Jọsua 9:11 - Edo Bible (E Baibol Ẹdo) Version 1996

¹¹ Avbe ọkaolotu ima kevbe emwa hia ni rre otọe ima keghi tama ima wẹẹ, ‘Wa viọ evbare okhian mwẹ, wa bu emwa na gha khian ya tama iran wẹẹ, “Ghe ima ne u ya ru ene ọ khọn ruẹn, lahọ gie ima vẹn ihẹn ne egbe.” ’

Jọsua 9:11 ပူးပေါင်းရင်းမြစ်များ

Gẹnẹsis 43:12

Wa viọ igho ukhukhu eva mwẹ, rhunmwuda te ọ kere ne uwa viọ igho ne u wa miẹn vbe ẹkpo uwa werriegbe, ọ gha kẹe te iran ma rẹn.

II Ọba 10:5

Rhunmwuda ọnii, iran ni gbe aro ghe ẹguae, kevbe iran ni gbearoghe ore ẹvbo kevbe avbe ekamakodin ẹvbo nii, kevbe iran ni gbe aro ghe iran, keghi gie ne a tama e Jehu wẹẹ, “Eguọmwadia ruẹ ma khin, ma vbe mu egbe ne ima ya ru emwi ne u a rhirhi wẹ ne ima ru. Sokpan, ma i ma ọmwaikọmwa ọba; ru emwi ne uwẹ ghi rẹn ighẹ ọ ke sẹẹ.”

Ẹsta 8:17

Ehe ne a rhirhi na tie ẹmwẹ ne ọba tae na, vbe avbe ore nekhua kevbe iyaẹvbo, avbe Ju ghi zobọ vbe iwinna, iran ghi ya oghọghọ titi ẹe deba ọyẹnmwẹ. Vbe ẹmwata, emwa ni bun ọvbehe keghi degbe la e Ju rhunmwuda te ohan iran ghi mu iran.

Iyẹn ne ọ Maan Ọghe Luk 9:3

Ọ keghi tama iran wẹẹ, “Wa ghẹ mu egbe ye ihẹ vbe okhian na, ọre ọkpọ nọ ra ovbi ẹkpo ọvbuevbare, ra evbare ra igho, wa ghẹ kue rhie ẹwu ọvbehe gba khua.

Jọsua 1:11

“Wa lele agọ na khinkhian, ne uwa vbe tama avbe emwa nii wẹẹ, ‘Wa dọlọ emwi uwa yi ye otọ rhunmwuda vbe ọ te sẹ ikpẹdẹ eha, wa gha fian Ẹzẹ Jọdan na rra ne uwa ya mu otọe ni ne Nọyaẹnmwa Osanobua rua ra mu ne uwa.’ ”

Jọsua 9:10

Kevbe emwi ne ọ ru avbe ọba Amọri eveva ni rre odẹ ahọ e Jọdan re: Saihọn ne ọba Hesbọn kevbe Ọg ne ọba Basian ne ọ rre Astarrọt.

Jọsua 9:12

Ghe ebrẹd ima. Ẹghẹ ne ima na kpao vbe owa ne ima do vba ruẹ, te ọ he ye tọn. Sokpan ghe nian! te ọ ghi ka, ọ vbe suobu.

Jọsua 9:8

Iran keghi tama e Jọsua wẹẹ, “Ghe ima ne u ya ru ene ọ khọn ruẹn.” Jọsua keghi nọ iran wẹẹ, “De emwa ne uwa khin yi? De ehe ne uwa ke rre?”