Kọlose 1:11 - Edo Bible (E Baibol Ẹdo) Version 1996

¹¹ Te ẹtin ẹnrẹn hia, ne ọ ke uwu ẹtin uyi ẹre rre, gha ye uwa khian ne ọ wo vbe egbe, ne uwa miẹn ehe na sẹtin ye i ziengbe ye egbe miẹn emwi hia.

Kọlose 1:11 ပူးပေါင်းရင်းမြစ်များ

Psalm 63:2

Gun mwẹ bẹghe ruẹ vbe uwu owa ne ọ huanrẹn nii, gun mwẹ bẹghe vbene u mwẹ ẹtin kevbe uyi hẹ.

Ẹksọdọs 15:6

E Nọyaẹnmwa, ọyunnuan ọre ẹtin obọ erha ọmwa ruẹn khin, ọ guọghọ avbe eghian rẹnkhẹnrẹnkhẹn.

Itan 24:10

U gha ye gha vburriẹ vbe ẹghẹ asobọyegbe, evburriẹ ne evburriẹ ọ re u gele wa khin.

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 5:41

Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.

Ebe ne Pọl gbẹẹn gie emwa Rom 2:7

Emwa eso rrọọ ni winna iwinna esi khian, iran ghi gha gualọ uyi, kevbe ọghọ, kevbe ẹfe etẹbitẹ, Osanobua gha rhie ẹfe etẹbitẹ ne iran.

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

II Kọrinti 4:7

Sevba, ma ni mwẹ emwi ighobioye orhiọn na, te ima yevbe akhe kẹkan ne a ya obuẹ ma, ne a miẹn ehe na rhie ma wẹ, ẹtin ne ọ sẹ ehia, ọghe Osanobua nọ, ighẹ ẹ i re ọghe ọmwa.

Ẹfisọs 3:16

I ghi rinmwian Osanobua wẹ, vbe ekpa ukpọlọmwẹ uyi ẹre, ne ọ la ekpa Orhiọn ẹnrẹn rhie ẹtin ne uwa ne uwa ya wo vbe egbe vbe uwu egbe uwa.

Ẹfisọs 4:2

Wa gha mu egbe rriotọ, wa vbe fu, ne uwa vbe gha mwẹ i ziengbe vbe ẹghẹ hia. Wa gha rhie maa ighẹ wa ho ẹmwẹ egbe, vbe ekpa ne a na ru iyobọ ne egbe.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

II Pita 1:6

wa ghi rhie i ziengbe ba irẹnmwi uwa, wa ghi rhie amuwuegbe ba i ziengbe uwa, a ghi rhie a ru emwi vbene ọkhọ ọghe Osanobua ba amuwuegbe uwa,

Ebe ne Jud gbẹẹn 1:25

Ne Osanobua ọkpa kevbe Ọmiọnmwafan, la ekpa Jesu Kristi Nọyaẹnmwa, ọre uyi, ọdakha, ẹtin kevbe asẹ gha rrọọ na, ke orre ni gberra hia gha dee do sẹ wanwanna, ẹdẹ kevbe ẹdẹdẹmwẹdẹ. Isẹ.

Arhie Maan 14:12

I ziengbe ọre ọna nọ rẹn vbe obọ emwa Osanobua, iran ni lele uhi Osanobua ru emwi, ne iran na rhie gbe mu Jesu.