edo Bible (E Baibol Ẹdo) Version 1996

¹² Wa vbe ye oghọghọ gha rhie ekpọnmwẹ ne Evbavba, ne ọ ye uwa khian ne ọ kere ne ọ gha mwẹ oghae vbe uwu avbe emwi ne Osanobua viọ hinrre khẹ emwa vbe arriọba uwanmwẹ.

Kọlose 1:12 ပူးပေါင်းရင်းမြစ်များ

I Ọba 6:7

Okuta ne a ya bọ owa nii, ehe ne a na giagia okuta ọ re a na ka ehia, sẹrriọ wẹ a ma ghi họn owogho rhọkpa ọghe umọmọ ra ughanmwa ra ematọn ne a ya ka emwi rhọkpa vbe ehe ne a na bọ Ọgua Osa nii.

I Krọnikol 29:20

Ẹre Devid ghi na tama emwa ni hia wẹẹ, “Wa rho e Nọyaẹnmwa Osanobua uwa!” Emwa ni hia ni si koko ye evba keghi wa rho e Nọyaẹnmwa ne Osanobua avbe erha iran odede. Iran keghi ye uhunmwu rhanmwẹ otọ iran na ya ọghọ ne Nọyaẹnmwa kevbe ne ọba.

Psalm 116:7

Ghẹ ghi fian afianma, wẹ ekhọe mwẹ, rhunmwuda, e Nọyaẹnmwa ru mwẹ ẹse nẹ.

Psalm 36:9

Ehe ne u ye ọ re arrọọ hia ke rre, uwanmwẹ ruẹn ọ re ima ya bẹghe.

Psalm 79:13

Ẹghẹ nii, ma ne emwa ruẹn ne ohuan oghẹn ruẹn gha kpọnmwẹ ọn ẹdẹdẹmwẹdẹ ma ghi vbe gha rho ruẹ la ẹdẹ ni dee hia.

Psalm 97:11

Uwanmwẹ wan mu ọmwata, kevbe oghọghọ, yan ọmwa esi.

Itan 16:1

Ma sẹtin gha mwamwa emwamwa ọghe obọ mwa sokpan, e Nọyaẹnmwa ọ re ọ ta ọfo yọ.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Daniẹl 2:23

I rho ruẹ, I ya ọghọ nuẹn Osanobua enikaro mwẹ u rhie ẹwaẹn kevbe ẹtin mẹ nẹ u họn erhunmwu mwẹ nẹ u na vbe tama ima, emwi ne a gha tama ọba.”

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iyẹn ne ọ Maan Ọghe Jọn 4:23

Sokpan ẹghẹ nii dee, ọ vbe sẹ otọ nẹ ne iran ni mobọ ga, gha na ga Evbavba vbe orhiọn kevbe ẹmwata. Egbe emwa nii ga vberriọ ọre Evbavba ho ne ọ gha gae.

Iwinna 20:32

“Wanwanna, I viọ uwa ne Osanobua gha su deba ẹmwẹ ẹsọhẹ ọghọe. Rẹn gha sẹtin ye uwa digiẹ, ọ ghi vbe rhie afiangbe ne ọ viọ khẹ emwa rẹn hia ne uwa.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Ebe ne Pọl gbẹẹn gie emwa Rom 11:17

A ghi giagia ahọ eso kua vbe erhan ohọ ne a kọe, a keghi do mu abọ erhan ohọ ni rre oha mama yọ. Wa ne ẹ i re Ju, te uwa yevbe erhan ohọ ni rre oha nii, wanwan nian, agbọn ẹfe kevbe ne ọ mwẹ ẹtin ne ọre ọghe avbe Ju, sẹ uwa obọ.

Ebe ne Pọl gbẹẹn gie emwa Rom 15:27

Iran ọre ọ tobọ iran kha ighẹ iran ra ruẹe, sokpan ne a ta ẹmwata, te ọ bi ye iran egbe ne iran ye avbe ivbiogue nii obọ. Rhunmwuda avbe Ju ghae afiangbe ọghe orhiọn iran sẹ iran ne ẹ i re Ju obọ. Rhunmwuda ọnii, te ọ vbe kei ne iran ne ẹ i re Ju vbe ya emwi afiangbe ne ọ re ọghe egbe ne iran mwẹ, ga avbe Ju.

Ebe ne Pọl gbẹẹn gie emwa Rom 8:17

Vbene ima ghi na rre ivbi ẹre, afiangbe ẹre ne ọ rhie khẹ emwa rẹn, gha khian ọghomwa, ma ghi vbe gu Kristi gha mwẹ oghae vbe avbe emwi ne ọ hẹ khẹ ọre, rhunmwuda deghẹ ma ghae vbe oya Kristi, ma gha vbe ghae vbe uyi ẹre.

Ebe ne Pọl gbẹẹn gie emwa Rom 9:23

Ọ keghi vbe gha ho ne ọ rhie ẹre ne a miẹn ighẹ ukpọlọmwẹ uyi ẹre ne ọ tue yan ima ne ọ wẹ ne irẹn tohan rẹn, ma ne ọ hannọ ye otọ nẹ ne uyi ẹre sẹ ima obọ.

I Kọrinti 8:6

Sokpan Osanobua ọkpa ma mwẹ, ọnii ọ re Evbavba ne ọ yi emwi hia, ọmwa ne ima rre agbọn na, Nọyaẹnmwa ọkpa kẹkan ọre ọ vbe rrọọ, ọnii ọrọre Jesu Kristi, ọmwa ne a la ekpa ẹre yi emwi hia, ọmwa ne ima la ekpa ẹre vbe rre agbọn.

I Kọrinti 9:23

Rhunmwuda iyẹn ne ọ maa ọre I na ru avbe emwi na hia, ne a miẹn ehe na ghae sẹ mwẹ obọ vbe afiangbe ne ọ rrọọ.

II Kọrinti 11:14

Ọsughe i re emwa hiehiere, uhin ighẹ Setan tobọ ẹre sẹtin fi egbe werriẹ do gha ye vbe odibosa uwanmwẹ.

II Kọrinti 5:5

Osanobua ọre ọ mwamwa afiwerriẹ na ne ima, ọ keghi rhie orhiọn rẹn ne ima zẹ vbe ama ne ima gha ya ya aro ye emwi ne ọ rhie khẹ mwa.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Ẹfisọs 2:18

Vbe ekpa Jesu Kristi, ọre ima hia, ke Ju kevbe ne ẹ i re Ju, ne a sẹtin ya Orhiọn Osanobua ọkpa nii gha die odaro Evbavba.

Ẹfisọs 3:6

Nene oro ọ na khin wẹẹ, rhunmwuda iyẹn ne ọ maa, iran ne ẹ i re Ju, vbe gu iran ne Ju ghae vbe afiangbe Osanobua ina egbe ọkpa nii ọre iran hia khin, iran vbe mwẹ oghae vbe emwi ne Osanobua la ekpa Kristi Jesu ve.

Ẹfisọs 4:6

Osanobua kevbe Erha mwa hia ọkpa, ọre ọ rrọọ, rẹn ọ vbe yan ehia, ne ọ ya ehia winna, kevbe ne ọ rre uwu ehia.

Ẹfisọs 5:11

Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

Ẹfisọs 5:20

Gha kpọnmwẹ Osanobua ne Erha emwi hia vbe ẹghẹ hia, vbe eni Nọyaẹnmwa Jesu Kristi.

Ẹfisọs 5:4

Erriọ ọre ọ ma vbe zẹdẹ ma ne uwa ne uwa gha ta ẹmwẹ ihi, ẹmwẹ akpa, ra ẹmwẹ iruẹn. Sokpan te ọ kere ne uwa gha rhie ekpọnmwẹ ne Osanobua.

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

Kọlose 3:15

Ọfumwegbe ne Kristi rhie ne ọmwa, ọre ọ kere ne ogha re ne ọ buohiẹn vbe uwu ekhọe uwa, rhunmwuda, ọfumwegbe na ọre Osanobua tie uwa kugbe ba vbe ẹgbẹe ọkpa nii. Wa vbe gha kpọnmwẹ.

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 12:23

Wa kegha die uwu ẹbu oghọghọ ivbi Osanobua nii, ke aro emwa ne a gbẹnnẹ eni iran ye otọ vbe ẹrinmwi. Wa keghi hu Osanobua ne ọre ne ọ bu ohiẹn emwa hia gha dee ke ẹe kevbe orhiọn avbe emwa ẹmwata ne a ya khian ne ọ fo na.

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

Jems 3:9

Rọẹn ni ọre a ya kpọnmwẹ Nọyaẹnmwa kevbe Erha mwa. rọẹn ọre a vbe ya rhovbiẹ emwa ne agbọn ne iho mwa, emwa ne a yi zẹ vbe ama Osanobua.

I Pita 5:1

I mu egbe rri otọ rinmwian avbe ediọn esọsi ni rre uwu uwa, mẹ tobọ mwẹ ne ọ vbe re ediọn, aro mwẹ sẹ oya ne Kristi re, ọ gha vbe sẹ mwẹ obọ vbe uwu uyi ne a gha rhie maa, I mu egbe rri otọ rinmwian uwa.

I Jọn 1:3

Emwi ne aro mwa sẹe, kevbe ne ehọ mwa họẹn, ọre ima vbe tama uwa ne uwa miẹn ehe na ya egbe ba mwa vbe uwu ne ima na gu Evbavba mu obọ kevbe Ovbi ẹre ighẹ Jesu Kristi.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

Arhie Maan 22:14

Ọ maa ne iran ni họ ẹmwẹ iran huan sẹrriọ ne iran ghi na mwẹ ẹtin, ne iran gha ya re vbe ọmọ ne erhan ẹfe ni mọẹn, kevbe ne iran vbe la onurho la ẹvbo nii.

Arhie Maan 22:5

Asọn i ghi khian gha rrọọ ọvbehe, iran i ghi khian vbe gha gualọ ukpa ra ovẹn ne ọ yunmwu, rhunmwuda Nọyaẹnmwa ọre ọ khian gha re uwanmwẹ iran, iran gha khaemwisẹ zẹ vbe ọha ẹdẹ kevbe ẹdẹdẹmwẹdẹ.