Jọsua 9:17 - Edo Bible (E Baibol Ẹdo) Version 1996

¹⁷ Ẹre ivbi Izrẹl na si okhian, vbe ẹdẹ ne ogieha, iran keghi sẹ ẹvbo ne avbe emwa nii ye: Gibiọn, Kiefira, Biirot kevbe kirriat Gierim.

Jọsua 9:17 ပူးပေါင်းရင်းမြစ်များ

II Samuẹl 4:2

Isbosiẹt kegha mwẹ arhin eva ni rre asẹ, iran ni ya gha fu emwi giẹe, iran na kegha re Baana kevbe Rekab ne ivbi e Rimọn ne ovbi ẹvbo ne a tie ẹre Biẹrot vbe ẹwae Bẹnjamin. (Otọe e Bẹnjamin ọ re a ka Biẹrot ba.

I Krọnikol 2:50

Ivbi uniẹn e Kelẹb ọ re ena vbe khin. E Họ kegha re ovbi e Kelẹb ne ọdiọn, deba amwẹ ọnrẹn ighẹ Efrat, E Siobal ne ovbi e Họ ne ọdiọn, ọ re ọ bu ẹvbo ne a tie ẹre kirriat Jearim.

I Krọnikol 2:52

E Siobal ne ọ bu e kirriat Jearim, ọre ọ gha re erha odede ọghe avbe emwa Harọe, kevbe obọkpa vbe a wa ẹvbo ni rre Menuhot ye ihe eva.

I Krọnikol 2:53

Deba avbe ẹwae na ni rre kirriat Jearim: Itrait, Putit, Siumat kevbe Misrait (Ẹwae na ọ re avbe emwa ni rre Zora ke Estao vbe khin.)

I Krọnikol 21:29

Ẹghẹ ne a kha na, Owa Ukpọn ne a ya rẹn wẹ e Nọyaẹnmwa rre evba ne Mosis ru vbe otọe ẹgbo, kevbe aka ne a na giẹn ese, owa ugamwẹ ne a na ga vbe Gibiọn, ọ re iran he ye ye.

Jerimaia 26:20

(Okpia okpa ọvbehe vbe gha rrọọ, Uraia ne ovbi e Siemaia vbe ẹvbo ne a tie ẹre kirriat Jerim ne ọ vbe ye eni e Nọyaẹnmwa guaan yan ẹvbo na ke uhunmwu ẹvbo zẹ vbene Jerimaia vbe ru.

Jọsua 10:2

Ohan keghi kakabọ mu emwa Jerusalẹm rhunmwuda, e Gibiọn kpọlọ vbe avbe ẹvbo nii ni ghi mwẹ ọha hia fẹẹrẹ, ọ vbe kpọlọ sẹẹ Eai, emwa ni vbe rrọọ, ivbiyokuo ni din ọ re iran khin.

Jọsua 15:60

Avbe kirriat Bal kevbe rrọọ (ra kirriat Jearim) deba ẹvbo eva deba ẹvbo ni lẹga iran.

Jọsua 15:9

Ọ keghi vbe ke uhunmwu oke nii kpao gha rrie Ivbiẹzẹ Nẹftoa, ọ na vbe la ghe odẹ ẹvbo ni rre ọkpẹn Oke Efrọn. Evba ọ ghi vbe ke mukhiẹn ghe odẹ Baala (ra kirriat Giearim.)

Jọsua 18:14

Ọ kevbe ya la ehe ọvbehe, ọ na laghe odẹ ekẹn kevbe odẹ orrie ọghe oke na, kpao vbe odẹ ekẹn ọghe Bẹt-horọn, ọ na vbe laghe odẹ ẹvbo kirriat Bal (ra kirriat Jearim) ne ọ re ọghe ẹwae Juda ehe ne ọ lae vbe odẹ orrie ọ re ọnii khin.

Jọsua 18:15

Ehe ne ọ lae vbe odẹ ekẹn keghi suẹn vbe kirriat Jearim, ọ na ke evba gha rrie Ovbi Ẹzẹ Nẹftoa.

Jọsua 9:16

Ọ ghi rre ikpẹdẹ eha ne iran ghi gba ke ọta na, ivbi Izrẹl keghi do rẹn wẹ ehe ne emwa nii ye ẹ i rre vbe evba.

Jọsua 9:18

Sokpan, ivbi Izrẹl ma gbele iran rhunmwuda avbe ọkaolotu iran ya eni e Nọyaẹnmwa Osanobua Izrẹl ye ekhọe hia yan ma iran. Emwa nii hia keghi gui ye emwi ne avbe ọkaolotu iran ru.

Jọsua 9:3

Ivbi e Gibiọn ghi họn vbene Jọsua ru emwa Jẹriko kevbe Eai hẹẹ,

Jọsua 9:9

Iran keghi ta okha egbe iran ma rẹn wẹẹ, “Evbavba, ehe ne ima kerre wa rrei ẹsẹse rhunmwuda ma họn ẹmwẹ e Nọyaẹnmwa Osanobua ruẹ. Ma họn otiti emwi ne ọ ru vbe Igipt.

Giọgis 18:12

Iran kegha khian, iran na bu agọ ye odẹ orrie ọghe kirriat Jearim vbe Juda. Ọnii ọ si ẹe ne a na ye tie evba nii Agọ e Dan.”

I Samuẹl 6:21

Iran keghi gie emwa gha rrie kirriat Jearim ya khama iran wẹẹ, “Avbe e Filistin mu Ẹkpẹti Ile werriegbe rre, wa gha de do mu ẹẹn.”

I Samuẹl 7:1

Ẹre emwa kirriat Jearim na ya mu Ẹkpẹti Ile, iran na ya mu ẹẹn ye owa Abinadab ne ọ rre uhunmwu oke. Iran keghi ya Eliaza ne ovbi ẹre yo ulamwẹ ne ọ gha gbe aro ghe ẹre.