Jọsua 8:22 - Edo Bible (E Baibol Ẹdo) Version 1996

²² Ivbi Izrẹl ni rre ore ẹvbo keghi mu aro da emwa Eai. Ivbi Izrẹl keghi wa lẹga iran fo, iran na gbele iran uan, ọkpa ne ọ sẹtin lẹfe ra ne ọ miẹn uhunmwu vbọ i vbe rrọọ.

Jọsua 8:22 ပူးပေါင်းရင်းမြစ်များ

Job 20:5

a ma he miẹn ọmwa dan ọkpa ne egbe rọkhọe kpee vbotọ.

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

Jọsua 10:28

E Jọsua keghi dekun Makẹda, ọ na khọn rẹn ke ẹe kevbe ọba ẹre vbe ẹdẹnẹdẹrriọ. Ọ keghi gbele emwa nii rre ẹvbo ni hia a, ọ ma vbe fi ọkpa ye agbọn vbọ. Ọ kevbe ru ọba Makẹda zẹ vbene ọ vbe ru ọba Jẹriko.

Jọsua 6:21

Iran keghi ya umozo iran gbele emwa hia ni rre ẹvbo nii uan ikpia kevbe ikhuo, ọmaẹn kevbe ẹghele. Iran keghi vbe gbele avbe ẹmila, avbe ohuan kevbe avbe ekẹtẹkẹtẹ.

Jọsua 8:21

Ugbẹn vbe Jọsua kevbe emwa rẹn ghi miẹn wẹ iran nekpa mu ẹvbo nii nẹ, kevbe wẹ, erhẹn to vbọ, iran keghi fi egbe werriegbe, iran na suẹn gha gbele ivbi Eai.

Jọsua 8:23

Gberra ọba Eai. Iran keghi mu ẹẹn, iran na rhie ẹre gie Jọsua.

Jọsua 8:8

Wa ghẹ ghi khọn ẹvbo nii nẹ, wa ghi mu erhẹn yọ zẹ vbene e Nọyaẹnmwa khare zẹẹ. Uhunmwu ne a gie uwa ẹre ọ re onii khin.”