Jọsua 8:33 - Edo Bible (E Baibol Ẹdo) Version 1996

³³ Ivbi Izrẹl hia, kevbe avbe ọkaolotu iran, emwa iwinna iran kevbe iran ni bu ohiẹn deba avbe erriọvbe ni rre ehe ne iran ye, keghi tẹn lele obọ eveva ọghe Ẹkpẹti Ile Nọyaẹnmwa, iran na mu aro da avbe ohẹn e Livai ni mu ẹẹn. Obọ ọkpa vbe uwu avbe emwa nii keghi mudia viọ iyeke da Oke Gerizim kevbe obọ ọkpa na viọ iyeke da Oke Ebal. E Mosis ne ọguọmwadia e Nọyaẹnmwa ọ re ọ ka tama iran ne iran ru ẹe vberriọ vbe ẹghẹ a sẹ ne iran gha ya miẹn afiangbe.

Jọsua 8:33 ပူးပေါင်းရင်းမြစ်များ

Ẹksọdọs 12:49

Erriọ vbe nọ ne ivbi Izrẹl ne a biẹlẹe vbe owa kevbe orhunmwuyẹn ne ọ yin uwa ẹvbo.”

Levitikọs 24:22

Te uhi na dekan uwa hia, ivbi Izrẹl, kevbe avbe orhunmwuyẹn ni rre ehe ne uwa ye rhunmwuda, mẹ ọ re Nọyaẹnmwa Osanobua ruẹ.”

Nọmbas 15:15

Uhi na ghi gha re ne uwa kevbe avbe erhunmwuyẹn ni rre ẹvbo rua, gha ya gha ru emwi rhinrin ẹdẹ. Ọkpa ọ re uwa vbe iran khin vbe odaro Nọyaẹnmwa.

Nọmbas 15:16

Uhi ne ọ kan uwa ọre ọ vbe kan iran.

Nọmbas 15:29

Emwamwa ọkpa ọre ọ kan emwa hia ni ru orukhọ vbe ne ẹ i na re ẹmwẹ ọnrẹn, ọre ọmọ otọ nọ ra orhunmwuyẹn.

Iyẹn ne ọ Maan Ọghe Jọn 4:20

Uhunmwu oke na ọre avbe erha mwa odede ne ivbi Sameria na ga Osanobua. Wa ne Ju ghi ra kha, wa wẹ, Jerusalẹm ọrọre ehe ne ọ kere ne a na gha ga Osanobua.”

Diuteronomi 11:29

E Nọyaẹnmwa ghẹ ghi viọ uwa sẹ otọ ne uwa ra ya yin nẹ, u ghi ke uhunmwu Oke Gerizim na erhunmwu afiangbe nii, u ghi vbe ke uhunmwu Oke Ebal tie ihẹn na.

Diuteronomi 31:12

Tie avbe ikpia hia, ikhuo hia, ibiẹka hia kevbe avbe orhunmwuyẹn ni rre uwa ẹvbo, ne iran hia miẹn ehe na họn ẹẹn, ne iran sẹtin ruẹ vbene a ya ọghọ ne Nọyaẹnmwa Osanobua hẹ, ne iran vbe gha ya ẹkoata lele emwi ne ọ ma emwa re.

Diuteronomi 31:25

Ọ ghi gbẹn ọẹn fo nẹ, ọ keghi tama avbe ohẹn e Livai, iran ni sin ẹro Ẹkpẹti Ile ọghe Nọyaẹnmwa wẹẹ,

Diuteronomi 31:9

Ẹre Mosis na gbẹnnẹ avbe uhi Osanobua ye otọ, ọ na mu ne avbe ohẹn Livai ni siẹn ro Ẹkpẹti Ile ọghe Nọyaẹnmwa kevbe avbe ọkaolotu Izrẹl.

Jọsua 23:2

Ọ keghi tie ivbi Izrẹl hia, avbe ediọn, avbe ọkaolotu, iran ni bu ohiẹn kevbe avbe ekamakodin emwa nii, ọ keghi kha wẹẹ, “Te I ghi khian ọmaẹn ghẹghẹghẹ nian.

Jọsua 24:1

E Jọsua keghi si avbe ẹwae Izrẹl hia koko vbe Siẹkẹm. Ọ keghi tie avbe ediọn, avbe ọkaolotu, avbe enibuohiẹn kevbe avbe ekamakodin Izrẹl, iran kegha die odaro Osanobua.

Jọsua 3:14

Ẹghẹ emwiorhọ ọ re ghaa nọ, ẹzẹ ke wa ro, emwa nii keghi si kpao vbe agọ ne iran ya fian Jọdan rra. Avbe ohẹn keghi mu Ẹkpẹti Ile, iran na ke odaro. Iran ghi sẹ ọkpẹn Jọdan iran na viọ owẹ ye uwu ẹzẹ.

Jọsua 3:3

Iran keghi tama emwa nii wẹẹ, “Wa gha bẹghe avbe ohẹn vbe iran a mu Ẹkpẹti Ile ọghe Nọyaẹnmwa Osanobua rua, wa rhọ emwi ne uwa lele iran.

Jọsua 3:6

Ẹre Jọsua na tama avbe ohẹn wẹẹ ne iran tọn Ẹkpẹti Ile nii mu ne iran ke odaro ne avbe emwa nii. Iran keghi ru vbene ọ khare.

Jọsua 4:10

Avbe ohẹn keghi mudia ye adesẹneva Jọdan a te do miẹn wẹ a ru emwi hia ne Nọyaẹnmwa tama e Jọsua wẹ ne ọ tama iran ne iran ru. Erriọ e Mosis tae. Emwa nii ke zẹgiẹgiẹ fian e Jọdan rra.

Jọsua 4:18

Ugbẹn vbe avbe ohẹn ghi sẹ otọe Kenan nẹ, ẹzẹ nii ke dọlegbe gha lẹẹ, ọ keghi dọlegbe ro sẹ oke ẹre.

Jọsua 6:6

Ẹre Jọsua na tie avbe ohẹn, ọ keghi tama iran wẹẹ, “Wa mu Ẹkpẹti Ile nii, wa ihinrọn ke odaro ne ẹẹn wa ghi viọ orhu mwẹ. Avbe ivbiyokuo ghi ke odaro ne uwa.”