Jọsua 9:25 - Edo Bible (E Baibol Ẹdo) Version 1996

²⁵ Banbanna nian, atataobọ ruẹ ọ re ima ghi ye, emwi ne ọ ghi khọn ruẹn, ye ima ru.”

Jọsua 9:25 ပူးပေါင်းရင်းမြစ်များ

Gẹnẹsis 16:6

Ebram keghi wanniẹn wẹẹ, “Ọ wa maa nian, ọviọn ye nọ na, ototọ asẹ ruẹ ọre ọ ye, emwi ne ọ ghi khọn ruẹn yae ru.” Serai keghi rhunmwuda ọnii gha ru ẹe khọ, ọre Hega na lẹ kpao.

II Samuẹl 15:26

Sokpan, adeghẹ ẹmwẹ mwẹ ma ghi ye ọre, ọ maa, wẹ ne ọ ru mwẹ emwi ne ọ rre irẹn ekhọe.”

II Samuẹl 24:14

E Devid keghi wanniẹn, “Te I la ẹmwẹ na! Sokpan, I i ho ne emwa nagbọn rriọmwẹ oya. Gie Nọyaẹnmwa tobọ ẹre rri ima oya, rhunmwuda, ọ mwẹ itohan.”

II Ọba 10:5

Rhunmwuda ọnii, iran ni gbe aro ghe ẹguae, kevbe iran ni gbearoghe ore ẹvbo kevbe avbe ekamakodin ẹvbo nii, kevbe iran ni gbe aro ghe iran, keghi gie ne a tama e Jehu wẹẹ, “Eguọmwadia ruẹ ma khin, ma vbe mu egbe ne ima ya ru emwi ne u a rhirhi wẹ ne ima ru. Sokpan, ma i ma ọmwaikọmwa ọba; ru emwi ne uwẹ ghi rẹn ighẹ ọ ke sẹẹ.”

Aizaia 47:6

Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Jerimaia 26:14

Zẹ vbe ọghe imẹ, I rre uwa obọ nẹ! Wa ru mwẹ emwi ne uwa tobọ uwa rẹn wẹ ọ kere, ọ vbe hẹnhẹn.

Jerimaia 38:5

E Zedekaia ne ọba keghi wanniẹn wẹẹ, “Ọ maa khekherriọ, wa ru ẹe vbene uwa ho ne uwa ru ẹe, mẹ I ra da uwa obọ yi.”

Matiu 11:26

Erriọ wa nọ, Evba vba, vbene ọ yẹ ruẹ kevbe vbene ọ ke ekhọe ruẹ rre ọre u ru ẹe.

Jọsua 9:26

Ẹre Jọsua ghi na degue iran vbe obọ ivbi Izrẹl, ọma gie ivbi Izrẹl gbele iran an.

Giọgis 10:15

Sokpan ivbi Izrẹl keghi tama e Nọyaẹnmwa wẹẹ, “Ma rukhọ nẹ, ru emwi ne ọ rhirhi a yẹ ruẹ, sokpan, lahọ miẹn ima fan ẹrẹna.”

Giọgis 8:15

Ẹre Gidiọn na bu emwa Sukọt, ọ na khama iran wẹẹ, “Wa ye rre ẹghẹ ne uwa na yagha mwẹ! Wa na tama mwẹ wẹ, wa i rhie evbare ne avbe ivbi iyokuo mwẹ ne egbe wọ nẹ rhunmwuda obọ mwẹ ma he vba Zẹba kevbe Zalmuna. Banbanna nian, wa ghe iran!”

I Samuẹl 3:18

Ẹre Samuẹl na talọ emwi hia ma rẹn, ọ ma vbe ke ya vbọ hiehie. Elai keghi wanniẹn wẹẹ, “Rẹn ọrọre Nọyaẹnmwa, emwikemwi ne ọ kei sẹ vbe aro ẹre ọ re ọ ra ru.”